lll مواقف مضحكة مع "طفولية الأعضاء" lll شاركنا

[مرجانه]

السلام عليكم ورحمة الله وبركاته



إنّ مرحلة الطفولة هي أجمل مرحلة يمرّ بها الإنسان في سنوات عمره

وتظل محفورة في الذاكرة مواقف شقيّة ، ومضحكه ، وأخرى تعبّر عن براءة

ولكن يستحيل إعادتها لأنها في وقتها " أجمل "

فما هي أجمل مواقف طفوليه مرّ بها الأعضاء ؟؟!!...

في انتظار مواقفكم

[أمواج]

والله ذكرتيني بطفووولتي الشقيه


اللي اتذكره اني لما كنت صغيره اني احب ارابع الاولااااد ولا فوق كل هذا احب اتضارب وياهم واحب اسوق سياكلهم لاني بنيه وابويه ما اشترالي سيكل فأضطر اسوق سياكلهم و إذا مايخلوني اسوق السيكل اقووول لهم انزين واحد منكم يردفني عالسيكل


والله وناسه هاذيج الايام و حلوه ليتها تعود

[هزاايم]

هزاايم
أحلى أياام والله وعسى ربي يعيدها
أحيد كنت احب ارووح الحدب والعراقيب كنت اركب لاند روفير أبوي واقعد ورى معنه السيااره فاضيه و انخض خض لين أقول بس و كان يقولي ماشي شرب ميرندا ورى بالدابه فيوم ننزل الدكان آخذ كندادرااي أحمر هو قالي لاتخذين ميرندا وإلا افتح لكم الغرشه وتخيييس السيااره و الوالد والله أحيد ملامح وجه هو يعقد حياته ويقولي تتذاكين علي يعني ماشي حدب مره ثانيه واقعد أصيح لين ما اشبع

وأحيد دووم يشتروون لي عصافير بس فديتني من طيبتي باللبل افتح باب القفص و اطلعهم وافتح باب الصاله المطله على الحوي وأقلهم ريدوا انزين انتظركم هالقصه استوت مع ثلاث عصافير ومن بعدها يابو ماتووه كل كان يعضني فنتقمت منه إني آكل حب شمسي جداامه وما أعطيه
مواقف كثيييييييييييره ماتنتهي
أشكرج لأنج خليتنيه اتذكر ذيج الأيام
سلمتي على الموضوع يالشيخه ولاهنتي

[ألم ترى]

بسم الله الرحمن الرحيم ..

وعليكم السلام والرحمة ..

بختصار شديد : احب شيء عندي لما كنت صغير ان اهلي يفضلوني ويحبوني عـ اخواني اللي اكبر عني ..

شكرآ عـ الموضوع والى الأمام دائمآ ..

ربي يسعد اوقاتك ..

[مرجانه]

طفولتي كانت في كوكب " آكشن "

رجاءاً لحد ينصدم


----------
أذكر أكبر إنجاز سويته في حياتي هو لمّا فجّرت بيتنا بمساعدة من أخوي اللي في سنّي ... لا مو توأم

وصل الأب الله يرحمه من الشغل تعبان وكان حاط السيارة مبطلة عشان ينزلون الأغراض منها ... طبعاً أنا وأخوي ما يفوتنا شي .. نطينا على السيارة .. ودخلنا لين ما وصلنا الكرسي الأمامي ... مسكنا العدة
" ولاعه" وقعدنا انولّع السكان ... ونجوف النار كيف تكبر ..عقب خفنا جفنا النار تكبر أكثر .. قلتله يالله نهرب ... وطلعنا من السيارة ... والنار تزيد ... محد انتبه ... عقب .....الجيران شافوا النار .. وبعد ساعه .. جفنا سيارات الإسعاف ... والشرطه .. والناس متجمعين ...
" تم الانفجار "
أنا سرت بيت جارتنا أمينه الله يرحمها كانت طيبه وتحبني وايد ... أصلي شارده ... أما أخوي كان يضحك مستانس ... " ياحليله " يوم رد من عند الشرطه ويا أبوي
ركضت صوبه قلتله ها شو سوولك ؟؟؟ ضربوك؟؟؟ وهو يضحك يقوول لااا قالوا اني صغير ... هي هي هي

بس بعدين انتقلنا بيت يديد ...


-------

أذكر اختي الصغيره ... حليلها كانت تفكّر بعمق ... تبا تتسبّح ... ففكرت بطريقة مختصره ... دخلت داخل الغساله .. وفرّت على عمرها ههههههههههه
زين الأهل لحقوا عليها

--------

ترقبوا المزيد .....كما أني أترقب قراءة مزيدكم ...

[ألم ترى]

بسم الله الرحمن الرحيم ..

مرجانه شو هـ الأجرام ؟! ..

انا شفت وسمعت عن الأجرام الطفولي لكن مثل شخصك لم اسمع ..

الله يرحم اباك والخاله امينة وموتى المسلمين ..

[الشوق]

هيههيه
سوالفكم حلوه والله .. واذا حصلت شي يستاهل ينقال تراني بخبركم عليه

مرجانه الصراحه عجيبه في سوالفج ..
والحمدلله ع سلامتكم
الشوق

[شوق القلوب]

..

الســـلام عليـــكم..

..

مــــرجاااانه...

مااااشااااء الله عليـــكم... ربي يحفظكم...

اتولعوون في السيـــاره..!!!!!

..

ع الاقل.. انا احسن منكم... مروه ولعت في الزباله اللي عند التلفزيون... وكانت خبصه وايرات ورا...

فزيــــــــــــــــن انه الوالده اتداركت الانفجار اللي كان بيستوي مع الكهرب..!!

..

وأختج خطيــــره... سبووح و في الغساله..!!

هههه.. فكره حلوه..

[مرجانه]

هههههههه

محبّ الشيخين باين عليك دلوووع الأهل
مرّة ما عندك سوالف مشاغبات " أحلى شي "

الشوق ، عيل نتريا سوالفج ،

شوق القلوب .. ماشاءالله عليج تعجبيني ...
وزين انه ماصار شي ..

---

أنا أذكر مرة " ترى أكثر سوالفي ويا أخوي " ما كنت محصله غيره يفهمني
طلعاتنا تكون الصبح من الفير تقريباً .. كشــخه ...
انحاوس ونراقب الحارة .. لا يصير فيها شي
ومرينا على بيت قاعدين يبنون فيه ..

اللي يبنون كانوا " سيك " قوم عباد البقر
عاد أخوي غربلني ما عطاني إشارة إنه بيسوي عمل إجرامي
راح حضرته وعكس أصابعه وتفّل عليه " يقولون ربهم حركة قرون البقر"
ولا أدري إلا والشردة ...
لحقوووه حليله .. وأنا سرت صوب ثاني " طريق مختصر "
خبرت الأهل عليه ... وطبعاً ياب العمّال بيتنا
اشتكوووا لأبوي الله يرحمه من ولده اللي يسويلهم الحركه " يسبّ ربهم "
وأنا وهو ناقعين ضحك عليهم ههههههههههههه
حليلهم ..
0000000000


مرّة أذكر كنت وايد متأثرة برسوم ألس في بلاد العجائب
سرت أنا وأخوي المزرعه وانطالع الشير
ونتمشى ... عقب
طاحت عيني على شي

كان نابت فطر تحت نخلة
ووااااايد
قلتله إلــحق تعااااااال
عقب طالعنا الفطر
وقعدنا ..
قلتله شو رايك ناكل منه عشان نصغر مثل ألس
قال انزين فديته يسمع الكلام
عقب قعدنا ناكل

وناكل

وناكل
وتريينا يمكن نص ساعه

ماصار شي؟؟؟؟

عاد أنا أبا أبرر الموقف
قلتله هيييييي صح مب هذا الفطر هذاك ملوّن وعليه نقط

الحمدلله ما عندنا جان متنا من زمان

ooooooooo
نتريا مواقفكم شباب وصبايا

[شوق القلوب]

ههههههه.. ضحكتيني يا مرجانه...

ماشاء الله عليكم... انت و أخوج.. ربي يحفظكم... صدق انكم عشتوا مغامرات..

عيــــل تاكلون فطر.. و تتريون انكم تصغروون..

صدق تفكيـــر يهااال..

[سفير الخيال]

مقـــــعد محجــــــــــــــــــــوز

عدنــــــــــــــــــــا

سلالالالالالالالامو عليكووووووو

شحااااااااااااااالكم؟ كلن ابحـــــــــاله :)


الســـــــالفه ومـــا فيهـــــا وبــــاختصـــــار شـــــديد

إن أخــــوكم (الله طـــوّل ابعمره والله يطول عمره) امجـــــــرب طعــــــــــم الــــديتول

واللي يبــــا يعــرف الـــطعم حيــــّــــــاه


وبــــــــــس

سانكيو على الموضوع

[مزن هتان]

هلا والله بالمرجانه

سوالفج حلوه مع اخوج ربي يخليكم لبعض

الصراحه ما اذكر شي من طفولتي

راح اقول لكم عن اختي

اتصلت المعلمه اللي ادرس اختي فـ الوالده تقول لها ان ام واحد من اليهال تبيج تجين الروضه امي قالت اوكي راحت الوالده ظهرت السالفه ان اختي ضاربه زميلها فالصف وطرطرت لبسه مش بس لبسه راسه بعد ربكم ستر وظهرت الوالده تعرف ام الياهل

للعلم اختي الحين متزوجه وعندها بنت الوالده تقول عنها طبق الاصل من امها