القضية الأولى .. (ضياع الحشمة لدى بعض الفتيات )

[أمواج]

الخوف من تلك الافعال قد لا يكون متواجدا لعدم وجود من يقف في اوجههن و منعهن من
تصرفاتهم ، سواء اكان رب الاسره او الجهه المسؤله ، و من فقد الحشمه و تحولت
تصرفاته الى اوضاع غير لائقه تملي المياعه خيوطها فتعدم الحشمه و تقضى عليها ..

I disagree with u in this point

اللوم ماينعق على رب الاسره او الجهه المسؤله ... يمكن الاب ربا بنته احسن تربيه رباها باللي يشوفه صح و سوا اللي عليه و ماقصر وياها .. بالمقابل البنت اثرت عليها اشياااء وايد مثل رفاق السؤ و البيئه بعد اللي عايشه فيها .. اثر عليها سلبيي,,, فتطلع هالشريحه من البنات


وفي شي ابغي اقووله ويمكن الكثير منكم يعرفه .. كوني ادرس في الجامعه فأشووف البنات ارنااق و اشكااال ,, اللي ماخلت صبغ في ويهها ,, واللي نص شعرها ظاهر ,,, واللي عباتها ماعرف كييف مصممتنها بحيث صدرها يطلع ,,, وها كله يستوي من ورا علم الاب ,,, بتسألووني كيف تراها تظهر من البيت ؟؟؟ وانا بقوولكم صح تطهر من البيت ولكن مب بهالهيئه ,, تكون شلحا ملحا عقوولتهم يعني ولا حجال في عينها ,, ومن تووصل الجامعه قبل ماترووح كلاساتها ترووح اول شي الحماام ومعاها بقشه عووده ((ادري ابالغ )) والله العظيم ما اخرط من عندي إن فالكيسه اللي عندها مكيااج و شيله مادري مال عرس جنه و ساعات لبس ,,, ومادري شو بعد >>>>وها كله طبعا من ورا علم الاب فما اعتقد اللوم بينعق على الاب لانه مايعرف بنته شو تسوي من وراااه

والله في بنات تلقاها ماشالله عليه السنع كله و من ورا ابووها اللوث كله


...............

ولي عوده

[ورديّـه]

I disagree with u in this point

اللوم ماينعق على رب الاسره او الجهه المسؤله ... يمكن الاب ربا بنته احسن تربيه رباها باللي يشوفه صح و سوا اللي عليه و ماقصر وياها .. بالمقابل البنت اثرت عليها اشياااء وايد مثل رفاق السؤ و البيئه بعد اللي عايشه فيها .. اثر عليها سلبيي,,, فتطلع هالشريحه من البنات


...............
وها كله طبعا من ورا علم الاب فما اعتقد اللوم بينعق على الاب لانه مايعرف بنته شو تسوي من وراااه

والله في بنات تلقاها ماشالله عليه السنع كله و من ورا ابووها اللوث كله

مثل ما قلتي وكلامج ما عليه غبار . .
اعرف بنية بالاسم الله يستر ويّا اهلها تكون محجبة عدل و لابسة نظارة والعبا سودة كامل يعني *حشيمة* >> شفتها مرة جي . . بس من ورا هلها يعني يوم تظهر من الدوام : فول ميك والشيلة الله يعلم بحالها والعباة مبطلة وتتمشى ويّا ربيعتها في المول <<< ربيعتي شافتها جي

فالأهـل هب الضمير
وقوة الايمان
واستحضار الله في كل أعمالنا في السر والخفاء

فـ الحل هو في الإيمان والثقافة والمناقشة في كل صغير وكبيرة , استخدام اسلوب الإقناع غالبا وليس الاقماع , عدم الحرمان من الحياة من حلاوتها وحريتها في حدود الشريعة الاسلامية ، وارضاء الله أولا ثم الوالدين وليس العكس . واستخدام أسلوب الشدة في أحيان قلّة لـ نبيّن حرصنا وخوفنا عليه وعليها < اذا رمسنا عن تربية الأبنـاء في هذا السياق


وشكراً لكل فرد على النقاش المفيد . .

[خنفروش]

الصراحه انا من كثر ما شفت من هالمواقف الي تغصص بالواحد صرت اكره اسير هالأماكن (( أبغض البقاع إلى الله الأسواق )) عن بنتكلم عن أشكال البنات أو أشكال الشباب أو عن الحركات الي نشوفها حتى من (( الاطفال )) بنات و شباب الابتدائي \ ياترى بنرد على منوه ؟؟؟ \ والا المشكله فينا نحن الي نشوف ولا يظهر منا اي رد فعل نحرج به هذا او هاذي نمر و نحن نحترق بس ساكتين لأن الأمر ما يعنينا \ الشرطه او رجال التحريات ما يقدرون يمنعون الي يدعي الناس له بلبسه و شكله مهما حاولوا و حطوا قرارات بالاحتشام او او بيحصلون من بيعارضهم بحجه (( عشان ما ينقال عنا متخلفين )) أو (( انزين شو بنسوي للاجانب )) أو (( دع الخلق للخالق )) عشناااااااا و يامااااااا حنشووووووووف

[جنون امرأة]

مرحبا ..

الحشمه صار شي نادر او ممكن نسميه موضه قديمه بالنسبه للبنات العصريات اللي متابعين الموضه حتى لو كانت متعارضه مع الشريعه الاسلاميه .. و بعدين مب الشرطه اللي تظبط هالسلوك لا .. بعد هذا اللي ناقص اندخل رجال الامن في كل بيت يصلحونه .. هذا الدور ع الاهل .. الأب و الأم و الاخوان .. والله في بنات صح يسوون جي من ورى اهلهم .. بس المصيبه لما تشوف اخو يتمشى ويا اخته و هي كاشخه جنها سايره عرس ...
وين الغيره ؟...........
وين الاخلاق و المبادئ ؟........
يعني صدق شي يقهر ..

[ورديّـه]

.
.
.

هي علامات اقتراب السـاعة
..