خلاص سارت ياخساره

[الدلووووعة]

السلام عليكم ورحمة الله وبركاته



ياحرام سارت وحليلها








كانت ضيفة خفيفة علينا








واستانسنا فيها لاكن سارت ومانروم نخليها اكثر








تعرفون شو اللي سارت الاجازة سارت










والحينه مابقا منها غير يومين ها شو استعداداتكم للمدرسة والنفسية
وشو سويتو فالاجازة يله خبرونا كل شي سويتو فالاجازة

والسموحة

[الهيثــم]

وعليـــــــكم الســــــلام

إنـــزين ليش مضـــايجة الحيــــن !!

تــرا هـــا نصيبـــنا .. الأيــام الحلـــوة أتمـــر عليــنا وما نحــس فيـــها

وأنـــا عن نفســـي خلــصت المدرســـة وافتكيــــت
وهـــ السنـــة فـ الجامعــة إن شاء الله وبنبــدأ يوم السبت
وأحس عمـــــري متـــوتر شـــوي

وعـــن الإجـــازة يطـــولي بـ عمرج
أحســـها مـــا كـــانت أوكـــي .. وهي فـ نفس الوقت أوكـــي

مــا كانت أوكــي لأني كنت أستعــد حق الجــامعه .. ( يعني التوفل وهـ الأموور )
وبعــد تعــرفيــن عقب الثــانوية .. وســالفة شـــوي

وأوكــي لأنه طلعـــاتنـــا وحواطتنـــا زادت فـ هـ الإجـــازة
والحمـــدلله على كـــل حـــــال

^_^

وعـ العمــــوم مشكــورة عـ الموضــــوع
ويـــزاج الله خيــــر

وأدري عــاد نفسيـــة الطلبــة الحيــن مب لـ ذاك الــزود
بس ترا أيـــام المــدارس أيــام حلـــوة وبتشتـــاقون لهـــا .. بعيــد كل البعــد عن الدرااســة طبعــا

لكـــن سوالف الربــع والمشـــاكل .. والشغب
مـــا يحتـــاي عـــاد

[أكسجين]

وعليكم السلام والرحمه

.. الدلوووعه ..

هيه والله مرّت هـ الاجازه بسرررعه ..

انا وحده ما حسيت فيها ابد كـأنهن يومين و مضوا ..

وو ما احس اني استفدت منها واايد ..

يعني ما رحت مكان قاعده فـ البلاد مره ابوظبي ومره دبي والشارجه والفجيره ..

سوينا جوله على امارات الدوله..

وحفظت لي شي من القرآن ..

اممم والباقي اكل ونت وسهر ورقاد ..

ولمّّا امل من هـ الروتين اسير المطبخ واطلع طاقتي..

اممم بس المدرسه نباها بعد ما نستغني عنها ..

وانا من الناحية المادية مستعده وااايد ..

وهذي اغراض المدرسه ..



الثياب ..



عبي وشيل ..



شنطة واقلام ودفاتر و غيرها من هـ السوالف ..



جوتي " الله يعزكم " ..

بس النفسيه وهني المشكله ..

قبل كنت متشجعه ومستانسه عشان مدرسه يديده واونه يعني كبرت وصرت اول ثانوي ..

بس اليوم انصدمت بـ اخبار مب حلوووه تخص المدرسه ..

و انحبطت وااايد وصحت وجلبت الدنيا فوق تحت في البيت ..

والله يعين ادعيلي انتِ بس ..

ويـ الله نبى نعرف انتِ شو سويتي في الاجازه ..

وشو استعداداتج للمدرسه ..



دمتِ بخير

فراشة

[شمعة أمل]

يحليييييييييييييييلكم تبدون مدرسه بعد يومييييييين

انا أبدا مدرسه بعد اسبوع ويومين


لي عوده
برب

[بلوة حلوة]

]:!:[ الدلـوووعه ]:!:[

لاتذكرينـي ان المدرسه ورا باجر
> ها شوو !! ورا باجـر عاااد

خاصـة واني هالسنة ثانوية عامة
يعنـي بنكـرف كراااف

بالنسبـة للإجـازة أحسهاا أحلى اجازة مرت علي

كـل شي تقريبا كان أوكيه فيهـا > الحمدلله

أول شهـر سوينا حواطـه فـ ربوع الدولة .. لول

وعقب سافــرنا .. والاسبوع اللي طـاف رديت ..

وجـيي ..

هاي > ( أغراض المدرسه ) ..





لالا .. أقصد ..

[عفاريتووو]

السلام عليكم

ساااااااارت
انتو عالاقل مدارس<< حظكم صدق والله حظكم
مب انا بروح هالعالم الثاني اللي يسمونه الجامعة

زياااااغ
.
.
تعرفون كيف الياهل اول يوم يروح فيه المدرسة لوول نفس الشعور
بعدين ابا افهم ليش خلوا الاجازة الاربعا مب السبت
عنااد بس

[الدلووووعة]

ترا انت ماتلام خلاص خلصت مدرسة وراتحت من الصدعة

هيه والله صدقك دوم الايام الحلوة تمر من دون مانحس بها

عاد الجامعة بعد حلوة تسير عالم يديد غير اللي تعوت عليه

اوه يعني انت بتبدأ ويانا يالله الله يوفقك

انا اللي مخوفني من الحينه هو التوفل من كثر مايرمسون عنه وانه وايد ناس يرسبون فيه

عاد الثانويه انا ها اللي مخوفني الثانويه عسب جي مابا المدرسة تفتح

الحمدالله على كل حال

^_^

صدقك ياخويه ايام المدارس حلوه سووالف ويا البنات وحشره الصف ولعوزت الابلات

لاكن السنه احسن بتكون غير عن كل سنه بس الله يعينا

وتسلم اخويه خطٌاب على مرورك

[مجرد إحساس]

هي والله خسارة

سارت

بس يالله

ما في شي يدوم

كل شي وله آخر


والسنة الياية

انا إن شاء الله

ثانوية عامة

إن شاء الله

تكون سنة حلوة

خصوصا انها بتكون

آخر ذكريات المدرسة ...



ادعوا لي ...

يالله مع السلامة ...

تسلمين الدلوووعة على الموضوع ...

[الدلووووعة]

ولا انا ماحسيت فالاجازة بس شو نسوي لازم كل بدايه لها نهايه

ولا انا بعد ماستفدت شي من الاجازة

حتى انا ماسرت ماكن تامه فالبلاد السنه بس اللي سوينا
حطنا الامارات سرنا الشارجة ها اهم شي ودبي وام القيوين


على الاقل سويتي شي مفيد وحفظتي شي من كتاب ربنا

هيه والله عاد السهرو والرقاد خليهم عصوب انا اللي سويته فالاجازة سهر ورقاد
عاد انتي تعرفيين كيف كنت سهر ومايحتاي اخبرج



لا انا امي من اول الاجازة تبا تعلمني الطبخ ودوم كانت تنسى
عاد الحينه ها الاسبوع تبا تعلمني وانا اللي اعرف اسويلهم اياه الكيك
وانا بس اتفنن عليهم في انواع الكيك وايد عليه

هيه صح نباها للعب والسوالف وبعد نباها للدراسة بس
انا مليت خلاص بس شو نسوي اخر سنه مجبورين ندح
عسب نيب نسبه ترفع الراس

ياختج الكل مستعد ماديا لاكن النفسيه هي الاهم
الله يعينا بس

ربي ويوفقج ويوفقنا بعد كلنا فالهوا سوا

والله انا ماسويت شي فالاجازة عير سهر ونت ورقاد ولعب
مرات العب ويا اخوانيه بلي ستيشن ولا كروك ورلا كره

وماشي سرنا عند الاهل وستاناسنا عاد لمت الاهل مافي احلى عنها

ولا اونه من بدايه الاجازة شاده حيلي اونه بسير معهد انجليزي
ومعهد كمبيوتر لاكن بعدين غيرت راي

وتسلمين اختيه فراشة ود عالمرور

[الدلووووعة]

هيه شو عليج اتمصخري علينا ترا مردج بتردين للمدرسة

وإلا هي اسبوع ويومين ونحن نعتبر اول اسوبع جي مصخره

ونترياج

وتسلمين اختيه شمعة امل عالمشاركة

[الدلووووعة]

الله يهداج مردج بتذكرين شو نسوي بعد

هيه والله السنه بنكرف كراف وها كله عسب النسبه اللي تبض الويه ( ماحصلت ابيض حطيت ها)


حلو والله انها كانت احلى اجازة وانا عندي كانت حلوة وهب حلوة

ونحن بعدنا سوينا حواطة في ربوع بلاد بوخليفة الله يرحمة
وبس ماسافرنا مكان تمينا مكانا

يله عالاغراض شو ها الزين

والله يعينا عالثانيوه السنه

وتسلمين اختيه بلوه حلوة عالتواجد

[العجيبة]

الســلام عليكــم

هيهيهي عنـي أنـا بعـدني ما مليت من الاجـازه
بس دامهـا بتسيـر او سارت مثل ما قلتـوا فـ كيفهــا عـاد ، اللي ما يبـانـا ما نبـاه

ودامنـي ما أبـاهـا ( الاجـازه ) فـ بستقـبـل اللي تبـانـي ( المـدرسـه ) بصـدر رحـب خخ

مـا أبـا أدرس هالسنـه .. احسهـا سنة زيـادة ما منهـا فايــدة
أبااا أسير ثالث ثانـوي بســرررعــه عشـان أستـوي مشهوره خخخ ملييت من كثر ما اتريـا هالشهرة خخخ

الاجــازه هـذي لا بـاس فيهـا .. الحمـدلله أنجـزت فيهـا أشيــاءااات كثـيــرة ..

وبـــس ..

شكــرا يالدلــوووعــه على هالمـوضوع ..

وتهــانيــنــا للكـــل بهـالمنـاسبــة .. وان شاء الله يكـون التفـوق حليــفكــم ..،

[الدلووووعة]

وعليج السلام والرحمة

هيه نحن بعدنا مامليناها بس هي عافتنا

اونج عاد ماتبينها دام هي ماتباج وحليها ماسوت بج شي هي إلا بتسير عنج

عاد بعد نحن بنستقبل المدرسة بس هب شرات ماستقبلنا الاجازة

لا تقولين جي يوم بتسيرين ثالث بتقولين جان زين ماسرت ثالث وتميت ثاني
والله انا وحده مابا اسير ثالث بس شو نسيو العيال كبرت والحينه استوو ثالث

جي اللي يسير ثالث يستوي مشهور توني ادري بها الشي يعني انا استويت مشهروه مثالا


حلو انج انجزتي وايد اشياء فيها هب انا ماسويت شي


تسلمين اختيه العجيبة على ردج

[شمعة أمل]

يحليلكم عندكم مدرسه باجر

انا بصراحه عادي عندي لو اسير المدرسه لانه اخر سنه لي انتو حليلكم مال ثنويه عامه علمي وادبي .. الخ
انا سنة الجد والدراسه كانت السنه الى طافت الحيـــــن افتكيـــــــت

تخيلو هالسنه شو بدرس
travel &tourism
business
ICT
عربي .. 3 حصص في الاسبوع
دين .. حصه او حصتين في الاسبوع
toefl

بــــــــــــس


بيكون عندي free وين اقدر اسوي الى اباه يا ادرس يا اجوف دي في دي على الاب توب

حتى نروم نلبس نعول للمدرسه لكـني بصراحه مـابا مدرستنا فيها حيوانات من حنيش => طاوس وبصراحه انا مب ناقصه ادوس على حنيش ويعضني ولا ابا ريولي تتثلج من كثر ما المدرسه بارده
مدرستنا تقولون مسفرينا المانيا بااااارده 24\7 انا لابسه جاكيت هناك

وشاريه اكواب بعد .. واحد مال بقره وواحد مال فيل عشان عنا مطبخ نروم نسوي كوفي ولا فراخ خخخخخخخخ < اسميني بمتن لالا بسوي رجيم


الشيل والعبي < سوري يعني بس كانو في كيسه ومعفصتنهم وطلعتهم







جوتييه









وبــــس

[الملهم]

السلام عليكم

صار لنا اسبوع من بداية الدراسة ..
بداية الكلية ^_^ .. احس ان الكلية وناسة بس
بعضهم يخوفوني يقولون اتريا كم من اسبوع بتلاقي البلاوي
يالله الله يعينا ويوفقنا .. بس المهم ماشي طابور وانوقف في الحر ونسمع
صوت الجرس والاستاذ يجيب العصا ويحرج علينا .. الحمد لله فكة عقبالكم

اشكرج اختي على الموضوع ..
وربي يوفقنا في الدراسة وانجيب اعالي الدرجات