السلام عليكم ورحمة الله وبركاته
غبت عن الواحات فتره طويله
و السبب كان من صعوبة المناهج اليديده والضغط الكبير اللي علينا
الكتب شكلها الخارجي
حلو و يجذبك عشان تتصفحه ..
من داخل تحس انه
مطور ..
بس تعالوا للدراسه والمصطلحات اللي داخل هـ الكتب
..
المناهج مب على مستوى طالب اول ثانوي ..
الدروس اللي داخل شي منها كانت تتطبق على مناهج ثاني وثالث علمي ..
وشي منها ناس ما درسوها الا بـ الجامعه
يوم عن يوم بدأنا نتقبل دراسة هـ المناهج لان نحن ما نقدر نسوي شي بـ النهاية
ومستحيل تتغير الكتب
عشان شوية طلاب منزعجين من العلم
!
نقطة ثانية .. لو تفتحون كتب الاحياء الكيمياء أو الفيزياء بتلاحظون انهم يشتتون الطالب
!
يعني مثال : أسألة التقويم في صفحة 14 والاجابة لازم نكتبها في صفحه 60
>> مستحيل محد يغلط بين سؤال واجابة ولو مره وحده ع الأقل
الحين الواحد لمّا بيراجع بيفتح هـالصفحة عشان السؤال و يفتح الصفحه الثانيه عشان الجواب ..
وعلى هـ الحال لحد ما يخلص مراجعة باجي الأسأله
شي صعب أدري بس سكتنا وقلنا بـ نتحمل
كل يوم تفاجئنا وحده من المدرسات وتقول توزيع الدرجات تغير هـ السنه وصارت النسبة الأكبر للنشاط والتحريري بس ربع الدرجه
!
" يا سلام برافوا عليهم والله عشان جي بينتشر الجهل آخر الزمان وهاي البدايه
"
يعني تخيلوا اساساً اول ثانوي يباله دراسه مكثفه لان 11 مادة ..
والحين المناهج تغيرت وصارت اصعب .. يعني لازم نكثف جهودنا اكثر
..
ومع هذا كله مطلوب من كل طالب ملف انجاز
لكل ماده وعلى هـ الملف 20 درجه من الدرجه النهائية ..
وهـ الملف لازم يكون فيه مشروع مطبق من الطالب وعليه 10 درجات ..
ما قلنا شي لو كان هـ الملف لـ ماده او ثنتين بس لـ 11 مادة ومعاهم الحاسوب بعد و في ظل هـ الظروف ..
الطالب يعجز الصراحه حتى اللي يمشي على جدول معين يومياً الحين ما يقدر
..
صعب انه يقسم يومه لراحه ودراسه ونوم وغيره ..
لازم يكون اليوم كله دراسه وبعد ما يقدر يخلص كل شي
..
اتمنى صدق ان الموجهيين يغيرون رايهم بـ النسبة لـ سالفة ملفات الانجاز هاي اللي هدّت حيلنا ..
افففف .. بعدني ما خلصت بس شو اسوي
<< مشغوووله بـ الدراسه ووايد طوّلت ع النت
ما بكمل كلامي عشان ما اغلط على اللي حاطين الكتب وأتباعهم
!
\\
//
دعواتكم لنا.. والله يعينا ويصبرنا
المعذره
ودمتم بخير
فراشة
رد مع اقتباس
مواقع النشر (المفضلة)