:: حصريا :: سعوديات :: كويتيات :: لبنانيات :: عـ البلوتوث ::

[المقاتل]

سؤال ؟؟

هل العربيـات بـ ضاعة تباع عـ لى البلوتوث ؟؟

أم وسيـلة إستمتاع فـ النظر ؟؟

:: يا َعربي :: يا مسلم :: بـل العربي المسلم ليسـت من صفاته أن ينشر صور أو فيـديو فتيات عربيات وإن كانن غير عربيات على البلوتوث ::

عنـدما أرى فـ بعض المواقع العربيـة

حصريّـا ( وكأنه إكتشـف الذره ) < تلومض كبر عيون إلي حاطنه ومصممنه > فتيات سعوديات على البلوتوث ( خسك الله مسـود الويـه ) أستغرب عنـدما أرى الإتصـالات ( طارّه الحلج ) بـ السماح لأمثـال هؤلاء بوضـع هواياتهم ( بل خياسهم ) على صفحـة الإنترنت .

- أقول :-

-إن الفتاة العربية ليسـت بضاعة بلوتوث تنشر فـ مواقع الإنترنت أو على أجهزة الهواتف المتحركة بل الفتاة العربية مكرمه معززه عن هذه القذاره الإنترنتيـه .

- أمثــال هؤلاء يثيرون إشمئزازي ولأســف كيف وكيف وكيف إستطاعت مروتهم ورجولتهم أن تفعل وتستخدم البلوتوث فـ سبيل هاي الحركات المايعه ؟؟

إن كـان هذا رأيّ حيــال موضوع البلوتوث ما رأيكـم أنتـم بـ هذه القضيـه ؟؟

:: المقاتل المنقِهر ::

[ذنـيـنـي]

للأسف الشديد العربيات الي نشوفهن في هالمواقع اصبحن بضاعة رخيصه

اولا,
انا قبل ما الوم الريال بلوم البنت الي طلعت وياه, يعني لو كان عندها كرامة و فيها "ذرة" احترام لنفسها و اهلها جان ما سووت الي سووته و رضت انها تطلع ويا واحد غريب بغـض النظر عن الشي الي سواه الريال

ثانيا,
مفهوم الرجوله "الخاطئ" عند الشباب حاليا هو (( كم بنت ترمس)) و ((ويا كم بنت تطلع)) , ((هل تسير حفلات في المزارع)) و عشان يثبت للشباب انه "ريّال" يقوم الاخ و يصور صديقته و يراويها ربعه من "الرياييل"

و لي عوده ....

[هزاايم]

لا حول ولا قوه
الوااقع المحزن إلي نعيشه على حال هذي الأمه
المشكله بعض البناات راخصين عماارهم و البنت إلي خلعت الحياء والعفه ماهي بالبنت مسلمه وعربيه وماقول غير السبب من إلي تشوفه سوى كان من الفضائيات أو حتى البلد إلي تعيش فيه لأن الغزو الأجنبي غزانا بوجدانهم بدياار وربي يكون بالعون
والواحد يوم يشووف إنها راخصه عمرها و كان ضعيف الإيمان أو حتى ضعيف بمعنى الرجووله يستغل الفرصه ويتباهى بالفاحشه
وهذا كل يدل على قرب يوم القيامه
وربي يحفظ بناتنا ويحفظ الجميع ويا الله بحسن الخاتمه
والسمووحه

[بلوة حلوة]

لـي عوده .. ان شالله

[الجنيه]

المقاتل ..

تيقن أن من يتناقل او يتسبب في نشر مثل هذه القذارات لا يمت للرجوله بصله,,,

الله يستر علينا أجمعين

[الدلووووعة]

تسلم اخويه عالموضوع

انا ويا اخويه نصور هي اللي خلت الريال(وهو اصلا هب ريال) انه يصوررها ولا لو هي بنت وتخاف عسمعتها وسمعت هلها مابتسوي الشي الغلط

والشباب اللي يسون ها الشي اكيد ماعدهم وازع ديني وايمانهم بالله هب قوي ودام هو يسوي في بنات ناس شي اكيد بي يوم وبيشوف حد من خواته او من هله في ها الشي

واالسموحة

[أمواج]

والله في هالزمن واللي ينقال عنه زمن العولمه (( امحق اسم ))
كل شي يستوي واللي ماتتوقعه بيستوي في الاياام اليايه

الله يستر علينا كبيرنا و صغيرنا امين

هالظاهره وايد انتشرت هالفتره

والسبب من الطرفين
من الريال و من البنت

يعني البنت غبيه تخلي الريااال يصورها اوكي ظهرت وياه لازم اتكملييين غلطتج ((خسج الله )) ؟؟؟ ولا خلاص اللي ظاع لازم كل شي عقبه يصير مباح ....والرياال ليش يسوي جيه ؟؟ بس عشان النزوه اوكي
مافكر انه عنده ام عنده خوات و بناته مستقبلا و الله يعاقبه فيهن (( الله مايضرب بعصا))

الله يستر علينا


وكل اللي استوا بسبب قلة الوازع الديني يعني لا البنت ولا الريال يعرفوون حتى الجبله ( القبله) اظن حتى مايعرفوون يتمسحووون ( يتوضوون )) حق الصلاه

الله يهديهم لطريق الصواب
ولا فوق كل هذا نحن مقبلين على شهر فضيل الله يعيده علينا كل سنه

[بنت الشارقة]

بصراحه لاتعليق عندي على الموضوع ..

لان النقاش في هالموضووع ما ينتهي .. الطرفين غلطانين ..

البنت هي الي تخلي عمرها بضاعة رخيصه .. والولد بعد ما يعرف ان عنده اهل وخوات و ( كما تُـدين تُدان ) ..

والسموحه

[ورديّـه]

يقولك المثل *خلّـك فوق التُّـل , لا تِبْتَـل* لا المصور مقطع الفيديو صح , ولا البنية صح

قبل دقيقة شفت لينك فوق صفحة موقع أغاني معروف > بلوتوث فضايح ..... الخ < ممم يعني شو أقول : هب خايف على بناتك وخواتك واهل بيتك .... ؟؟

whatever !

[خيال الحب]

هي والله صدقت ياخوك

يوم تيلس ويا الشباب في الميلس ولا مكان :((يدور هالحوار))

س: هلا بو فلان شحالك ربك الا بخير ,,, شو عندك من الزين في التيلفون
ن: افا عليك ياولد العم كل الزين عندي انا,, امس ياخوك نزلت لك افلام مواطناااااااات مسويين فيهم شباب نذاله حلووه تبا اطرش لك ,,, شغل البلوتوث بسرعه,,

وفلان يطرش لفلان وفلان يطرش لفلان لين ما ينتشررررررررررررر بكل مكان في العالم
يعني فضحنااااااااااا بنات بلادناااااااااااااااااااا ونحن نضحك


يافلان ليش تسوي جي

هم رضووووووووووو لنفسهم هالشي خل يتحملووون الي بييهم


عقوووول متحجره ,,,


السؤال الي يطرح نفسه؟

ليـــــــــــــــــــــــ ـــــــــــــــــــش تشووووف فضايح الناااااااااااااااااااااا اس؟؟ وتستمع انك تنشرها؟؟؟؟

ياخيييييييي في وايد اشياااااااااء احلى من هالوصاخه,,, في اشياء تضحك وتفرفش الواحد ,,



ماقول غير الله يهدينا ويهديهم


والسموحه ع الاطاله يالغالي

[ذنـيـنـي]

يوم تيلس ويا الشباب في الميلس ولا مكان :((يدور هالحوار))

س: هلا بو فلان شحالك ربك الا بخير ,,, شو عندك من الزين في التيلفون
ن: افا عليك ياولد العم كل الزين عندي انا,, امس ياخوك نزلت لك افلام مواطناااااااات مسويين فيهم شباب نذاله حلووه تبا اطرش لك ,,, شغل البلوتوث بسرعه,,

وفلان يطرش لفلان وفلان يطرش لفلان لين ما ينتشررررررررررررر بكل مكان في العالم
يعني فضحنااااااااااا بنات بلادناااااااااااااااااااا ونحن نضحك


يافلان ليش تسوي جي

هم رضووووووووووو لنفسهم هالشي خل يتحملووون الي بييهم

هيهيهيهي
بالضبط هذا الي يصير في الميالس
على قولة بعض الناس "افلام ريس"

[الملهم]

السلام عليكم ..

في رأيي ان الفتاة اذا احتشمت وعرفت نفسها .. لا يستطيع
اي شخص ان يصورها وينشر صورها .. لاحظت ان بعض الفتيات يرضون
ان يصورهم الشباب ..

بالنسبة للشاب الذي ينشر صور الفتيات اؤكد انه
ليس له اي ذرة رجولة وانما هو قطعة لحم محشو بالنذالة ..
حفظنا الله منهم ..

أشكرك اخي على الموضوع المهم ..
سلمت من كل شر ..

[شخبوط]

هذا اخي الكريم من الحقد والغيره وكذالك يهدفون الى الدعايه فمعلوم عند جميع الناس ان اهل الخليج اهل حشمه وستر فمن فقد هذا الشيء لايعجبه ان يرى بنات المسلمين متسترات ومن حوله غير ذالك فيريد ان يثير فضول الصغار وانصاف الرجال وكم رأينا برنامج عبر الفضائيات يأتون بنساء من خارج الجزيره العربيه ويلبسونهن البرقع او النقاب ويحاولون الايحاء بأنهن من الجزيره العربيه فمره يقولون امارتيات ومره سعوديات ومره كويتيات وهذا لايخفى على احد وكذالك يقصدون تجرئة البنات التى قد يخدعهن هذا الكلام نسأل الله ان يشغلهم بأنفسهم والله المستعان على مايصفون
شاكر لك موضوعك اخي المقاتل مع رجائي ان لاتنقهر

[بلوة حلوة]

.!i[ المقــاتــل ]i!.

سوري على التاخير

البلـوتوث . كـان فـ نظر الجميع

وسيلــه للإرســال بـ ( بلااااش ) .. > كانت في براءه

وعقــب استـوى طريقــة يديده للـ ( الترقيم ) .. > كشرت البراءه عن أنيابها

وعقـبهـااا للـ (****) ..

والحـين للـ ( فضــااايح ) .. > وجان تعـض البراءه

وكل حـد بـدا يتشــطر .. وصار همه الشاغل

: :: حصريا :: سعوديات :: كويتيات :: لبنانيات :: عـ البلوتوث ::

\\

//

شـ السالفه ؟ وين عايشين ؟

يـا عربي يا مسلم ( عـ قولتك ) .. هاييـلا مهمـا كـان بنـات بلادك .. إن فضحتهـم

فضحـت بلادك .. اذا ماكان فيك ذرة غيره عليهـن .. خل فيك ذرة غيره عـ سمعة بلادك

الغلـط من الثلاثه .. الي صـور والي تصـورت والي طرش

بس عـ الاقل .. الي يطرش قبل كل شي مثل ماقلـت .. يذكر انه باجـر بينقـال

والله بنـات الامارات ، السعوديه ، قطر الخ .. بنات الخليج .. فيهن وفيهن وفيهن

\\

//

وانتي يابنيـه يا مسلمه .. ياللي تحبيـن أهلج .. وتحبين فلان .. وعسب جـي

طلعتي وياااه .. قبل لا ترمسين عن الحـب .. افهمـي معنى الكلمة قبل ..

اذا تعرفين الحـب .. عيل وينه حبج لاهلج يـوم رضيتي على شرفهم واختليتي ويا فلان ؟

إذا كـانت سمعتج بروحج كيفج عاد انتي .. بس وراها سمعة اهلج .. وسمعة بلادج ..

خافـي ربج .. تذكري انج ممكن فـ أي لحظة .. تستوين فضيحه وعااار بسبة هالـ فلان

\\

//

قبل كـل شي .. قبل الشـطاره والفضـايح

حـط فـ بالك انك عقـب ماتسويله ( إرسـال ) .. بتاخذ اثمك واثم كـل حـد

وصـله وشافه عقبك .. لانك ساهمـت بنـشر مثل هالاشياء .. !

( له اثمها واثم من عمل بها بعـده )

ماذكر بداية الحـديث ..

\\

//

هي رضـت على عمرها بهالشي .. وانته رضيـت انك تفضحهـا

وها معناه انك رضيت ان باجر ربك يسلط لك واحد يفضح بنات بيتك !!

ربك يمهل ولا يهمل !!

\\

//

هاللي عنـدي .. ماعرفت بـ شو أعلق ..

والسموحه ..

[رحيل]

الله يكفــــــــــــــــــينا شرهــــــــــــــــــــــ ـــم..
ويســـــــــــــــــتر علينــــــــــا ان شاء الله..