عنـدي مسـج وسايط بس وايد طويل
وماقـدر أكتبه 
ناويه انزله كموضوع منقول فـ واحة الخواطر لان الكلمات وايد عايبتني
اذا نزلتها بطرش لج رسالة خاصة 
.
.
المهم ..
.
.
أنا المبحر على موجة ألم .. للحاضر مسافر
أدور للهنا مينا .. واصارع جارف التيار
أدور عن امل باقي رسى بشاطي الساحر
تكسـر قارب أحلامه وعاشق بخافق البحار
انا مالك أمل فيني لو في الاصبع العاشر
تلاقينا .. تفارقنا ..بدنيا لعبة الأقدار
.
.
أدري وايد قصير ..عسب جي قلت بكتب هذا بعـد .. .
.
رجعت لسكة أحزاني أنين الشارع المهجور
على نفس الوهم أمشي يضيق الدراب باحزاني
يطل الخوف من عيوني يدور للأمان حضور
يعانق بالندم نظرة تضيع ف عبرة أشجاني
يمرني الوقت مستعجل ويسنى يحتضني شعور
وعلى حد الأم قلبي جلس والوقت عداني
نفضني كل فرح مرني على غفلة حزن مغرور
تلقفني الزمن يضحك على ياسي وحرماني
أضم الهم واحساسي اخذني للورا مجبور
لدنيا كانت الضحكه سما والفرحة أوطاني
على ذاك الوعد جرني زمان العاشق المغدور
رمى همي على قلب شعوره فارق ازماني
مشيت ف دربنا المنسي .. مشيت وخافقي مبهور
أطالع حولي اتأمل .. سكون الكون بكاني
أدور للقا لمحه تطيب خاطري المكسور
أملي بشوفها عيني واحضنها باجفاني
تغير كل شي بعدك تلعثم بالظلام النور
أنادي لك وانفاسي تبعثر صرخة لساني
تمرغ بالألم وجهي وبات بهالشقا مغمور
تضيعني تعابيره واجهل كيف تلقاني
تلبسني الحزن واصبح رفيقي والهنا مأسور
فـ ركن اجهله بعدك واعرف ليه ماجاني
لاني من بعدعينك شعوري طار به عصفور
رحل لأبعد مدى قفى ولا رد لي من ثاني
وقلت بداخلي ترجع بنيت من الأماني قصور
وكنت اضحك على نفسي إلين الوقت عداني
زماني غرني ضحكك تبعتك والنظر مسحور
هقيتك بالفرح تزخر .. صدمني فرحك الفاني
.
.
.
أخ ايدي .. ههه يالله لعيونج عاد سيري انقليه انتي .. مب اكتبه سدى 
شو هالتعذيييب .
.
ابا المسج اللي مستحيل تمسحونه
ماروم الون الرد .. تعبت ههه
رد مع اقتباس
مواقع النشر (المفضلة)