ما ادري اسميه قـلة حيا ولا عـدم حيا

[ديج الفريج]

أحبابي في الله

السلام عليكم ورحمة الله وبركاته

قبل يومين كنت أفر قنوات التلفزيون لعلي أشوف شي مفيد

استوقفتني قناه أول مره أتابعها من هول ما سمعت

ما أدري أنا غلط في هالزمن
ولا الناس في هالزمن غلط

ما بذكر اسم القناه مب عشان أستر عليها
لكن عشان ما أكون الدال على الشر كفاعله


ما أطول عليكم اسمعوا الياي ..

المذيع : عندج اهداء ؟
البنيه : فديتك أنا
ديج الفريج : ظنيت انهم بيقطعون اتصالها لكن الظاهر مثل هالانحطاط هو المطلوب لاستمرارية شهرة هاالقناه
المذيع : مشكوره
البنيه : أحبك ، فديت روحك فديت قلبك
المذيع : والله ما اعرف شو أقولج
البنيه : " .... " فديت عيونك فديت خشمك فديتك أنا
والله أخجلتيني ...ما اعرف شو أقول لج ، شباب ارمسوا قولوا شي ( والكيمرا اتلف على الشباب في الكنترول وواحد منهم عاط ظهره حق الكيمرا )
البنيه : قول حق فلان يتطالع الكيمرا ليش ما يبانا انشوف ويهه
ديج الفريج : والله الشاب كان يخجل أكثر عن البنيه
البنيه : أحبك والله أحبك فديت روحك فديتك أنا

ومن هذا الكلام ...
لي اكتشفت ان المذيع في الاصل مطرب

وهذي طبعا مكالمة من وايد مكالمات خايسه

وين نحن ؟؟؟
في أي زمن ؟؟؟

يا حبيبي يا رسول الله صلى الله عليك وسلم
هذي بداية نهاية الدنيا
وهذي بداية الزنا بين المسلمين على العيان وجنه العيد

اللهم أستر على بناتنا ونساء المسلمين
اللهم آميييييين

[هزاايم]

اختيه ديج الفريج إذ كان بالهاتف
مادريتي إلا ماتت عسب المطرب الفلاني ماعطاها سالفه واشطتت ومدري وش سوت بعمرها لين ما راحت روحها
مانقول غير ياللله بالحسن الخاتمه وربي يهدي الجميع
لكن المفرووووووووووووض و هو أ مفروووووووووض و ظنتيه واااجب يحطوون رقااابه عالإتصالات للبرامج حتى عالمسجات إلي عالقنواات لأنها خسااره للعقول وللوقت و الأرواح قبل المال والماده
سلمتي يالشيخه وعسى نشووف ازود منج

[أمواج]

البرنامج اللي تطريه ياخويه ديج الفريييج الاحظ فيه الكثير من العبارات اللي تخدش الحياااء .........ز وين حياء البنت ؟؟؟ ولا خلاص اختفى في زمن العولمه

ياليته لو البرنااامج فنان إلا دقوا و خربطوا على المذيع و تفدوووه وقولوا بعض الكلمات الغزليه و عقب ارقعوا التلفون في ويهه خلاص انتهت المكالمه

اوكي الغرض من ها كله شو ؟؟؟

[الغاليه]

سمه عدم حياء طبعا وبدوون مناقشة لان اللي اتسوي سواتها بدون اي اعتبار لحد ماضني بعده الحياء ينبض فعروقها ....

للاسف هالقنوات والبرامج سبب مباشر لانحطاط اخلاقيات المجتمع وياليت يقدرون يسكرونها,,

واللي يشوف هالبرامج والقنوات اسميه متفيج وماعنده سالفة ,,

غير عن اللي يطرشووون مسجات ومادري شوو هاييلا صدق ماعرف كيف يفكروون واعتبره قمــــــة التفاهه,, واللي اتفه عنهم القائمين على هالقنوات واللي يسمحون لاعمارهم يعرضون هالقلة ادب مقابل حفنة الاموال..

والله يهدي الجميـــــــــــع..

شكرا عالموضوع

[دمعة شوق]

:::::
امممم
قلت حيـا
وقـلت أدب
وقـــلت عقـــــــــــــل
وقــلت دين
::::::::::::::::::::
لو صدق عنبوه لو فيهم ذرة عقل وذرة أدب وذرة حيـا
شوفوا بس ذرة ماطلبت الكثـير
وربيه مابيسون هـ المصــاخه اللي مالها أي معنـى
:::::

الله يهديهم ياربيه
ويصـلح بالهم
::::::

شــكـراً

[شوق الصحارى]

ما اقول غير الله يهديهم..........

[الجديدة]

صدقت يا ديج الفريج في الكلام اللي قلته.
ما حد منا يرضى بهذا الشيء المقزز اللي يحدث في هذه البرامج.
المشكله مش من البنات أو الأولاد ، المشكله من القناة اللي تريد تربح على حساب الاخلاق غير مراعية للدين و أخلاق و الناس اللي قاعدة تطالع البرنامج، همها الكبير الربح غير مهمة من اللي يصير.
كان المفروض يهطون رقابة على البرنامج سواء للمشاهد أو المذيع اللي يقدم البرنامج.
بس ما نقدر نقول غير الله يهدي إخواني المسلمين و المسلمات و يبعدهم عن هذه البرنامج الهابطة.

و السموحة

[الملهم]

السلام عليكم

انا سمعت وااايد كلمات تخدش الحياء ..
مش اول مرة اسمع جذه
قبل بعد وحدة متصلة اتغازل المذيع وياليته مواطن واحد لبناني ..

وهذي بداية الزنا وصارت على العلن ..
الله يعينا من المستقبل والله يحفظنا من كل شر ..
علينا ان نلح في الدعاء لهداية الشباب والبنات ..
الدنيا ما اطمن ..

أشكرك على الموضوع
وجزاك الله كل خير ..

[دقني بنقع]

عشنا وشفنا ...

شو مخرب عيال العرب غير هاي القنوات .. للاسف نجم الخليج واستار اكاديمي وغيرها من الحفلات الي تستوي فيها البلاوي موجوده عدنا في الخليج والدول العربية المسلمة .. مالت على الفلوس الي تغير النفوس وتبعد المسلم عن دينه .. والله ويقولولي ليش تنقع .. كيفــــــــــــــــــــــ ــــــــــــــــــي

ديج الفريج ... سلامي لك .. وتحياتي للكل ... وبوسلي عيالك ـــــــــــــــــــــــــ ــ:) لا تفهمني غلط بس الصغارية

[عنود الريف]

ان لم تستح فاصنع ما شئت
ما عندي غير هالجملة .. اما القناة والمذيع اللي ترمس عنه انا شفته
ولا شفت سخافه مثل هالسخافات مباشر
عيب عليهم والله
مب بس على هالبرنامج في اشياء واااايد تطرقت لها في موضوعي ان لم تستح فاصنع ما شئت
بس للاسف الانسان ما بيده شي
تسلم اخويه والسمووحه

[الدلووووعة]

شو بتقول بعد اكيد بتقول قلت ادب وقلت حيا بعد

وانا شفت البرنامج ولا بعد قالتها اونه تتزوجني خيبه هب ويه عليها وامها قالت خل يقول حق بالخير اذا يبا يتزوجها جان الام جي وين تبون البنات يفلحن

[ألم ترى]

بسم الله الرحمن الرحيم ..

وعليكم السلام والرحمة ..

تقدر تسميه اللي تسميه دام نحن في البداية النهاية ..

والله يحز فقلبك انك تشوف هـ المنكر علانيه لا حياء ولا مستحى ..

اللهم ارحمنا واهدنا سبل الرشاد ..

يزاك الله خير عـ الطرح ولي عودة بأذن الله ..

ربي يحفظك ..

[بلوة حلوة]

... ديـج الفريـج ...

تعيــش وتشــوف وتزيــد قلة الحيــا ..

نفـس القناة وحـدة متصلـة .. اونه

واااي اذا يبتوا المطرب الفلاني فديت روحه مابتصل .. ااااستحييييي منه احبه فديت روحه
وين تعرفين المستحى انتي !! ييبوه دخيلكم ييبوه .. وماحيد شو قالت عنه بعد

شو هالمصخخخخخرة


من البـدايه كان المفروض ينقطـع الاتصـال ولا القناة تسمي هاللوث
نوع من انواع < الاعجــاب > ؟!

نـاس طلعوا عـ التلفزيون ينمون مواهبهم وحبـا فـ الفن على قولتهم
يـو بنات خلـق الله حبـوا وسووا قصص حــب .. !
وهالـ .. "حابين الفن" .. سيـروا وياهــم .. ..

أي حب هـذا ؟! .. .. تعلقين صوره فـ غرفتج وتزعلين ان مر يوم
وماشفتيه عـ الشاشه .. وتعصبين لو وحدة اتصلت ومدحـته !!
ضحك والله !!

شو بتقــوول بس ..

احم احم أقووول الدلوووعه
مب جنـج فضحتي القناااه ؟؟ ههه حتى لو كنا عارفينها من البدايه
بس عميتيها موول انتي عااد لوول الستر زين

وامها قالت خل يقول حق بالخير اذا يبا يتزوجها

شكرا ديـج الفريج على الموضوع ..

[الدلووووعة]

بلوه حلوه اقولج القناه هي بروحه قاظحة عمرها يعني مايحتاي انا افظحها ^_^

[ديج الفريج]

السلام عليكم

لكل اللي ردوا على موضوعي
ابصراحه أثلجتوا صدري بهالردود
فعلا الدنيا مازالت ابخير دام ان فيها ناس أمثالكم
ومازال الايمان عامر بقلوبكم
اللهم يا مقلب القلوب ثبت أبصارنا وقلوبنا على الايمان
اللهم آمييييين