شـو رايـكـم بـ Flickr ؟

[الـيـاه]

السلام عليكم

أكيد كلنا نعرف Flickr والأغلبيه عندهم صفحة خاصه فيهم فـ هالموقع
وإذا ماكان عندهم فـ أكيد مريتوا وشفتوا الصور الموجوده !!


تبون الصدق ؟
هو فكرته وايد حلوه أن كل واحد يعرض شو عنده من الصور واللقطات الحلوه بتصويره
وياخذ نصايح وآراء >> من المشتركين هناك عن تصويره الشخصي
ويستفيد من مشاركات الغـير ..

والأغلبيه هناك تصويرهم ( فضيييييع ) واايد واايد حلوو
يعني صدق محترفين !

\\

لكن < وما بعد هالكلمه مصايب
استانست يوم حد بلغ الإتصالات وسكروا الموقع " ويا فرحه ماتمت " ردوا فتحوه
أنا مب ضده بس بما أن ماشي قوانين فـ الخلق تمادوا بالصور
وصدق شي صور خايسه والمصيبه أن أصحابها من ( الإمارات )

< أن كانوا بنات وألا أولاد >

مدام شخص واحد حط صوره ' غير لائقه ' فـ الكل بيتمادى وبيسوي شراته
لانه محد رمس والكل عايبنه هالشي

وطبعا ً هم يعرضون هالشي بطريقه مب مباشره ( على أنها سوالف )
بس صدق قلة حيا والردود !! ألعن و ألعن

أنا ما اتكلم عن كل اللي هناك >> لاني كنت وحده من المشتركين > فعل ماضي
بس اقول *بعض الناس* وأكرر بعض

يعني الموقع أحس مسواي حق المواهب وبالأخص ( المصوريين )
ليش ايون ويخربونه بصور تافهه .. حتى الواحد مايعرف شو يقول رايه فيها

\\

المهم
بغض النظر عن رايي الشخصي ..
أبا أعرف راي كل واحد منكم ؟

هو الموقع له إيجابيات كثيييره < بس سلبياته طغت على هالشي
وأباكم تقولولي رايكم فيها !


.
.
.

[حفله]

what happedned to flickr lately relate to the new ( national members ) who used this site in a negative way .. everyone was surprised for etsalat ban on
flickr

and 7amdellah etsalat did the right thing when they abide it again

[حفله]

*happened* sorry !

[ذنـيـنـي]

السلام عليكم



يمكن تكون له سلبيات , مثل ما قلتي انه بعض المشتركين يحطون صور خايسه لكن هالشي ما يتعدى 1% من المشتركين الاماراتيين "لا تسالوني كيف طلعت هذه النسبة "



لكن غالبا الصور تكون عادية , مثلا مواقف مضحكة, صور يهال, لقطات من السفر, اغراض شخصية و في بعض الصفحات "صور خقاقية" و صفحات فيها تعيلق على الي يتخققون >> تعرفوني اقصد منو



بالنسبة للصور الـ مب زينه فهي قليله و تكاد لا تذكر الا اذا وضعتوا صور البنات " الي مصوره ريلها و الي مصورة ايدها و الي مصورة ضروسها... الخ " في قائمه الصور الـ مب عدله





يعني انا اشوف فليكر شي زين لأني ما استخدمه بطريقة خاطئة و خاصة اني اقدر اعرض صوري للاهل الاصدقاء مثلا صور السفر و صور الرحلات, خاصة مع وجود خاصية التحديد family و friend بدون ما اودي الكمبيوتر و اراويهم الصور "واحد واحد"



ووووووو بس هذا الي عندي و يمكن تكون لي عوده اخرى

[دقني بنقع]

والله انا وياج في هالشي ..

لاني انا بعد كنت مشاركة اهناك ويوم شفت الي شفته انسحبت .......... طبعا نقعت باللاول.. وقالولي اذا مب عايبنج اطلعي ... :(

سالله ابعد عن الشر وغنيلة :)

[الـيـاه]

:: حفله ::

بالضبط شرات ما قلتي في منهم استخدموا هالموقع بطريقه سلبيه *جداً*
لكن يالله < الله يهديهم


:: نصووور ::

أي 1 % أنا البارحه جفت صفحة واحد بس ( واااحد ) وأكثر عن نص الصور
كلها خايسه بس حاطنها اونه ع شكل سوالف ( هذا واحد وجي ) فـ شو عن الباجين ..
مصاخه الصراحه !! وقله حيا

صح اخويه < له إيجابيات كثيره بس سلبياته تخلي الواحد ينقهر
ع العموم كل واحد ورايه وأنا احترم رايك ومشكور ع المشاركه


:: دقني بنقع ::

احسنلج !
ومشكوره حبوبه ع الـرد


.
.
.

[حبوبه دبي]

السلااااااااام عليكم

اشحــالكم ؟؟ عســاكم ابخيــر

همم وعن المــوقع .. تــرى كـل شــى له + و -

والــواحد يستخدمــه في الاشيــا الزينــه

والصــراحه مــوقع حلــو اشــوفه

ومثــل مــاقال نصــور شــوفــو الشــي الايجــابي

وكــلامج صــح اختيــه اليــاه وانــا ويــاج بعد

نصــور : شــو نكك !!

والسمــوحه

[الشوق]

اختي حفله ..
عزيزتي الغاليه منتدنا يتسم باللغه العربيه ..
فياريت منج يالغاليه تجعلين الرد يكون مكتوب باللغه العربيه ..
عوضا عن اللغه الانجليزيه ولغت الشات ..

والسموحه
الشوق

[شمعة أمل]

السلام عليكم ورحمة الله وبركاته

فلكر همممم له ايجابياته وسلبياته شرات اي مكان موجود في عالم الانترنت
يمكــن لانه نحن شفنا الأشيا السلبيه عيني عينك قلنا مب اوكي الموقع
بس في الاخير لو تلاحظين اي مكان بتحصلين هالشي فيه

مثلا المنتديات مرات عيني عينك تجوفين اشيا مب اوكيه ومرات نحن مانجوفيها لكن تكون موجوده في الرسايل الخاصه ... ف يعني نفس الشي

انا ماجوفه يختلف عن اي منتدى غير انه هناك يعرضون صور بدال مواضيع

والى يحطون الصور الماصخه تراهم الا ناس cheap and sick minded وسويلهم أحلى طاااااف

"استانست يوم حد بلغ الإتصالات وسكروا الموقع " ويا فرحه ماتمت " ردوا فتحوه"
سالفة يوم بندو فلكــر وايد ضحكني
تبين تعرفين ليش؟؟؟
الى بلغ عن فلكر واحد يدرس برع ف شو الى يستوي؟ يطلع بلوك فلكر عندنا وهو عادي يتهنى بالصور هناك

[سفير الخيال]

الصراحة ..

أول مره أسمع فيه

شو سالفته ؟

[الشوق]

اختي حفله ..
عزيزتي الغاليه منتدنا يتسم باللغه العربيه ..
فياريت منج يالغاليه تجعلين الرد يكون مكتوب باللغه العربيه ..
عوضا عن اللغه الانجليزيه ولغت الشات ..

والسموحه
الشوق

[ذنـيـنـي]

على طاري البلوك

يوم سووا بلوك على فليكر يمكن مني انا بس 30 ايميل و اكثر من 20 اتصال خخخخخخخخ

اقولهم ليش سكرتووووووه شو يعني لو الواحد حط صوره

اليوم لاااازم يرجع>> و جان ازيغهم و اخليهم يردونه "^^

اظني ما تم حد في الاتصالات ما رمسته خلال الـكمّن يوم الي حجبوا فيهم فليكر

[كـلـكـلـووش]

الفـــكره حــــلوه .. لـــكن التنفـــيذ ســــيء ..

ما فـــي قوانـــين ممـــكن الـــشخص يـــلتزم فيــــها !

انا مشــــترك فـــيه .. لــــكن مش متـــابــع دائــــم للصــــور الجـــديده فيـــه

و اظـــن حـــتــى لو صـــارت قـــوانيــــن على كم صفـــحه شخصيـــه .. بـــتم بعــض الصـــفحات من دون قـــوانيـــن .. فـــ شو الحــــل !

عـــلما ان الموقـــع أصــــلا اجنــــبي !!

شــــكرا الــيــاه

[الدلووووعة]

انا اول مره اسمع عن ها الموقع

ولا ادري شو سالفته

[حبوبه دبي]

نصــــــور

خيبــــــــــه حشرتهم عيـــل

شكلهم بيسوولك ابلــوك ع رقمك من عندهم عشــان ما تعيدها

سفيــرالخيــال

مــوقع تحط صـــور مــن عندك مافي شي محدد يعني ( صــور فكاهيه ولا الصغاريه والخ ,, ) وتشــوف صــور المــوجودين وتعليقــاتهم تقريــبا شرات المنتــدى مـن غيرمــواضيع

والسمــوحه