الصـ ـ ـ ـ ـ ـراحه مـ ـ ب حالـ ـ ـ ـه

**أمواج** · 13-09-05 ||, 03:31 PM

السلام عليكم و رحمة الله و بركاته ....

شحالكم اخواتي و اخواني الاعضاء؟؟عساكم بخير و نعمة ...

الصراحه في داخلي كلااام وااايد وخلاص مابقدر اخلييه داخلي لازم اطلعه

كلامي بيكوون عن حال المنتدى .. الصراحه حاله مووول مب عايبني ولا يسر لا عدو ولا صديييج

يوم عن يووم يقل عدد المتوااجدين فالمنتدى بعد ماكان يتخطوون العشرين الحين اعدادهم تنعد عالاصابع وساعات اتم بروووحي

اوكي شو السبب ؟؟ شو اللي صار ليش صار حال المنتدى جيه بعد ماكان كل شوي ينضاف فيه موضووع و مايكمل الموضووع دقايق من عقب ماينطرح نلقى فيه ردوود و مشاركااات و الحين لو تحط الموضووع عقب فتره طويله تلقى رد ولا اثنيينه مب وايد يعني ....... وفوق كل هذا اعضاااء متميزييين اختفوا و ماقاموا يدشوون الواحات انا مابعدد اساميهم لانهم ماشالله كثار ولو اعدهم مابخلص.... يعني يوم ادش الواحات كأني داشه مكان مافيه حد مقطعه المكان هادي مافي ردوود ولا مشاركات ولا مواضيع يديده ... قبل كنت امووت ان مادشيت المنتدى لاني اعرف كل شوي ينحط موضووع يديد و مشاركات حلوه و اضافات لاعضاء متميزيين بس الحين الصراحه مالي خلق ادش لاني اعرف حال المنتدى ماتغير البارحه مثل اليوم و اليوم مثل باجر .. بس ابا اعرف السبب ؟؟؟ والله تعبت
يالله الله كريم

**بهجة الروح** · 13-09-05 ||, 03:47 PM

وعليكم السلام والرحمـــه

أول شي هـــدي أعصابج....ترا محــد يستاهل >>> هاللي فتوقيعج

ثـــاني شي بقولج سبب اختفاء أغلبيه الأعضـــــاء....وأنا وحده منهم

يمكن يكون السبب انشغالهم بأمور أهـــــم

أو يمكــــن الضرايب أو المشاكل اللي فالواحـــــــــات هي الي شردتهم

أو يمكــن القيل والقال اللي منتشر في الواحـــات كرههم في المنتــدي وما يبون يدشون

أو يمكــــن يكون أختفاء بعض الاعضاء أثر على البعض وجعلهم يتخذون نفس السبيل

هــــذا كل شي

أتمنى اني ما طولت عليــج

**أمواج** · 13-09-05 ||, 03:49 PM

اوكي انا ماقلت شي كل حد له عذره

يعني الواحات مابترد شرات قبل ؟؟؟

**مزن هتان** · 13-09-05 ||, 07:23 PM

انا معاج يالمتفيزره في كل اللي قلتيه

و راح ارد واقول شو اسباب اختفاء الأعضاء

**اناستازيا** · 13-09-05 ||, 08:16 PM

وأنا بعد رايي من راي المتفيزره ع العرقوب ..

قبل كنت ادخل كم وديه الواحات والحين بين اليومين والثلاث ادخل مره ..,,

احس ان المكان خالي محد فيه موليه ..,,

وكل يوم والثاني يغيب عضو ..,,

والســـــــبــــــب ...,,

هذا اللي نبغي نعرفه ..,,

**المقاتل** · 14-09-05 ||, 03:02 AM

أوب أوب المتفيزره شابه ضو على الواحات

أعصابج إنتي بس ..

أعذري عيال الواحات .. إلي عنــده دراسه و lap lap

:: الزبــده ::

الواحات حلوه وغاويه ومرتبه آخر ترتيـــــــــب

بس دايمـــا الـأعضاء هم شعلة المنتـدى .

المهم شورايكم إنطبق إعزم ربيعـك على المنتــدى .. لو يعرفه أو ما يعرفه

.. مثل ما الربع عزموني أو زقروني وقالولي هاه وينك ما تحدر ولا شي

:: شكرا يالمتفيزره عـ موضوعـج الغاوي ::

ونتمنــى يديدج

ونقول يدا بيد نرقى

::

هاه بعدج شابه ضوو هدي هدي ::

**أمواج** · 14-09-05 ||, 03:06 AM

ومنو قال اني معصبه ولا شي انا مب عصبه بس مضايقه على حال الواحات انا الصراحه مب راضيه عنها

ادري الواحات من حيث الترتيب ماعليها كلام و كل مالها تحلو في عيني
بس وين الاعضاء يعني هالتغييرات لمنو بتكوون للاعضاء انزين وينهم ؟؟؟

وارد واقوول انا مب معصبه انا رايقه :)

**المقاتل** · 14-09-05 ||, 03:12 AM

أمممم يمكن السبب من أحـــد المسؤولين فـ الواحات عنـده خاصيـة الطرد

أويه عن يروغنـــي !!

:: وإلي يقوم يطرد ::

بطل شعبي فالواحات :: ويؤدي إلى هروب البقيه ::

And << إقضوا حوائجكم فـ الكتمان هيهيهيهيهيهي

**أمواج** · 14-09-05 ||, 03:38 AM

لا ما اعتقد ......

بس ابا اعرف شو السبب ؟؟؟؟؟؟؟

وبعدين كم بنكتم انا عن نفسي ما ارووم ايود عمري على قولت ربيعتي اونه انا دبه مخبوووقه ((خخخخ))

**سفير الخيال** · 15-09-05 ||, 12:43 AM

يالمتفيزره ترا السبب هـــو أنا

يوووم أغييب عن الواحات الكل يــــدخل ويرد واتحصلين الواحات من كثر الأعضاء بطيييئه

ويوم ادخل أنا الكل يـــشرد ويســــافر ..

ما اعرف لـــيش

بهذي الفتره أنا موجود فيها عسب جي الواحات خـــااااليه

باجر يوم بغييييييييييب الكل بيــــرد

والله حااااااااااله....

... أنا ما سويت شي

سفرفر

**أمواج** · 16-09-05 ||, 11:10 PM

لا انته ياخويه مايخصك في دخول الاعضاء او خرووجهم

**مسافرللجفا** · 17-09-05 ||, 12:57 AM

المقاتل :

أمممم يمكن السبب من أحـــد المسؤولين فـ الواحات عنـده خاصيـة الطرد

أويه عن يروغنـــي !!

:: وإلي يقوم يطرد ::

بطل شعبي فالواحات :: ويؤدي إلى هروب البقيه ::

And << إقضوا حوائجكم فـ الكتمان هيهيهيهيهيهي

ما كذبت يا اخوي!

= = = = = = = = = = = = =

اتمنى من الاعضاء انهم ما يلومون الاداره بشكل عام .
ويلومون الاداري بشكل خاص . اعتقد هو يعرف السبب وتقدرون تستفسرون منه في المواسم القادمه . على حسب .

= = = = = = = = = = = = =

مريت بمنتدى مر بمراحل عديده
وهناك عضو او اداري موسمي . شغلته مثل ما تفضل علينا الاخ المقاتل طرد الاعضاء مما ادى الى هروب البقيه . وبعد ما يخلص من شغلته يختفي . وللاسف الاعضاء يلومون الاداره وانها هي السبب في ركود الواحات وما يدرون عن الاداري الي يظهر في كل موسم ويشرد الاعضاء ويختفي .

ولاحظت من خلال تواجده ان هناك خلافات ومشاكل تصير في المنتدى .(يعني زادت عن حدها )
وبعد ما تخلص المشاكل يبدا نوع من الركود يخيم على المنتدى
طبعا بعد ظهور المتسبب واختفائه

وانتظروه في الموسم القادم اذا قاموا الاداريين الله يجزيهم بالخير تنشيط الواحات و تعديلها يرجع هو بعد فتره يخلق نوع من المشاكل ويختفي . وضاع تعب الاداريين في فتره قصيره

الله يهديك بس ويهدينا

ما خليت حد .

هذا هو حال المنتديات هاي الايـــام .

= = = = = = = = = = = =

اما الواحـــات
احسن سنه مرت فيها سنة 2001 على ما اعتقد .
وسنه بعد سنه قامت تتدهور وتظهر فتره ( المــواسـم ) وعملياتها الي اثرت على الواحات وايد و هذا هو حال الواحات اليوم مثل ما تجوفون .

اتمنى رجوع الاداريين المختفين عن الواحات
والي وما يدرون عنها شي .

= = = = = = = = = = = =

هذا الي في داخلي مثلي مثل اي واحد فضفض في هذي الواحة.
الصـــ ـ ـ ــ ـ ـ ـ ـ راحة مـ ـ ـ ب حـــ ـ ـ ـ اله

ان شاء الله ترجع الواحات مثل ما كاانت واحسن
والى الامام

فيكم الخير و البركه .

الضحيه
مسافرللجفا
(واحد من الضحايا المتواجدين في الموسم الاخير)

**أتمنى** · 17-09-05 ||, 01:16 AM

.
.

و عليكم السلام و رحمة الله و بركاته

كل شخص له اسباب خاصه سواء كانت ترتبط بالواحات

او بحياته الخاصه .. لكن المؤكد ان غياب الكثير و الركود بدأ

بعد تغيير شكل الواحات و الانتقال لسيرفر جديد .. فكثير

ما تابعوا "تسجيل الدخول" لان الشكل ما عجبهم و لانهم اعتادوا

على نمط محدد و حسوا بالغربة لاختفاءه فجأة .. ........ (1)

و كثيـر ما تابعوا "تسجيل الدخول" لان السيرفر الجديد يطلب

اعادة تسجيل او اعادة طلب الباسوورد .. ......... (2)

و بقي اللي ما تابعوا "تسجيل الدخول" بسبب انزعاجهم من

أشياء محددة صارت في الواحات و ما عجبتهم ! فكان القرار هو التخلي .... (3)

و كثير ما تابع "تسجيل الدخول" بسبب ضروف خاصة

اشغلته تماماً عن ال"نت" و الواحات بشكل خاص ..... (4)

و في قليل من ما لا يتابعون " تسجيل الدخول" بسبب مشاكل

و امور صارت فتطور الموضوع الى ...... توقيف اشتراك ........ (5)

أمـــــــــا .......

:: وإلي يقوم يطرد ::

بطل شعبي فالواحات :: ويؤدي إلى هروب البقيه ::

وهناك عضو او اداري موسمي . شغلته مثل ما تفضل علينا الاخ المقاتل طرد الاعضاء مما ادى الى هروب البقيه . وبعد ما يخلص من شغلته يختفي .

الاقتباسات هذه فمالها اساس من الصحه :)

لانه و بكل بساطه .. مافي شخص ينطرد من غير سبب

و لاننا في الادارة و اعلم بما يدور خلف الكواليس من جهد ك ب ي ر

لتطوير الواحات ... فحرام نجي و نقذف الناس بدون علم بما يصير خلف الستار

:) ........

،،

أجمل التحــــايا لقلوبكم

أتمنى