8888

[أمواج]

[glow="0066CC"]السلام عليكم و رحمة الله و بركاته [/glow]
شحالكم وشخباركم اخواني الاعضاء و العضوات ؟؟

اسمحوولي اخبركم عن موضووع كثر ماضحكني ..صدمني و قهرني

أدري أدري صابكم الفضول تبون تعرفوون شو الحاصل ؟؟

يوم الجمعه عالعصر تقريبا كنت ياية من الاماره صوب السكن ... تخيلوا حالة البنات فالباص
اللي راقده ... واللي اتنوود عين مفتووحه وعين مغمضه .. واللي يرقع راسها براس ربيعتها يعني حاله تكسر الخاطر



[glow="666633"]

وفجأة

ومن دوون سابق إنذااار

[/glow]



يمر تاكسي و سواقة باكستاني مادري بنغالي
المهم ..
وتحل الصدمه علينا بسبت نمره التاكسي
تعرفوون كم النمره

:
::
:
8888

صدق هالدنيا عجيييبه ... نحن نمووت عشان نحصل رقم ينقرا من ورا ومن جدااام

وهالبكستاني عنده 8888
يعني لوتلاحظوون بين فتره و فتره تلقوون عارضين ارقاام فالجرييده و اسعارهن مب شويه

تعرفووون شو ناويه اسوي


؟؟؟؟؟؟

ناويه اكفل اخووه عشان يعطييني رقمه ..

أكيد شيخ الباكستانيه مقيم فالعين عشان يحووط فهالتكسي بالتحديد عشان النمره

ولا ازيدكم من الشعر بيت ... إنا التكسي تعمد يساير عدال الباص وعقب جاوز عشان اللي ماشاف يشوف و يمووت غصه


وسلمتوا

[الهيثــم]

الســـلام عليــــكم . .


مب غــريبــــة أختـــي
عــادي .. فـ هالدنيا اتشــوفين كل شي ..

عيل أنـــا أمســـان شــايف

5555

مواصــلات الامـــارات . .

ومصور التكسي بعــد
وبحـــط الصــورة عقـــب

الحيـــنه بسيـــر ارقــــد

. . .

والسمووحـــة

[الهيثــم]

أمســــات *****

[أمواج]

اخخخخخخخخ يالقهر


الحين المواصلات شو تبا اللارقام الحلوه ؟؟

[ذنـيـنـي]

اختيه هذه الارقام مخصصه لسيارات الاجرة


على سبيل المثال الارقام من 4000 الى 6000 تكون هذه ارقام خاصة بسيارات الاجرة

و اي رقم من بينهم ما يستخدم في اي غرض غير الاجرة

و طبعا الارقام تختلف من امارة الى اخرى

[ذنـيـنـي]

هييه صح, نسيت اقول

رقم واحد ((1)) المخصص للدراجات النارية في عيمان صاحبه هو الهندي الي يشتغل في كانتين مرور عيمان
خخخخخخخخخخ

So, take it easy Sis
و لا تقهرين عمرج

[خيال الحب]

عادي مافيها شي


ومثل ماقالو الاخوان هالارقام مخصصه للتكاسي بس من فوق ال 6000

والباجي تحت ال6000


وبــــــــــــــــــس

ولااااتقهرين عمرج وارقدي وانتي مرتاحه خخخخخخخخخخخخ



((( نحن البنات شو يخصنا بهالسوالف)) ادري ادري هالكلام دار في بالج خخخخخخخخ

[الملهم]

السلام عليكم

انا دوم اشوف ارقام غاوية في سيارات التكاسي ..
كنت منقهر واقول ليش هم وحنا ما عندنا .. وبعدين اخويه قالي
ها الارقام خاصة بس لسيارات التكاسي فقط ..

فـ.... مثل ما قالوا take it easy ^_^

شكرا على الموضوع ..

[أمواج]

اوكي انزين ماقلت شي
بس سيايير المواصلات شو تبا هالارقااام من الله مواصلات يعني شو تبااااهن بتسير اتغاووييبهن مثلا؟؟

[قلوب دبي]

منو يزيد منوه يزيد
ارقام تكاسي بالمزاد ..


يطولي بعمرج هالامور عاديه يحليلهم التكاسي
خليهم يستانسون بعد بالارقام..
تلقين بتاني يسير اند اربيعه ويقوله
استرا موشا سنج شيلا خان
شوف مال انا رخم واجد زين

لووووول

باجر تلقين تكاسي ايقول التكسي صاحب الرقم المميز
يريد يجي معا انا سوي يدفع 10 درخم زياده
خخخخخخ




ياخي شو جي ما ايصير عندي عشرين وصلنا اناك ..

بتاني خقاق ..

يالله روووخ منااااك
هههههههههه
ههههههههه
ههههههههه

الله يسلمكم هاي مجرد ارقام ولوحات و مخصصه للاجره
يعني الامور طيبه :)

تسلمين الموضوع

قلوب دبي

[ملك]

انا مرة سألت امايه : لييييييش ارقام التكاسي حلوة ؟؟

قالت :عشان لو راعي التكسي حاول يسوي شي .. على طول تحفظين رقمه

بس ما فكرت اسأل مرة ثانيه .. لانه جوابها اقنعني

و بعدين كونوا شويه قنوعين الحياه حلوة

و سلامتكم

[المقاتل]

هع هع هع

:: خلهم يتهنون شويه فـ الأرقــام ::

إلا أزيدج من الشعر بيت .. أحينه لهنود والبتان يقولولج قومي إنجلعي ( إلي عنده فراري وإلي عنده بورش ) يقطعونا

شي عجيب

:: المقاتل ::

[بلوة حلوة]

هه يـت على ارقااام السيايير بس ؟

شوفي السيايير بذاااتها

هندي عنـده كورفت

خلي الكورفت

عيل بتاني عنده بنتلي ؟ مب قهررر؟

لو فـ بلادهم ما بيرومون اييبون كورولا بس يشغلون مخوخهم ف بلادنا

ايون اهنه يستغنووون ونحن اهل لبلاد مب عارفين نستثمر بيزاتنا

بعدين صح حبوبه نفس ماخبرووج في ارقام خاصة باالتكاسي والشاحنات بعد ..

عيشي حيااتج لوول .. بتشوفين ازيد عن جذه ..

[ذنـيـنـي]

انزين ليش مقهورين منهم

الي بيشتغل بيحصل الي يبغيه, سواء بنتلي ولا رولز ولا طيارة خاصة

اعرف واحد روسي يتعامل ويا نفس المحل الي اتعامل وياه "محل الساوند سيستم"

عنده فيراري رقمه 12 F و مرسيدس G55 رقمه 121F و عنده مايباخ بعد عليه رقم ثنائي لكن ما اذكر كم بالضبط

يعني لا تنقهرون,الجماعة ماخذين السيايير بفلوسهم, مب بفلوس غيرهم

[بلوة حلوة]

نصـووور .. بالنسبـة إلي مب منقهره لانه "عندهم " ..
عااادي أي واحد يبى ويسـوي .. أكيـد بيحصل الي يباه ..
مادري ليش يجيسني قهر مرات جي يعني مادري كيف ^^" ..
الله يعطينا ويعطيهم .. كلنا بشـر بتاني ولا اماراتي ^^" .. لول ..