Harry Potter and the Goblet of Fire

[الملهم]

شوق القلوب ..

لازم اتنزلين الفلم من النت ..
ما تتريين ينزل في الامارات ^_^

[أنا فقط]

وايد حلو الفلم

و مشكور أخوي الملهم ع التقرير

[الملهم]

نزل الفلم ^___^

اليوم اكييد لازم بنشوفه ^__^
وبعد الفلم ان شاء الله بقولكم تقييمه

[أمرين]

أنا من جفت اسم هاري بوتر
قلت اكيد الملهم هني:

عاشق هاري بوتر

^__________^

مشكووور عالمعلومات

[الملهم]

انا توني راد من السنما ^__^

بصراحة الفلم مش في المستوى ..
يعني لو بنقارن الفلم بالقصة بنحصل وااايد احداث مهمة
ما حطوها في الفلم .. يعني مثلا " كروتش " ليش مات ؟؟
وكيف مات ؟؟ وبعد شو كان ردود فعل الناس والطلاب عن رجوع فولدمورت ؟؟

والتقييم بيكون -B
وشوو رايكم ؟؟

[الشوق]

انا امس بالصدفه وانا اجلب القنوات ..
شفت في قناة الحنابل .. فلم هاري بوتر ..
بس عاده مااعرف اي جزء فيهم..
كوني ما شفت الاجزاء الثلاثه الاولى ..
بس شفت الجزء اللي يسافر فيها ويا السحره الباقيين ( الطلبه يعني )
عسب اللي يستحوذ على مسابقة المنزل ..
يوم يشووف امه وابوه في المنظره . ويوم سرقة حجر الفيلسوف .
.. بس ممكن اتخبروني هذا اي جزء ..
لان الفلم استحوذ على اعجابي .
ومادام عجبني .. حابه اشوف على قولتكم الجزء الرابع من الفلم ..

وسلامتكم / اختكم
الشوق

[الملهم]

الجزء اللي شفتيه هو الجزء الاول ..

Harry Potter and the Sorcerer's Stone
ويقولون انه احسن جزء في سلسلة افلام هاري بوتر ^_^

[شوق القلوب]

السلام عليكم...

..

صدقك يالملهم.. أحلى جزء هو الجزء الأول... بالرغم اني شفته واااااااااااااايد.. الا بعد ما أمل منه..

بس بسألك... اتعرف لين متى بيتمون يعرضون الفيلم في السينما..؟؟

[الملهم]

ولد اختي اتصل بهم وقالوا ان الفلم بيتم لين بعد العيد يمكن باسبوع يعني بعد العيد باسبوع ^__^
وهذا يدل على ان الفلم مش حلو وااايد لان قبل الجزء الاول والثاني تموا شهرين ..

[ذنـيـنـي]

بصراحه الفلم حلو و الاخراج و التصوير فضييييييييع,, و المؤثرات المرئية و الصوتية ما عليها كلام

و على فكرة هذه اول مرة ادخل فيها فلم من افلام هاري بوتر ,,,

لأني كنت اعتبره فلم اطفال, لكني غيرت رايي من عقب ما شفته,,,

شكلي هالاسبوع باخذ ديفيديات الاجزاء الاولى من الفلم

[الملهم]

ذنيني ..

من قال ان الفلم مال الاطفال ..
انا اشوف الفلم مش مال الاطفال .. انا شفت فلم هاري بوتر من الجزء الاول لين الرابع كلها في السنما ..
وعجبني الفلم حتى اني قريت القصة من الجزء الاول لين الخامس .. بس اللي ما عجبني انهم ما حطوا في الفلم احداث موجوده في القصة يعني احداث مهمة ..
وعلى فكرة شيء بيسون الجزء الخامس وبينزل في سنة 2007

[الشوق]

ذنيني . سبحان الله ..
توقعاتي شرات توقعاتك .. يوم كنت اشوف الدعايات وهالسوالف كنت اتحراه بس لليهال . فما كنت اعيرله اي اهميه ..
وبمااني شهدت الجزء الاول على قولة اخونا الملهم ..
باجر بسير ااجر الجزء الثاني والثالث .. علشان احضر الرابع في السينما

وسلامتكم
خويتكم / الشوق