وينك بحر المودة بغيت طلب !

[المزوحي]

السلام عليكم

بحر المودة ... بغيت أطلبك الله لايهينك ... آخر أخبار سيارات نيسان بشكل عام

يديد السوق

[بحر الموده]

وعليكم السلام ورحمة الله وبركاته

اخوى المزوحى

اشكرك على حبك لاخبار النيسان بشكل عاااااام صراحه نيسان شىء بلاها ساكته ههههههه شكلها بتنزل مكوك فضائى

الاخبار لى اعرفها انه نزلوا نيسان ددسن 2006 الايتات خلوها مثل الارمادا

وهم معروفيم بعروض الوزن فى شهر رمضان المبارك اعاده الله علينا وعليكم باليمن والبركه انه بتنزل احتمال

الموديلات 2006 فى شهر رمضان .. للاسف كل مااتصل على الوكاله يقولون مايعرفون جدامهم الكمبيوتر مايبون يخبرونك

خخخخخخ ان شاء الله اى خبر بيوصل بنحطه هنيييييييه ... والسموحه

[المزوحي]

بحر الموده شكرا على التواصل، وعلى طاري شهر رمضان ... فكرت أنا وقلت أريد اشتري موتر ...
إلا قول شو رايك بالانفنيتي ؟؟؟ FX35
ابغي احجز موتر في رمضان !! هل احسنت الاختيار ؟؟؟

[بحر الموده]

العفو الغالى ولا شكر على واجب بس بخصوص الانفنيتى مااظن لها عروض فى رمضان لانه ماجد مرة عليه من قبل

الصراحه اختيارك ذوووووووووووق يالطيب FX35 عذاااااااااااااااااب هذا الشكل فضائى وانا اقولك اصبر على موديل 2006 لانه حطوا اشياء بسيطه فيه

والسعر احتمال يكون 160 وفووووق

وهاى صورة موديل 2006











والسمووووووووحه

[حبوبه دبي]

مــاعليه كلااااام الانفنتــي

تسلــم اخــويه بحوور ع الصــور

[المزوحي]

بحر المودة يعني الشكل بيتغير شويه صوب الجير !!!

[بحر الموده]

هلا والله

يسلموووووووو .. حبوبه على المرور

المزوحى الطيب

اخوى اكيد بتستوى تغيرات فى الموتر شوى من الداخل مثل الجيير وبعض الزيادات الداخليه
بس ماقلت لى هاى تراها 45 مب 35 انته اى وحده تقصد هااااااااى لوووووووول

شكراً على المتابعه ونبغى عزيمه ترى يوم بتاخذها ان شاء الله ههههههه

ابقى مع مواتر الانفنيتى يقولك سوووق وانت مرتاح وتمتع بالاجواء الداخليه فى الموتر

[المزوحي]

ماشاء الله عليك معروووف عنك تحب سيارات نيسان، وشو انفنيتي تراهم عيال عم !! :)
إذا عندك اقتراح غير الفتك، وانفنيتي
طبعا اللي اقصده غير شركة نيسان
تفضل بطرح رايك
ولو بتقووووول حبك نيسان
بقولك لو تكرمت غير نيسان :)
وانا في انتظار الرد

[بحر الموده]

شوه تبانى اقولك يعنى عن اى شركة

صراحه انا احب مواتر غير شركة نيسان بس بعد بقولك تويوتا موليييه مااحبها

ولا اللكزس بعدددددددددددددددد تعرف لانه صارت جديمه ومعروف عند كل حد اما صراحه الانفنيتى مسكته حيييييل

موديل يديد وسيارات روعه اى سؤال اطرحه وانا حاظر

[المزوحي]

سؤالي في البداية كان عن أخبار سيارات نيسان .. وبما إنك سمحت لي أسألك وانته بترد ...
أولا أشكرك على ذوقك :)
ثاني شي بنشدك عن ألتيما 4 سلندر و 6 سلندر

هل 4 سلندر بتكون سيارة قوية نوعا ما على هالبدي ؟؟؟

وحبيت اعرف اسعارهن

[بحر الموده]

حياك الله من يديد

اكييييييييد ألتيما الليمه قووويه.. ماشىء طال عمرك فرق بين 4 سلندر 6 سلندر الا المكينه وزيادة الاحصنه

6سلندر تيك فتحه زنون .. اي بى اس ..جناح .. شىء بعد حساسات وقوة المحرك 3.5

والاربعه اكييد صرفيتها اقل بترول ومشايه ماشاء الله طياره محركها فتك 2.5

استاجر الالتيما اربعه سلندر وجربها على الخط وعقب احكم لوووووول

الاسعار لا اعلم بها والسموووحه

[المزوحي]

لاحظت الاسعار تتغير بين يوم وليلة .. يعني آخذ الاسعار وبعد اسبوعين عادي تلقى ارتفاع ..
أحيد أول مانزلت سعر الاربعه في حدود السبعين أما الستة في حدود التسعين طبعا مع الاوبشن
بحر الموده ... يمكن اشتري اكورد اربع سلندر لكن مب قوي الموتر أو اشتري ألتيما اربع وتكون سيارة قوية لو اربعه سلندر ...

[بحر الموده]

المزوحى

اخوى تعرف احييييييييييين كلنا مبتلشين ويا اسواق النفط العالميه وبهدلنا صراحه الارتفاع

يعنى انا عندى نيسان بترول موديل 90 اول افوله ب 70 احين 90 استوى مثل رقم موديله ههههههه

والصراحه سمعت سوق اربعه سلندر بيرتفع للزيادة الطلب ....ألتيما معروفه اربعه سلندر اكيد قويه ترانى راكب فيها

حياك الله