الأب يشرب خمر؟؟!!! تفضلوا بالدخول

[اخت اختي]

السلام عليكم ورحمة الله وبركاته،

هذه هي قصة حقيقية.. بس بغيت رايكم: لأعرف وحدة ابوها يشرب خمر بس مب جدام عياله.. بس هي اكتشفت وعرفت وين ايخش الغرش.. وللأسف انه الأم اتعرف ان ريلها يشرب.. الحمدلله رب العالمين..

حطوا مكانكم في مكانن هالبنت.. كيف بتتصرفون مع ابوكم وشو بتسوون؟؟

أتمنى الكل يشارك..

[اناستازيا]

ما علي من حد بشل الغراش كلها وبفرفرهن لين ما يتكسرن كلهن ..

وإذا يا وقالي أي شي بقوله يا أنا يا هالسم فالبيت وبتم اصيح .. وما باكل وبنجلب 180 درجه ..,,
والدموع دووم لها تأثير قوي ع القلب .. خاصة إذا من بنته ..,,

[اخت اختي]

مشكورة اختي عالمرور والمشاركة

[ورديّـه]

شوفي , لو سوّت ( هوليله ) فالبيت يعني مشكلة جدام الأهل , معناه الكل بيعرف السالفة
خصه ان الأب لو لاحظتي مراعي سالفة الستر في الموضوع عن حد يعرف . . يمكن عسب صورته ما تهتز كأب أو يمكن خايف من رد الفعل أو غيره . . فلو هي سوت مشكلة ع المكشوف أولا بيعاند ( تاخذه العزة بالمعصية ) , ثانيا بيكون خلاص عرفتوا فـ عادي يشرب جدامهم أو يتمادى يا عِنْد يا لأن السالفة انكشفت

فـ الحرص على الهدوء والحكمة أهم نقطة

ثانيا : ادوّر نقطة ضعفه وتستخدمها : سواء الدموع , التهديد بـ ترك المنزل الخ ( على حسب ) . . بس لازم تستشير حد عود فاهم وعاقل من العايلة حريص عليهم مثل الأخو العود أو العم ...

ثالثا : لو في حد الأب يسمع لـ نصيحته ويحترمه وكلمته عنده مسموعه ( ينفع لو آخر المطاف )

ملاحظة / لازم تسأل امها هالمشكلة من متى وليش ( يعني من ربعه / ظرف خلُّ ايمانه يضعف الخ ) وهالبنت عاد تفكر بحكمة كيف تحل الموضوع من خلال السبب ( لو من ربعه ما يطبوا البيت وطرده / لو بسبب ضعف ايمانه بالله ممكن يساعدوه بالذكار والتذكير وسماع القرآن + زيارة مطوع قدير ..... وايد أساليب )

لو هو يشرب جدامهم بقول ها سكير رايح فيها . . بس لأنه مخبي الموضوع عنهم معناه في أمل ان شاء الله وبعد فيه احساس مسؤولية الأبوة , وواثقة الله بيساعدها

بس إلتزام الهدوء والحكمة واستشارة حد كبير وفاهم وعاقل .. هاي نصيحتي
والله يفرجها عليها , صعب موقفها كـ ابنة

[لبن مثلج]

لاحول ولاقوة الابالله العظيم

الله يعين اهله ...

كل الي اقدر اسويه اني ادعيله بالهداية ...

[أمواج]

لي عوده

[الملهم]

موضوع مهم ..

لي عودة

[سبانش مان]

مثل ماتفضلت الاخت ورديه صحيح واضيف لها..

ما اظن اسلوب التهديد بيفيد مع اي شخص شارب للخمر.. لان المعصيه هانت عليه وبالتالي بتهون عليه اشياء كثيره.. وللعلم ان الخمر من اكبر الكبائر..

وبما ان الاب خش عنهم سالفه الخمر .. فهذه نقطه ايجابيه ولازم تستفيد منها..

في البدايه لهالمشكله .. بطريقه غير مباشره على البنت انها تنصح ابوها انه يبتعد عن هالسم وبنفس الوقت لا تبين له انها تعرف انه يشرب.. مثلا اتييب له قصه شخص يشرب وبعد فتره مرض ومرضه لا علاج له..

وللعلم في واحد من اهليه دوم يشرب والكل يعرف.. لييين ماطب عليه وتشلل!! والحين يمشي بمساعده الكرسي المتحرك..

واحتمال كبير ان ماتنجح سالفه النصيحه بطريقه غير مباشره.. فتبدا البنت تدريجيا تبين للاب انها عرفت حقيقته وطاح من عينها بعد ماكان هو مثلها الاعلى,, واذا مثلها الاعلى طاح فيمكن ها الشي ياثر على البيت ككل ويخترب من في البنت.. كل هاي الاشياء لازم تبينها البنت لابوها

واذا مافاد ها الشي تبدا مرحلة الاستعانه بالاقرباء.. ودراسه الاسباب الي خلت الاب يسلك هذا الطريق..

واذا مافاد ها الشي تبدا المرحله الاخيره وهي الضغط باي شكل من اشكاله.. .. لكن لازم تبتعد عن العناد والتهديد لان هالشيين بيولد في الاب شعور العناد ايضا.. وبالنالي بتكون النتيجه المرجوه للبنت سلبيه!!

شارب الخمر له اسبابه دوم.. ولازم معرفة الاسباب وحلها..

والله يكفي الجميه هذا السم

[كـلـكـلـووش]

إذا رأيت منــكرا فــغيره بـــيدك ,, فإن لم تقـــدر فــبلسانك .. فإن لم تقــدر فــبقــلبك .. او كمــا ورد ..

اخــتــي الكــريمه ..

لا الفــضايح و لا التهـــديد راح ينفـــعون في ارشــاد الاب ..

الـــشخص اذا حب الشي .. و ادمن عليــه ما يـتــركه لأجل تهـــديد كــ ترك البيــت من الام او النـــواح او الفــضيحه !!

لازم الاب يكـــره الخمـــر من الاســــاس ..

لأن هالــشي الحيـــن يمشــي في دمـــه .. و اذا قــال بــتــركه بيــدور له مـــكان ثـــاني يقــضي فيـــه هالحـــاجه !

لازم ادور عـــلى اســلوب او طريـــقه تخليـــه يكـــره و يعـــاف الخـــمر ,,

و الدعـــاء لــه بالهـــدايه ايضــا شيء جمـــيل ..

و اظــن اهم شـــي ,,

هي شغــل وقـــت الاب و عــدم تــركه بمـــفرده .. لأنه الشيـــطان بيوسوس لـــه

يمــكن الــرجل بطــالي و ما عنده شغــله و دوم بروحه .. فــ ما لقــى غــير الخمــر كونـــيس !!

و اكثــر حـــالات الســكيــّره تــدل عــلى هالـــشي ..

والله يهـــديه ان شاء الله لطريـــق الصـــواب ..

.. الـــفـــتـــى ..

[أمواج]

وعليكم السلام ورحمة الله و بركاااته

ماشالله اخواني و اخواتي اللي قبلي كفوا و وفوا

وانا مابقول غير عن اللي قالووه

بس اللي ابا اقوووله اني انا لو كنت بدل هالبنت(لاسمح الله ) بستفسر من الوالده و بخليها تقولي كل السالفه ؟؟
و بعدين بكلم حد اكبر من ابويه و واثق فيه بحيث انه اذا عرف بالسالفه مايسوى حفله كبيره
وبعدين اذا واجه ابويه و تقبل الكلام برحابة صدر (( ياويلي انا عالعربيه)) ويابته الرمسة السنعة هاييج الساعه بنشووف اذا بيبطل هالسقم اللي يشربه

وانا اوافق ورديه على كلامها الصراحه اقنعتني وايد

[اخت اختي]

مشكوووووووووووووووووووووو وورين والله ما قصرتوا.. ألحينه بكلمها وبقولها نصايحكم.. بارك الله فيكم وأدخلكم فسيح جناته..

[الملهم]

السلام عليكم

هناك الكثير من الاباء يشربون بعلم او بدون علم اولادهم ..
وطبعا ينتج عن ذلك الكثير من المشاكل وربما يؤدي الى انفصال الاسرة ..

برأيي اولا الدعاء له ..
ثانيا اللجوء الى الام لمعرفة سبب شرب الاب للخمر ..
ثالثا محاولة الابناء لمكالمة ابيهم باللطف او على الاقل
يشغلوه بأشياء تحول دون الذهاب لشرب الخمر ..
" مثل ما شفنا في مسرحية (العيال كبرت) كيف
الاولاد يمنعون ابوهم من السفر " ^_^
بالتأكيد ان هذا الشيء صعب .. ولكن لكل جهد ثمر النجاح

أشكركِ اختي على الموضوع
وعلى اهتمامكِ بصديقتكِ ..

[ظلام الامارات]

إذا رأيت منــكرا فــغيره بـــيدك ,, فإن لم تقـــدر فــبلسانك .. فإن لم تقــدر فــبقــلبك ..
مثل ماقالت الوردية + شبانس مان
مشكورة خيتووو على الموضوووع

[اخت اختي]

مشكورين اخواني الملهم و ظلام الإمارات عالمشاركة والاهتمام..