شو انطباعك عن اول يوم دراسه؟؟؟!

[الجنية الحلوة]

..بسم الله الرحمن الرحيم..
..السلام عليكم ورحمة الله وبركاته..

اليوم اول يوم فالمدرسه.. وحبيت اعرف انطباعاتكم عنه..

انا عن نفسي مريت على ربيعتي وسرنا رباعه.. وصلنا والتقينا بربعنا وابلواتنا..الصراخه اول شي مليت شويه لانه البنات وايد يزاعجن وحشرا عورن راسي.. لكن عقب يلسنا وشربنا بارد..آآآآآآآآآه محلاته فالحر.. هيه صح اول شي عقب ما لقيت ربيعاتي سرت ادور صفي ولقت عمري بروحي محد من ربعي ويايه ومعظم الشله في ابعد صف عني.. بس انشاالله بنتقل وبسيرلهن.. ويلسنا نسولف وكل وحده تتخبر الثنيه عن اللي سوته فالاجازه..واحسن شي ما عطونا الكتب ولا شفنا اي ابله من ابلواتنا..خخخخخخخخ


انشاالله بتكون سنة خيروناويه انشاالله بشد حيلي من اول السنه بس انشاالله يكونن ابلواتنا زينات.. اللي مب شي وايد بنات انقلوهن على حسب المناطق ومعظمهن ربيعاتي وهن ربشة المدرسه..بس شو نسوي بعد لابد من الفراق..

هذا اللي استوالي اليوم وانطباعي عنه..واحب اسمع انطباعاتكم..


والسموووووووووووحه

[شوق القلوب]

. . ربـــي يوفقكم ان شــــــاء الله . .

:)

[اناستازيا]

والله نحن مظلوميين مدارسنا بدت من اسبوع مداوميين قبل الناس قبل المدارس الباقيه ...

يوم الأحد باديين الدراسه ..

يعني اليوم مب أول يوم ..

الله يوفقج يا الجنيه الحلوه ...

شدي الهمه ..

[الجنية الحلوة]

..شوق القلوب..
آآآآآآآآآميييييييييين


..اناستازيا..
هيهيههيهيهيهيهيهيهي.. وحليل حالكم..مساكين..


ومشكورييين على المشاركه الحلوه..

[الحسن منه وفيه]

السلام عليكم انا عن نفسي سرت المدرسة لكن ما دخلوني قالولي تعال الاسبوع الياي وانا ماصدقت خبر سرت على طول واتصلت بربعي وممددت الاجازة اسبوع

بس سدقوني انا في داخلي مشتاق للمدرسة


((لو زلمة يبادلني عقلة بس)) عموما هاذي اخر سنة لي ادعو لي بالتوفيق

اخوكم الحسن منه وفيه

[أوتار القلب]

احنا اول يوم في الكليه ارف × ارف

و تعب و لين الحين فيه ارقاااااااد


ماعرف كيف اوصفلج حالتي

صج حالتي صعبه

يالله بتعود عالسستم اليديد

الموهييم

ما عطونا الكتب

بس طبعا درسنا و ملينا و ردينا البيت
و دكتور الادب القديم *اظني* مغربي ما يفهم ع لهجتنا العاميه لازم نرمسه بالفصحى

و آخر محاظره كانو بيحسبوني غياب و انا حاظره
بس انا عقب امسكت بزمام الامور *كالعاده* اونه عاااد << وين تبى

و بس

هذا هو يومي

هيه صح و الباص بيي الساعه 6
يعني لازم انش 5 .. افففف صج ارف


و و و خلاص

طلعت اللي فخاطري

هيه بعد انا كل يوم بيي

ثانكس عالموضوع حبيبتي
ربي يحفظج

[ملك]

و عليكم السلام و الرحمة

##

الله يسلمج حنا داومنا من الاسبوع اللي طاف

و كان اول يووم ارف و الحمد لله

غير انه كان فيني حمه و بلاعيميه تعورنيه

جدوليه ما ظهر

تميت من 8 الصبح لين وحده الظهر اتريا..

( كان يوم منيل على عينه ما تفكروونييش انا في عرضووكوا )

بعدين قالوليه ..

لانه مابيظهر لج جدول اليوم

ترومين تروحين بيتكم

بعد ما اطلعت روحيه و انا من مكتب لين مكتب تعبووني

ما صدقت خبر .. اتصلت في البيت و روحت

و ثاني يوم .. روحت و كليه امل اني القى جدوليه جاهز

نقعونيه من 8 لين 10

ظهر الجدول( كلولولووووليش )

و للاسف كان اول كلاس الساعه وحده الظهر

مشكلتيه اني للحين ما نظمت نومي

للحين اروح الجامعه و انا مواصله

(يعني تسطيل على كيف كيفكم )

و الله المستعان

ختكم

ملك

[الجنية الحلوة]

احسن منه وفيه... لاحق.. لاحق.. والله يفوقك انشاالله..

اوتار القلب.... حرااام والله غمضتيني.. عاد من الساعه 5.. الله يعينج..وكل ما تبين تظهرين اللي فخاطرج نحن حظرين وبنسمعج..

جودي ام قرنين.. مسكين حالج..نفس حالتي.. بس الحمد الله انا اهون بديت انظم وقتي..

على فكره اليوم بس بدينا ندرس.. وعطتنا ابلة الفيزيا جدولين كبر القفعه وقالت احفظوهم.. وحليلنا..

ومشكوووووووووووووين عالمشاركه الحلوه..

[ونة الم]

صراحة نحن مدرستنا وايد اوكيه يديده عالهمدرسة بس كشخة<<<ام عمار<<< شي بنات وايد حلوات اهم شي وبنات اول مرة اطالعهن واحسن شي انها نادرة من الزلمات ومدرساتها اوكية بس اللي ماعيبني في هالمدرسة ان الحصص طويله وااروم اشرد فهالمدرسة لان الصفوف متقابلة والادارة مجابلة الساحة بس يالله بنمشي حالنا .....

[ابتسامة الروح]

احنا يوم السبت نداوم

[الدلووووعة]

عاد اول يوم ربشه من اول مادخلت المدرسة وانا اطالع وينهن بنات صفي وبعدين حصلتهن كلهن متيمعات سلمت عليهن
وتميت سوالف وياهن وجي وبعدين شفت الشله عاد اشي ارتبشنا ماخلينا وحده ماحطينا عليها وجي كلما نمشي ونشوف بنات صفنا نسلم عليهم ونمشين ويانا وتمينا نسولف لين مارن الجرس ودخلنا الصف وبدت الربشة لنه الابلات متعودات عليهن وجي كل ابله اتي انقولها ها ابله شو سويتي وين سرتي وين يتي وتميت سوالف ويا الشله وبعدين سرنا ناخذ الكتب وطبعا اللي فالادارة اعرفهم كلهم وقبل ماناخذ الكتب دقينا سوالف ويا المديرة وبعدين سرنا دقينا سوالف ويالوكيله وبعدين سرنا خذنا الكتب ونحن رادين يالسه اطالع بنات صفنا اقولهم انتو بنات ثانويه عامة مايبين عليكم وتمو يتمصخرون على اعمارهم وانا وياهم طبعا وبعدين كملنا حشرتنا فالصف وتمينا جي لين الفسحة ماشي يوم خلصت الفسحة ردونا البيت وبس ها اللي سويته اول اليوم

[الجنية الحلوة]

مشكوريين عالمشاركه الحلوووه وعلى قصصكم ومغامراتكم..

[طير الغرام]

انا برمس عن عمريه أول يوم جامعه

وصلت الجامعه ع الساعه 8 ونص

سرت عند الـ Advisor مالي عدلت جدوليه وخرابيط الجامعه
عقب حضرت كلاس ع الساعه 9 ونص والدكتوره متفيجه عطتنا واجب من أول يوم
جان أسير المكتبه حدرت النت وظهرت الجواب وعقب حدرت الواحات
تميت تقريباً ساعه إلا ربع واترييت لين 12 ونص كان عندي كلاس
خلص ع الـ 1 ونص

وعقب رديت السكن وانخمدت

أدري يومي ممل شو اسوي
بس اليوم اللي عقبه راحه ما داومت

السمووحه منكم جان ثجلت عليكم

بالتوفيق للجميع إن شاءالله ^_^

[مزيونه العرب]

السلام عليكم ورحمة الله وبركاته
بقولكم شو سويت اول يوم
اول ما وصلت كانت الساعه 8
شفت ربيعاتي وسلمت عليهم وتمينا نسولف
بعدين رحت اجوف انا في اي صف ومنو معاي؟؟!!
بــــــس للأسف محد كان معاي من ربيعاتي
وهالشيء وااااااااااااايد ضايقني
المهم دخلنا الصفوف ودخلت الأبله بس كانت عصبيه ما ارتحت لها
وتقريبا كل ابلواتنا عصبيات ما ادري شعندهم من الصبح يزاعجون علينا
وكل الأبلوات الحبوبات في الصفوف اللي فيهم ربعي" حظي نحس"
وابعدين استلمنا الكتب وتمينا نتصفحهم لانهم الوزاره مجددين الكتب
وشكلهم مصعبينهم " الله يعينا "
وما صدقت عالله يوم دق الجرس نهاية الدوام
ورديت البيت بس كنت وايد مضايقه من المدرسه
وهذا كان اول يوم لي في المدرسه...

[الجنية الحلوة]

طير الغرام.. وحليلك احس يومك روتيني.. الله يعينك..

مزيوونه العرب.. نفس حالتي بس انا ما يلست في صفي لين ما ودوني ويا ربيعاتي..عقبالج..