تعذيــيييب ( فضفضة بالصـور والحرطمه ) .. !

[بلوة حلوة]

عجـب جـبـ ووونه ..

نحـن 7 حصص بس كل حصه 45 دقيقه ف الايام العاديه
وعلى اخر السنة تستوي 50 عادي .. لول
وايام رمضااان 40 دقيقه ..
وعلى طاري النشاط والبـوس مال المجموعه .. عادي تستوي ويااانا
وعـن الفايل تدرين شو سوينا العام .. قمنا نطنش الموضوع لان شفنا ان
كل مـس تبااا ملف انجاز .. ونحيد هالسوالف حق الادبي .. فـ يوم شافوا
ان مامنا فايده غير بنتين ثلاث .. كنسلوا الموضووع .. لول ..
وعلى سالفة الفسـحه .. اخييييج والله اكرههم يوم ياخذونا منها
يعني شـوفي احنا لو تأخرنا عن حصتهم دقيقه بس طاعي الحشره
عيل هـم يأخرونا عن فسحتنا .. مسااات اخر زمن لوول..

بالنسبـه لمعاملة المسـّـات .. الي يقهرني مرات
انهم واثقين انهم الصح ونحن الغلط حتى لو كنتي متاكده انج صــح !!
ماتعترف بغلطتهااا .. مثلا مس الانجليزي هي تنطق كلمة غلط
وانا صلحتلها اياها .. ماقتنعت قالت لي اتاكدي ف الدكشنري .. قلتلها مابتاكد
لاني متاكد مايحتاي .. عقـب كلاسيـن قالت لي اني انا الي كنت انطقها
غلط وهي تنطقها صـح ( يعني العكس) .. ويوم كلمت بنات ثانيات من صفي
قالت لهم انها هي الي غلطت وان الكلمة الي قالتها "فلانه" هي الصـح
شـ معنه يعني ؟؟ \= .. وغيروه كتــيييير !!


يالله .. الله كريـــــم ..!
وايد رمست لاه ؟؟ ههه

بالتوفيج حبوبه .. شـدي حيلج







عنود الريف

انا بخيــر بدون هالأرف والتعذيب ^^"
جيف حالج انتي ؟!
حبيبطي .. عن سالفة جدول الامتحانات هذا ..
سويناه العام .. قاموا يتبادلون ايام .. ويستغلونـا ان نحن مانقدر
نقوللهم لا .. فـ ياخذون اليوم الي فيه راحه بحجة "ماشي وقت" \= ..!
ويوم نرمس الاداره يوقفون ويا المسّات ويطنشونا نحن !!
يالله .. ان شالله يتعـوض تعبنا بـ شي يرفع الراس (=




طير الغرام

تعبانيــن وبسسسس )'=
والله أرف هالامتحانات .. مانبى شي .. بس
يوم واحد من الاسبوع نكون فيه فاضيين )'=
حبيبطي .. الله كريم الغاليه .. ربي يعينج ويعينـا ..
بالتوفيج خيتـووو ..






عافـك الخاااطر ..

منو قالج مانسوي حشــره .. عيزنا ونحن نسولف ونحتشر ..
هاللي مصبرنا لووول ..
بيني وبينج شي مسات راسهم يااابس مايأجلووون .. لول ماينفع وياهم شي
اشتاقي فديت روحج اشتاقي .. لول والله أرففف ..




بــرب
ارقااااد
باجر بكمل ..

[بلوة حلوة]

اناستازيـا ..
عـادي فديتج .. الي قبلج ذاكروا وشدوا حيلهن ويابن نسبه عاليه..
شو ينقصنـا نحن ؟!
شدي حيلج وبالتوفيج (=



أنشودة المطر
اختـي .. اوكي ضغط زياد بس مب جـذييي !!
تعذيييب والله ..
يالله .. بالتوفيج حبوبه ..
بلوة حلوة مش الحلوة


بنكيـّه .. ورديه

والمرحلة الدراسية اول ثانوي

ثالث ثانوي انا ..
انزيـن عطيناهم ملاحظتنـا بينا وبينهم مش جدام الصـف كله
بس بعـد نفس السالفه كله يقولون نبى نحطلكم درجات
نبى نخلص المنهج .. يعني حججهن زاهبه
بس خل نحن نتعـذر بـ شي .. هئ .. ولا يقبلوون
وعن رأي الناس .. ماظني يفيد فيهم .. مـ حججهن زاهبه




الدلوووعه
نحـن كانوا يمتحنونا قبـل رمضـااان .. وعقـب رمضاان نفس الـشي ..
قبل رمضان يوم كنا نحـتج قالوا عشان ترتاحون فـ رمضان
ويوم يـا رمضان .. الحاله اشــد !!

(

بس تعالو انتو كيف ترضون امتحانيني فيوم واحد لو انهم هب وايد صعبين المواد نحن لو القبر مارضينا )

1. الانجليـزي يكون paragraph او function أو Grummer بس ..
يعني مـش بـ كل شي .. فـ يكون سهل حتى مايحتاي مذاكره ..عسب جي نحطه ويا ماده ثانيه
2. نبـى نحصل يوم فاضـي فـ ندمج المادة السهله الي مايبالها غير 5 دقايق ويا الصعبه أو السهله الثانيه وجــييي ..
وعن سالفة الفسحـه .. ها اكره شي عنديـيييي .. أخيييج .. هاللي ماحبه انا
ياخذونا منها او يعطونا منها بس دقيقتين شرات اليوم
انزين عندج حصتج ماخلصتي بس انزين لازم تكملين يعني؟ حبـكت ؟؟
ههه ع العموم حبوبه شدي حيلج .. بالتوفيج ..



ولد الشحوووح
من ناحيـة الامتحانات والله مكـروفين وايد .. كل يوم .. يوم فاضي ماشي
بس من ناحية الاهتمام من المدرسين او الاهتمام من المدرسات
يفـرق واايد عند المعظم .. خـصّـه الاساتذه فـ مدرسة ( _ _ _ ) ..
يالله .. الله يعينك ولد العـم ..


المتفيزره عـ العرقوب ..
متفيزره عـ الكتب انا
علمـوج "بـح" انتي بعد .. خخخ
هـــــــــــــب . لهالدرجه جدولج مريحنج لوووول اسولف حبوبه
يالله .. مصيرنا نرتاح عقب كل هالتعب ..
وشـرات ماقلتي .. ( ان الله لا يضيع أجر من أحسن عملا ) ..


مشكـووورين كلكم على المــرور والـرد ..
اختكم ..
ضحيـة دفعة 2006 .. لول
بلوة حلـوة ..

[ورديّـه]

وخخخ اتحراج اول ثانوي ><

احيد ثالث ثانوي راحه يلا آخر سنة

[الغاليه]

كم انت عجيــــــــــــــــبه

عيبني توقيعج .. استانست عليــــــــــــــه


ممممممم

ماشاالله عليج وايد مرتبه .. و خرايطج رهيــــــــــــــــــــبه

ذكرتيني بأيــــــــام الدفاتر والكتب والامتحانات والأبلات والمقلمة والواجب والتهزيئ والشرده

وبكل ايام

الثانويــــــــــــــــــ ـه العامــــــــــــــــــــ ه

هالسنه ابصراحه مادخلت مزاجي ابدن ابدن.. حتى ماكنت اداوم مممممم وحاسبيلي فوق ال40 يوم غياب

وعقب اضطريت اداوم عشان مايحرموني من الامتحانات النهائيه

بس صدق كانت معاناة .. والعلمي يكرفونا بالرياضيات كراف قبل الطابور والفسحه ويوم الخميس

وحصص الرياضه + حصص الفراغ + الحصص اليوميه


هااي دراااسه هاي ؟؟؟؟ .. تعذيب ومعاناة وطريقة تدريس متخلفة

بس يتحلمون طبعا ماداوملهم الخميس بس اكون انا الخسرانه طبعا !!


بس اقوولج مثل ماكانت امايه اتقولي دوووم

الثانويه العامه شرات الحرمة افشهرها التاسع .. تمشي وتتحرك وهي تعباانه

لكن في النهايه بيي يووم وبتربي وبتفرح فيه بالياهل

وانتي نفس الشي بيي يوم وبتفتكين وبتفرحين بالنتيجه ان شاالله

وماعليه كلنا مرينا بهالسنه .. وهاي سنه مميزه لكل حد مر فيها

سواء اذا ماتعب عمره بالدراسه .. بيتعب نفسيا من كثر مايزنون عليه ادرس وادرس !!

سوي اللي عليج ولا تضغطين على عمرج وحاولي تفهمين مب تحفظين

لانه وايد بيسهل عليج ..

وعن الضغط والكراف اللي يكرفونج اياه في رمضان

ماعندي شي اقووله غير ماباليد حيلة

كلنا مشتركين في نفس الحالـــــــــــه


الله يوفقج ويسهل عليــــــــــــــج واتيبين النتيجه اللي تبينها


تحياتي لج

والسموحه جان طولت عليج

[دمعة شوق]

الــســـلام عليــــــــــكـــم

آآه ياحزني
اسـميـج مرره يتي ع الـعـوق

يابوج لاتتخبرين مرررررره مررره ،،حشى ماشي احساس بس سمحوليه اقولكم مع كل احترامي انتوا ناس بليا ضميــر ،، عنبووه من بدأ رمضان ونحن نكرف كراف في هالارف حشى هب عيشه كل يوم امتحان يوم ورا يوم والكميــه اففف رهييبه تشجع الواحد يـدرس من الخاطر

لااااا لااا وهذا من غير الملفات والانشطه وملف الانجاز والبحـوث والتقارير والدفاتر والملزمات
( ياخي من متى اطورتوا عسب اطلبون بحوث وتقاير ....؟!!)
يعني قولوا نحن ندرس 12 مادة تقــريباً اللي أذكرهم الحينه
يعني قولوا 12 ملف و 12 ملزمه و 6 دفاتر وتقريباً 5 ملفات إنجاز
جي نحن مكاين ومانــدري

خــافوووووووووا ربــكم نحن بــشر،،، بشــر we ara a
يعني ضغط بمعنى الكلمة الملفات والملازم يوم السبت تسـليمهن // والبحـوث يوم الثلاثاء آخر يوم
وومادري شوه بعد في الطريج هيه والدفاتر بعد \\ واللي ماتسـلم بحطلها صـــفــر جي حاااف //
ولا يوم نرمس ابـلـــــــــــــــه علينا امتحان وزحمه
جي انتوا يوم عليكم امتحان ماتدرسن المواد الثــانـيـه...؟!!


لاااا وبعــد اللي تغيب عن الامتحان ماشي اعاده
واذ هـ هـ هـ عادته ألـنا نص الدرجة

.........
الله يعــيــنا ويصـبرنا ولكل مجتهد نصــيب إن شاءالله
بس تـدرين شدي حيلج ماشي باقلج ألا كمن شهر وعقب بتأجزون وبتدرسن
يالله هالله هالله ماوصيج بالرمسه والأستـكـرات تراها تاخذ مفعولها في النفـسيه المتهدمه

.......
يالله وسمحيليه الغاليــه وايد هذربت بس ماعليه رمسه بخاطريه
وبالتوفيج ياربيه
السـموحوووو

[عفاريتووو]

السلام عليكم

تبدلين وياي تين الجامعة وانا ارد الثانوية ؟؟
لاحقين لاحقين ع التعب الصدقي .. خلوا الحرطمة حق السنة الياية
ارفع معنوياتكم المفرووض
.
صدق الثانوية ما في احلى عنها
ولا تحاتون الامتحانات ماشي اسهل عنها
انتو بس ذاكروا شويتين و بتيبون النسبة الحلوة
وما عليكم من كلام المدرساات اللي يوتر
.
عندي كلاس لازم ابند
الله يوفقكم و يسهل عليكم :)

[عناد]

ههههههههههه

والله الموضوع مب مستاهل..... هو صح التجربة تزيغ... بس u will overcom it .. ^_^

بالتوفيق ..

[ورديّـه]

بس درجة الفصل / التقويم مهمة . .

ما تبينهم عفاريتوووو يصيحون على عمرهم *اسم الله عليكم* وتقول الوحده منهن عقب آخر السنة: لازم اييب أقل شي B في النهائي عسب انجح الفصل !!.. واسعى يا عبد وانا اسعى معاك

> تضمن درجات الفصل > عقب الامتحان

[بلوة حلوة]

ورديّـه ..
اي راحه أي بطييخ
\\
الدرجـات مهمه عسـب احدد مستواي مثلا أو شي جـي
بس فـ النسبه النهائية مش محسوبه
المحـسوب بـس امتحانات نهاية الفصـل الثاني ..



الغاليه..

عيبني توقيعج .. استانست عليــــــــــــــه

فداج .. لول

ماشاالله عليج وايد مرتبه .. و خرايطج رهيــــــــــــــــــــبه

جان استحـييي .. > ماشي خرايط ها رسم بياني مال معادلات المعايره ف الكيميا
هالترتيـب والالوان لازم كله على شااان تنفتح نفسيتي وانا اذاكر ..


========

الثانويه العامه شرات الحرمة افشهرها التاسع .. تمشي وتتحرك وهي تعباانه

لكن في النهايه بيي يووم وبتربي وبتفرح فيه بالياهل

ههه والله أهـون عن ها كله لوووول

شـوفي حبيبطي .. أنا من النوع الي مايضغط على عمـره مووول
أذاكر اللي علـي وما أتم اوسوس ولا ازيغ ولا اتوتـر
بس رغم ها كله .. بعـد تعب .. !
والحمدلله افهم اكثر من ما حفـظ .. حتى الحفظ أيلس احفظ النقاط بـطريقة قصة ولا ربط
مثل هالاشيا يعنـي..
يالله الله يعين .. وربي يسمع منج ..


========

دمعة شـووق
تصدقين عقب هالكراف والضغط كله ..
قمنـا انييب درجات مب حلوة .. قاموا هم يعيدون الامتحانات .. مش قهر ؟؟
انزين اولا.. مش محسوب .. ثانيا..البنية الي درجتها مش حلوة تنتبه وتفهم عشان المرة
الي عقبها .. او يمكن الغلط منها لانها مش مذاكره .. شو هالحاله
ومثل ما قلتي .. موول مايقـدروون ظروف الطالبه
اللي يبونا سوووه انتوووا

يالله مثل ماقلتـي كلها سنة وتعـدي بس يالله نوصل اخر السنة
ونحن بعدنا فينا حيل من عقب ها كله !!

========


عفاريتووو

صدق الثانوية ما في احلى عنها
ولا تحاتون الامتحانات ماشي اسهل عنها
انتو بس ذاكروا شويتين و بتيبون النسبة الحلوة
وما عليكم من كلام المدرساات اللي يوتر

.

يا ماما .. انا ما قلت اني متوتره عشانها اخر سنة ولا
زايغه عشان الفاينل .. انا قلت
تعبـونا وهـدّوا حيلنا بكل هالامتحانات الي ماتخلص ..
بالتوفيج سيسوو ..


==========


عناد

والله الموضوع مب مستاهل..... هو صح التجربة تزيغ... بس u will overcom it .. ^_^

بعـد مرة بعيـد .. انا مش متوتره وضاغطه على عمري
عشاان الفاينل .. ياناااس..
انا كنت اتشـكى من الامتحانات الزايده هاي الي ماتخلص ..


=========


ومشكورين عـ المرور
:ghostface

[شتشووته]

حالج من حالي والله العظييم

بس الفرق اني ادبي وانتي علمي

ع الفكره الادبي اصعب بلييييييييف مي

يعني انتوا 7 موااد ونصها علميه .. افهمي بتحليين اما احنا

10 مواااااااد علميه وادبيه يعني حفظ وتحضير وفهم يعني صدق صدق كارفيناااا

ولا القهر انه مانقدر ندخل التخصصات العلميه مع انه درس نص المواد العلميه

احنا نغمض والله .. عقووولتج ضحايا دفعة 2006

والسمووحه حبوبتي

[بلوة حلوة]

شتشوووته

صدقج والله .. بس من سنتين ثلاث
قاموا يـدخلون إلكم الكيميا والفيزيا والاحيـا ..
مـع انها مواد علميه ..
والبنات شاردات من هالمواد وداخلات الادبي بسبتها ..!
ايوون ويحطون إلهن اياها .!
حكم القوي عـ الضعيييف


الله يعينج حبوبه .. شدي حيلج

[الخط الساخن]

بالتنوفيق انشالله

[شمه]

ويـــــه خلصنا و افتكينــــا,.,.
و انتوا بعدكم اونكم الثانويه العامه معذبتنكــــــم..
يالله عن الدلـــــــــــع.. مرحله و بتعدي..
سري الجامعـــــــه و عقب اتشكي من الثانويـــــه..
و عقب ما اتخلصين الجامعــــه بتشوفيـــن انها ولا شي... جدام المجتمع اللي بتواجهينـــه و المسؤوليــه اللي بتتحملينــــها..

فذاكري.. كلنــــــــا ذاكرنا و نجحنــــــــــا و يبنــــا نسب .. اونــه تعذيــب..

:)
شمــــــــه