"||عيـادة المدرسة||"

[بنوته]

اختي قصايد غلا ذكرتيني لما بغو يعطوني ابره وكنت زايغه من الخاطر (طبعا كنت صغيره بالصف الخامس)

طحت مريضه بعد ماعطوني الابره بـ 5 دقايق

يوم يقولون تتدلع خاطرج تعطينهم من الزييييييييين شو عرفهم باللي اتحسينه

والمشكله اذا رمستي قالو لسانج طوييييييل

مره وانا بثاني ثنوي يتني حمى غير طبيعيه قوووووووووويه

وغبت الـ3 الايام المسموحين لي وبعدين قلت لازم اداوم عشان فترة التقويم ولازم احضر الدروس عشان استوعبها

كان علينا جغرافيا

والله كنت تعبانه من الخاطر وراسي كل شوي يزيد عواره والحراره واااااااااااالعه

مادري شو اللي خلاني اداوم

اتحسب اذا داومت وحركت عمري بستوي عال العال

حطيت راس عالدرج

واشوي..........

الا اجوف الابله تزقرني عشان اجاوب وانا ماعرف شي

جان اقولها انا مريضه جان اتقول عن الدلع ومن هالخرابيط

وانا المرض شوي وبيظهر من عيني يعني امبين اشكررررره اني مريضه

يعني زين مني حضرت الحصه

طبعا انا حاليا خلصت دراستي الجامعيه :)

[مخاوية الامل]

عوووذ بالله منهنــ .،

بس والله تلاقين معلمــاات قلبهن ع طالباتهن .،
عندنا معلمــة الله يذكرها بالخير والله لو تشوفج مريضـة اتخليج ادقين من تلفونها علشان تردين البيت .، وعاادي هي توصلج بيتكم ..،
عسانيه ماخلي منهم .،

ياخووج كلهن امــره مامنهن فايده هالنيرسات ..؛
الله يعينــــاا .،
ولا حاينــا حقهن ياربيه ..،

[شمعة أمل]

بسم الله شو هالقصص

نحن الحمدالله عيادتنا عجيبه .. حليلها المييترون تبهدلت ويايه وايد اخر سنتيين
لاني انا من النوعيه اذا يكون عندي وااايد project deadlines واعرف اني مابلحق ارتبك من الخاطر وايلس اصيح وماروم اركز ومرتين دوخت عليهم
بس الحمدالله
هي تعرف انه الى عليها اطلعني من الحصه .. ترقدني في غرفتها .. تتصل في امي .. تتريا امي توصل .. توصلني للسياره .. ومع السلامه


بس وايد اشيا فضيعه استوت في المدرسه والحمدالله هي قد المسؤوليه وكم مره متصلين في الاسعافات..