شـو رايـكـم بـ Flickr ؟

[حبوبه دبي]

اليـــــــــــــــــاه

اللي اعــرفه هالمـوقع اصــلا الهدف منــه حق الطلاب اللي يدرســون في الكليــات والجامعــات والمدرسيــن يستقبلــون الصــور من هالمــوقع

بـــس شكلهم عيبتهم الســالفه ومصخــوها

والسمــوحه

[سفير الخيال]

شكرا إختي حبوبة دبي :)

أنا تصفحت الموقع ولاحظت إنه ماعليه رقابه وأتوقع خلال الشهور المقبله إنه يكون واحد من أشهر المواقع على المستوى العربي بس لأنه ما عليه رقابه

حسبي الله عليهم

[أوتار القلب]

انا يعيبني ها الموقع

صراحه في نـــاس محترفين تصويـــر .. تعيبني صورهم

و طبعا ما يخلو من السلبيات والناس ماصخين

ثانكس اليــاه

[هزاايم]

عـــلما ان الموقـــع أصــــلا اجنــــبي !!
تحت عشرطعشر خط موقع أجنبي صح لساانك يالفتى
يعني استغربت يا الياااه يعني لو قلنا موقع عربي قلنا اوكي نقرد نسوي كنترول لكن أجنبي والجميع عنده الأجنبي يعني free
انا اشوفه شراات المنتديااات ووسليه لحفظ صور
وهوفي سلبياات لكن والواحد يطنش هالسلبيات دااامه وااعي و عاااقل
سلمتي يالياه ولاهنتي

[العجيبة]

المـوقع حلـو .. وفيه نـاس فنـانييــن وصــورهــم حلــوه

بس المشكلة ان فئة بسيطة أساءت الاستخـدام وقامـت تنشـر صــور تدل على تربيتهـم الـ

ياااتنـي فتــره بغيـــت أشتــرك .. بس عقب غيـرت رايي

في بعــد الـmsn مسـوي خـدمه انه كـل واحــد يفـتح له سبيس خاص فيه يعـرض فيه صـور
وسـوالف واي شي يبــاه بس لين الحيـن ما شفــت حـد يعـرض اشـيـاء مب زينه .. ما يندرى باجر شو بيستوي


شكــرا أختي اليـاه ..

[عنود الريف]

مرحبا اختي الياه
انا مؤيدة تقريبا كل اللي ردول قبلي
وخصوصا اخويه الفتى
لان الموقع محتاي مراقبة
لو مب من صوبهم على الاقل من عندنا نحن يعني من اتصالات
وبعدين الشباب عندنا يقدرون يفتحون لهم موقع شرات فليكر .. وبيشتهر شرات هذا الانجليزي بس يسوولهم وااحد على المستوى العربي
واختي اللي ما يبا يشوف هالصور بيطوف عنها وبيدور صور ثانية
بس الموقع ناجح دام انه عالمي وله مشاركين من كل العالم
اول شي واهم شي تكون الرقابة موجودة
وبعدين الانسان نفسه المفروض يستشعر بمراقبة ربه .. مب مراقبة عباد الله
تسلمين الغاليه على الموضوع
والسموووحه

[إسهر معي ليله]

السلام عليكم

انا واحد استخدم هالموقع.. واحط فيه اي صورة عندي

وفيه ناس يعتبرونها صور عاديه وناس يقولون انها غير لائقة!.. لكن بصراحه اهم شي اني ماتعدى الحدود

وثاني شي انا معاكم فيه ناس مصخوها.. لكن مب معنى هذا تنسون ايجابيات الموقع... يعتبر مرجع كبييير للصور النادرة.. يعني مرات تحصلون فيه صور ما تخطر عالبال.. وحلوة فنفس الوقت

ومثل ما قلتوا انه يحوي مصورين بروفشنال... وهذا شي ايجابي

بالنسبة للإتصالاات انا ما اوافق انه يسكرون الموقع.. يعني لو اي شي هالموقع يضيع وقتنا... وما فيه ركود.. دومه في تغيير مستمر.. وفيه نظام القروبات.. يعني فيه مواضيع وردود وآراء

والواحد فينا لازم تكون عنده رقابه ذاتيه... اذا فيه ناس صورهم مب شي لاتدخل على صفحاتهم وفنفس الوقت تقدر تسويلهم بلوك

يعني استغرب من ناس يطرون وحده في فلكر انه صورها ماصخه.. وهم في كل صورة رادين عليها برد.. واونهم محتشرين على صورها فالردود.. لكن كلامهم سب وذم اخس من الصورة نفسها!!... يعني اذا انتوا تعرفون انه صورها بايخه ليش كل يوم تدخلون عليها وتشوفون الصور اليديده؟؟ مجبوووووووورين؟؟

فالنهايه اللي يبا الزين موجود.. والشين تراه بعد موجود.. وانا عن نفسي مااهتم لهالسوالف.. كل واحد حر فاللي يحطه واللي مابا اشوفه اقدر اغض نظري عنه

عيل لو دخلتوا صفحات هالأجانب شو بتقولون؟ يتصورون وهم مفاصيخ خخخ واونه عاد مصورين بروفشنال و great shot !!

والسمووحه منكم

[الـيـاه]

:: حبوبه دبي ::

صح كلامج ختيه كل شي له سلبيات وإيجابيات
والمفروض إنا نشوف هالشي بطريقه إيجابيه أكثر بس مب يوم يكون الشي السلبي
( لناس مب متربيين ) < ونتم وياهم في نفس المكان ونسوي عمارنا مانشوف !!

ونقول مايخصنا كل واحد حر بنفسه
إذا جي محد بيفلح ..

ومشكوره عزيزتـي ع الـــرد


:: شمعة أمل ::

بالعكس فرق كبير بين المنتدى وفليكر ( شي قوانين ) > شي عقول شي أدب
بس مب جي .. لاني صدق مقهوره من اللي جفته !

و ( أحلى طاف هو سبب ها كله ) الواحد يوم يجوف الغلط ويسكت ترا ها مب حل
ولا عمره بيسوي خير في دنياه
هيه يوم بندوه كان بسبب ضرايب وسب وبعد هل ( الإمارات ) يرعون الحدث


:: سفير الخيال ::

هههه أحسنلك والله ..


:: نصووور ::

دورك فعـّال ياخويه



.
.
.

[ملانـة]

السلام عليكم و رحمة الله و بركاته

أنا مع أخويه (اسهر معي ليلة) في كل كلمة يقولها...

و بصراحة الموقع هذا حببني في التصوير و شجعني اني اتعلم الفوتوشوب و أحاول اوصل لو لربع المصورين المحترفين في هالمجال و هالشي ينحسب له.. و الغلطة من الشخص نفسه اذا استخدمه استخدام خاطئ و اذا اتصالات حظرت الموقع ترا شي اكثر من بروكسي بيسمحلهم يدشون عليه مرة ثانية..

مشكورة عزيزتي الياه ع الموضوع الكووول :)


أختج

مــلانـــة

[الـيـاه]

:: الفتى ::

مثل ما قلت الموقع حلو كـ فكره والمفروض يكون عليه رقابه
مب حي الله < أي صوره تنحط والسلام !

ليش شبابنا هني مايسوولهم موقع مشابه بقوانين و ... الخ
مب احسن من هاللوث ..


:: الدلووووعة ::

هو موقع لعرض الصور .. تسويلج صفحه خاصه وتحطين فيها صور
والمشتركين يقدرون يشوفونها ويردون عليها ..
بس علما ً أن الموقع ( ماعليه رقابه وماشي قوانين )


:: حبوبه دبي ::

يعني مكان *مكس* وبدون رقابه يعني تقدرين تقولين جات
فـ وين مابيعيبهم ..


:: سفير الخيال ::

لالا شو حسبي الله عليهم < ترا يقولولك حلو حلو
ومشكور اخويه ع مرورك


.
.
.

[شمعة أمل]

لا انتي مب فاهمه السالفه صح
اصلن ماصارت ضرايب ولا شي .. ويوم شفنا غلط نشتكي للإداره مب لإتصالات
ويوم ناس يشوفون حد غالط على حد يطرشون رساله لإدارة فلكر وسيده يمسحون السبيس مالهم ويسولهم بان .. صح مافيه رقابه لكن لو حد اشتكى سيده يحلون السالفه .. لانه كل شخص وصفحته وحريته لكن مايمصخها

لو ادشين صفحة كمن شخص بتلاحظين انهم مسوين كوبي للشو مطرشين للإداره وفعل الإداره هناك .. يا يعطون انذار يا يمسحونهم سيده .. على حسب السالفه

....

ولأنه نحن ماسوينا طاف لهالناس الى يحطون الصور الماصخه زادو ... لو مثلا انتي عندج فلكر تحطين صور زينه وكله الكومنتس مالج 0 لكن ربيعتج الى تحط صور ماصخه وكله الكومنتس مالها توصل 50 .. منو الى بيودر فلكر؟؟؟ اكيد انتي مب ربيعتج لانه كلحد مسويلها سالفه وزيدون عدد الكومنتس عندها = الشهره.. انا انتي كلحد مسولج طاف وبتزعلين وبتظهرين

[ورديّـه]

ها يعتبرونه فن الشيخة . قصدي الأجانب . .

ودام أنّه موقع عالمي ومعروف *توي عرفته منج* . . المفروض *أو لازم* تكون معطياته *قصدي الصـورة* أرقى وتليق بالذوق العام < ثره ما عندهم رب كيف تبون يكون عندهم رقابة داخلية

بس ما قول غير *مـااالت* على بعض المواطنين اونهم اماراتيين كوول > ويحطون صورة وتعليقات تافهة تناسب انحطاط تصويرهم . . طبعا ما أقصد حد معين . وكل حد مسؤول عن تفكيره وأخلاقه وميزان أعماله . . وهاها بس فشلة الاجانب يعرفون انهم من الامارات والله . .
.
.

وشكرا الياه ع الموضوع / ثره كل شي نسبي بس الغلط غلط والصح صح

[الـيـاه]

:: أوتار القلب ::

ترا هني العوق الموقع يفيد وحلو > لكن الفئه المنحطه تلعب تتريا الإشاره
مشكوره اختيه ع الــرد


:: هزاايم ::

لا طبعا ً فرق كبيره المنتدى مافيه قسم للصوره الوصخه ونحن نجوفها ونطنش
حتى لو كان صاحبها أجنبي !!
ومع هذا متواجدين > الصراحه انا مايشرفني اكون في مكان جي
واكيد فرق كبيره بينه وبين المنتديات .. ( مجرد رأي حبوبه )


:: العجيبة ::

صدقج الصور ان دلت فـ تدل على تربيتهم الـ
احسنلج يوم ماجفتي والا جان ضربتج غصه ..


:: عنود الريف ::

صح لسانج لو شبابنا هني يسوولهم موقع مشابه بس بقوانين وترتيب وكذا
بيكون وايد احسن وبكون من أشد المؤيديين بعد ..
وشرات ماقلتي تكون هناك رقابه ! ومشكوره حبوبه ع الــرد


.
.
.

[خيال الحب]

السلام عليكم

انا من فتره اتصفح هالموقع,,

بس ما صادفت صووور ماصخه

وعيبتني صور الشباب والبنات الي فيه

احس انه في ناس مبدعه عندنا في البلااااااااد,,

واحلى شي الردوود والتعليقات


والي بيحط صوور خايسه ,, على الاقل اداره الموقع تحاول تمسحها او تمسح عضويه هالشخص وخلاص

((اسهر معي ليله)) اضن اني شفت صفحتك بعد هناك

وصورك عجيبه الصراحه

ويامرحبابك

[لمّــاح]

السـلام عليــكم . .

قريت الموضوع و ردود الأغلبيــة العضمى . .

الموقع انا مشارك فيــه من فتره، و الهدف منه هو الإفادة و الإستفادة من خبرات المصّوريــن ( بغض النضر عن جنسياتهم ) و للعلم ان اختلاف الجنسيات شئ ايجابي حيث هالإختلاف يعكس نمط تفكير البعض و اذواق بعض الدول و هذا ما يجعله متميز حيث نقدر نشارك بعض افكارنا ... الخ

المشــكلة ، ان بعض الشباب حولوه من موقع صور الى موقع * خقّـــه * و جـــات في نفس الوقت لدرجة انه انتشر اسم فليكر و استوا مثل الهارت جات و غيره، بمعنى ثاني بالوعة بنات - للشباب - ، و بالوعة شباب - للبنات - ، ماعليك الا انك اتحدر و تغرف الي تباه من بنات او شباب !
حبيت أعلق على كلام الأخ نصوور ، النسبة الي كتبتها ما اتفق وياك عليها لأنك مبالغ جدا في التقليل من عددهم، لكن العدد الى اشوفه واقعي هو 70% . .

بتقول لي اوكي هب كلهم يحطون صور مب زينه و ردود مب زينه ؟؟

نعم صح، لكن كفاية انه يكون اسلــوب البنت ( و تحت كلمة البنت ألف خط ) انه يكون اسلوبها منفتح جدا و عــــــااااااادي ويا الشباب ، هذا واحد . .

ثاني شي، الي حــــاب يفيد و يستفيد ، نصيحة مني ، يشترك في مواقع أجنبية و بنك نيم أجنبي أبركله من أي موقع عربي لأني والله و هذي حلفه نـــــادر ما أشـــوف موقع فيه عرب أو موقع إدارته عربية و ناجح أو عالأقل بمستوى أي موقع أجنبي و ايضا ندخل في سالفة الدعم من حيث إشراك الأعضاء في معارض و غيره ، نعم ما اقول ماشي مواقع عربية ممتازة ، هناك بعض المواقع الممتازة و الي حازت على رضا الجميـــع و مالها منــازع ، لكن بالمقابل ملايييين المواقع - الهــابطه - تحت عنوان - الإفادة و الإستفادة -

و في نقطة حبيت اتكلم عنها ، البعض بيقول ، ليش كلكم تمدحون المواقع الأجنبيــه و تذمون العربية مع انه العرب ما يحطون بنات - متفصخات - أو لقطات مخلة بالآداب و غيره ؟

الجــواب: الانجليــــز هـــاذي حياتهم و شــــي عــــــــــــــــــــــــ ـــــادي جدا انك تشوف حرمه بمايوه أو شورت و قميص تجري في نص الفريج تسوي رياضه، خصوصا عندنا في مردف حق الي حاب يتأكد بنفسه، و الي يسـوونه ابدا ما يعكس الوجه الثاني لهم لأنهم هم اصلا هاي بيئتهم . . !

اما نحن، جدام الخلق مافي احسن عنّــــا ، ملائكه ، و على النت شوفو الفضايح !! و المشكلة انه البعض منّـــا يحاول بأنه يحسن صورة العرب جدام الغرب ، و اتي هالفئة - التفاهة - من المجتمع و تقوم بتشويه الصورة الي بنوها غيرهم و يقومون بإضهار الوجه المخفي لهم و يسوون هالخرابيط كلها امام مرأى الغرب و من عقبها بياخذون فكرة عن العرب بأنهم يوعانين بنات و ماعندهم وازع ديني و غيره !!

انا بوافققكم الرأي في حالة وحده ، اذا كنّـــا نحن العرب عايشين هالحياة و عادي الاختلاط عندنا و عادي البنت تطلع بشورت في نص الشارع ، حزتها محد بيقدر يلومهم !!

عالأقل الانجليز ما يطلعون ويههم الثاني، و المشكلة ايضا نحن العرب ما ناخذ أي شي بجديـــه للأسف، همنا الأول بطونّـــا و الهم الثــاني شهواتنا !!
الا من فتره قريبه قمت أشــوف البعض يقوم بتحركات إيجابيــــة ( ما ارمس عن التصوير، ارمس بوجه عام ) . . !

ليــــش يوم نبا الأحسن ، نشوف برع ، و يوم نشوف شي مب زين نردد هالجملة - عادي، شـــغل عرب - !