"||عيـادة المدرسة||"

[ورديّـه]

الممرضة / الإخصائية وظايف غير مؤهلة حتى الآن من ناحية أهميتها الحقيقية + وظيفتها
الوزارة ملامة والجامعة مقصرة

خبو باكيت بندول في الشنطة ودقوا ع البيت مباشرة . بس هالتصرف السليم
ونظام التعليم كله يباله تعديل , فـ هالأمر ما بيكون في رأس القائمة ولا شياته

سلامتها اختج

[الغاليه]

من مشاكل مجتمعنا اللي زادت فيه المشاكل.. مشكلة عدم الاحساس بالمسؤلية الوظيفية او عدم

الاهتمام بمستوى العطاء و الجودة والاتقان من قبل الموظفين سواء في الدوائر او الوزارات او المدارس او غيرها ..

وممرضة المدرسة اللي تكلمتي عنها حالة من الحالات اللي ثمثل هالشريحة الغير مبالية من الموظفين ..

اللي استوالج انتي واختج صورة واقعية متكرره في مدارسنا .. اغلبية الممرضات مالهن وجوود او بمعنى اصح يمثلون دور سلبي الي هو الاكتفاء بالتشييك على طول ووزن الطالبات مره في السنة و عقبها مايشوفونهن غير في وقت الحاجة.. واعتقد دورهن لازم يكون بمستوى أحسن وبفاعلية أكبر ويكون دور حي في المدرسة..

وماعرف شوو سبب هالحالة .. هل هو عدم اهتمام ومتابعة من قبل المدرسة بالنسبة لاعمال هالممرضات ؟.. او عدم متابعة وتقصير في اعدادهن من قبل وحدات الرعاية الصحية اللي تنشرهن في هالمدارس؟؟ .. او انه تكاسل شخصي من قبل هالممرضات وتعايزهن عن اداء وظيفتهن بالشكل المطلووب .. ؟؟؟

تساؤولات تجر وراها تساؤل .. ليش اذا قارنا واقعنا العربي بالغربي بنحصل الرعاية الصحية الأولية في مدارسهم في قمة نشاطها وتفاعلها وتكاملهاا مع المنهج التعليمي للطلاب ..
ونفس الشي بالنسبة لمستوياتهم الخدماتية الثانية مب شرط الصحية .. هل عندنا عجز مادي ومانقدر نوصل لمستواهم ؟؟ طبعا لا ..

الجواب اللي لقيته هو انه الموظف الغربي يحب عمله ويسعى للاتقان والجودة والتفاني فيه ..
على عكس الموظف العربي دايم التذمر والشكوى وما يحب يشتغل واحساسه بالمسؤولية تجاه مايقدمه لمجتمعه قليل ..ومايصدق شي الا وياخذ اجازة او
يظهر من نص الدوام او يتكاسل في أداء مهماته !!.. لا اعمم لكن اقول وااايد منهم جي ..
للاسف هذا هو واقعنا .. ولو كل حد حس بقيمة عمله وحب شغله وكان أمين مع ربه ونفسه .. أظن وايد من مشاكلنا بتنتهي وكل ازماتنا بتنحل ..

المهم يااختي مخاوية الأمل اسمحيلي طولت عليج ووايد هذربت ويمكن طلعت عن الموضوع شويه .. بس صدق عيبني موضووعج وقلت خلني اتسلى واكتب وامارس العربي عن لا انساه ..

وهيه صح نسيت اتحمدلج على سلامة اختج وماتشوف شر ان شاالله ..

[الجديدة]

و عليكم السلام و رحمة الله و بركاته
الموضوع اللي ذكرتيه مهم للطلاب و الطالبات لانه يصير أي شيء لا سمح الله للطلاب يكون الطبيب متواجد للمساعدة ، و أنا ما ألوم أختج على الكلام اللي قالته و هي صادجه لان المستحى ما منه فايده مع هذه الاشكال.
بالنسب لكم عندكم طبيب في مدرستكم على الأقل يسمى طبيب، بس في مدارس أخرى ما فيها طبيب أبد أو عيادة قريبة منها. على سبيل المثال مدرسة خواتي و أخواني ما فيهم طبيب و إذا تعبوا لزم يروحوا العيادة القريبة منهم و يغيبوا عن باقي الحصص للأسف.
هذه الحالة يجب على الوزارة الصحة و التعليم التفكير في هذا الأمر بشكل كبير لانه مهم المحافظة على صحة أطفالنا فهم عمود المستقبل و نريد لهم كل الخير و الصحة و العافية
شكرا أختي على هذا الموضوع المهم و ن شاء لله تشفى أختج.

و السموحه

[الحاضر الغايب]

السلام عليكم ...

اول شي حمد الله على سلامة اختج

ثاني شي عجبني رد الاخت الغالية واحييها على تعقيبها

اللي اذكره من العيادة المدرسية بس الادول ...

المشكلة اعتقد انها تكمن في اهمال دور العيادة المدرسية من قبل الوزارة ... وكتسلسل طبيعي لهذا الاهمال يكون الاهمال من المسؤولين في المدرسة ومنهم يتوالد الاهمال في المسؤولين عن هذه العيادات ...

والسموحه ...

[مخاوية الامل]

الســلام عليـــكم ورحمــة الله وبركـــاته ،

مشكورين لكــل اللي مروا ، وقروا الموضوع وعطونــي رايهــم،
واسمحــولي إني أختــص بالشكــــــــــر للغــاليـة ،
والله إنه ردج هو الواقع اللي نعيـــشه ،
تسلميـن الغــالية ،
وتسلمولــي كلكــم ياربي .

والله يسلمــــــــــكم جميــعــا ،

مخاوية الامل ,