المزوحي من جديد

[المزوحي]

جيت أفضفض هنيه، في ربوع الواحات، أثاري الكل لاهي بعالمه الخاص ..
فترة انقطعت عن الفضفضة، وها أنا من جديد في شهر شعبان، شهر يغفل الكثير عنه
شهر تقدرون تكثرون من الدعاء فيه .....

أنا مليت من الدوام ... روتين ... حنيت للإجازة .. واصريت على السفر ..
وهذا ماحدث ... وبعد العودة لبلادي ...
باقي أيام قليلة عن عودتي للعمل .. لهذاك الجو ... اللي أحبه وأكرهه ..

مية شور في راسي ... من توظفت .. وأنا عندي خطط دراسية ...
لكن كلها فاشلة .. بسبب بحثي عن الأفضل والمعترف بالكلية الفلانية

أحس إني أبغي أحقق شي، وماعرف شو هالشي !!
هذا غلط
لازم تكون خطوة فيها تفاؤل، ولاتفتكرون بعدني متشاؤم مثل ماخذتوا انطباع عني

اعذروني ...

تحياتي للجميع وسنة دراسية موفقة للي يدرس واللي يشتغل أقوله هارد لك بس هاااااااا
إن شاء الله ترقية، بس شدوا حيلكم ...

[الجنيه]

اسلام عليكم ورحمة الله وبركاته

الحمدلله على السلامه يالمزوحي اشحالك عساك بخير وعافيه ...
أنورت الواحات برجعتك...

الله يسلمك لا أتحاتي الدراسه توكل على الله وأختار الكليه اللي تريحك لأن الإنسان يوم يفكر بشي ويسمح للأي كان بأنه يبدي رايه ما بترسي على بر لأنه كل حد ينقد شي وما يعيبه شي في كليه او جامعه ...
عموماً الله يوفقك وان شاء الله تعقد العزم وتختار وحده من هالكليات وأتكمل مشوارك التعليمي
اذا على أنه فاشل ترا مافي حد مشواره الدراسي مليئ بالتفوق والتقدم .....
اسمحلي اذا مخرفه وايد في الرمسه لأني في الكلاس والاستاذ بيذبحني

[المزوحي]

إذا كان الاستاذ بيذبحج، فأنا مابدرس عسب مايذبحني أي استاذ :)
شكرا لج على المشاركة، وإن شاء الله أشوووف شي زين

[سفير الخيال]

هـــــــــــلا وغــــــــــــلا بالمـــزوحي

شحالك أخوي؟ غبت عنا فتره طويله واليوم نورتنـــــا :)

يااخويه إذا تبغي تدرس ادرس احسن لك ولا اتقول إنك بتتعب لأن التعب الصدقي في الشغل..

الشغل رووتين يومي وأنا أكره الروتين.. أحب التغيير ..

أما الدراسه فهي شي يديد.. شهر عن شهر.. سنه عن سنه.. أشياء يديده.. ناس يداد :)

تـــوكل على الله لأن الدراسه شي جمــــيل... واستخير ربــــك إذا ترددت :)

تحيـــــــــاتي الحاره أخي العزيز

[خنفروش]

اولا الحمدلله عالسلامه يالمزوحي و ثانيا الله يوفق الجميع ويارب تحقق امانيك

[المزوحي]

سفير الخيال، نعم دراسة .. وهل من اقتراح بجامعة بكلية معينة ؟؟ وشكرا على المشاركة ..

خنفروش .. الله يسلمك ويوفقك .. وتسلم ..

[سفير الخيال]

عزيزي المـــزوحي،،

تعتمـــد على بعض المعلومات الشخصيه والعلمية والعمليه والميول الشخصي :)

لي عوده بإذن الله

[عافك الخاطر]

حمدلله على السـلامة خيّو ..
والله يوفقـك ان شاء الله في دراستـك ..
حاول تستمتع بـ أي شي تسويه سواء كان دراسة أو شغل ،عشان ما اتمـل :)
موفق..
..

[المزوحي]

سفير الخيال شو رايك بجامعة الغرير ؟؟؟ ( رايك )

عافك الخاطر .. استمتع ! ( نــعم ) شي حلو بحيث ما اطفر من شي .. شكرا ..

[حبوبه دبي]

يا مــرحبا والله

المــزوحي اهنه لا لا ماصدق

اتــولهنــا ع فضفضه المــزوحي في هالــواحه واايد ..

وعــن الدراسه والله شـــي طيب
شــوف شــو ميــولك في الدراسه !!

واذا فـ خاطرك جامعه الغــرير والله انا اعرف كمن وحده اهنــاك وماشــفت عالدراسه اهنــاك
وســر يووم وشــوف واسألهم
...

حيـــالله المــزوحي مره ثانيه
ولا تختفــي عــاد

والسمــوحه

[المزوحي]

حبوبة دبي كلج ذووووق ...

[سفير الخيال]

هلا عزيزي المزوحي..

بالنسبه لجامعة الغرير والله ما أعرف عنها وايـــد وإذا حصلت حد يدرس هناك بســأل لك :)

بس شو التخصص اللي بتدخله؟