اقتباس المشاركة الأصلية كتبت بواسطة الغاليه
ها بنت ابدوي اشحالج؟ .. سمعنا انه لج نية اتموتين عمرج من القهر ..!!

اوووه حراام ,,,, وين بتسيرين عنا بعدنا نباج ..

جوفي احينه شو تسوين .. اول شي هدي بالج وارتاحي .. وادري انه شي يقهر يوم ايحطونج ويا بنات مادانينهن.. بس يابنت ابدوي مب دووم الدنيا اتي على هوانا ,, فعليج انج تتقبلينها وتحاولين تكيفين عمرج باللي بييج ..

وانتي اللي ياينج مب مصيبة ولا ازمه لاسمح الله .. انتي اللي بتمرينبه يعتبر تجربة ايديدة ويخالطج احينه الخوف منها ومن المستقبل ومن اللي بيصير وياهن .. لكن الامر مب بهالسوء اللي
تتصورينه انتي .. بالعكس اعتبريه شي يديد واتحمسيله .. .. "أكشن"

البنات انتي ماعاشرتيهن ويلستي وياهن .. مجرد كلام سمعتيه من الغير ... يمكن انه ايكون صح
واحتمال ايكون غلط .. والايام اليايه بتكشفلج معدنهن ,, ولاتحطين لنفسج حواجز وياهن وعامليهن
ببساطة واحترام وطيبة وود ,, واكيد انهن بيعاملنج بالمثل ويمكن انج اترابعينهن في الايام اليايه
وتتغير نظرتج عنهن كليا.. وتكتشفين انهن طيبات وغير عن النظره اللي ماخذتها عنهن..

لكن متى انصحج بالابتعاد والمعاملة السطحية؟؟ ,, يوم اتحسين انه اخلاقهن سيئة او تصرفاتهن
ماتدل على انهن بنات احشام.. فهالحاله انصحج بالابتعاد من خوف انج تتاثرين فيهن ..
والانسان يا انه يؤثر على الغير أو يتاثر بالغير .. ولو هن اقوى عنج بتتاثرين فيهن.. وهالشي
مب زين لج..

وهاللي بسويه لو كنت فمكانج ..

و تحياتي لج :)
الغاليه

فديــــــــــــــــــت طلــتــج والله .. ومحلا تواجدج يوم ينور ليه موضوعيـه

شفتي عاده .. لا يبــوج ما عــاش من يخلي بنت ابدوي تموت من القهر .. بعدكمـ تبونيــه صــح ..

صح رمستج غنـــاتي وانا من البارحه افكر .. انه البنــات هب دوم بيـن على هوايــه وهب بايدي انا اللي اتحكمـ باللي اباهــا ولا لأ ... زمان الدلع روح لولز .. هالمره يتطلـــــــــــب منــا الاختلاط بحد نعرفه ونحبه وحد ما نعرفه .. وحد .. فـ عشــان جيـــه نحــن لي نسير على الطريــج لي نبغيــــــــــــــــــه ..

امـا عن البنـــات .. فديتج غناتي .. انا ما اصدق رمسـه سمعتهــا من حد الا يوم اعاشر البنيـه .. وانا عاشرتهـا وشفتهـا بعينيه .. كنت اتغـاضى عنهــا .. بس وصلـــت هيه وشلتهـا لدرجـة موقف خلانيـه من الخاطر أبتعــد ..

همممـ

انا بتعــامل فيــــــــــا الكل بنــفس المعاملــه وما بحط حواجز بس علاقتيـه مستحيل تتعدى الدراسه .. الا يومـ اعرف معدن البنـات لي انا معاشرتنهـن ..

همممـ

وبصراحـه سمعـــت رمسـه من حد غالي عليـه واحب اسمـع كلامه .. نفــس رمستكمـ وانيه دخلت الكليه بارداتيه ولنيه بدرس .. وبدرس وما عليـه منو من البنـات فيايه .. ويومـ يخلصـن كلاساتيـه اروح لربعيـه

وبس


أشكرج على التواجد والرمسه لي تذكرنيه بـحد غالي عليـه

لنه نفس الرمسـه سمعتهـا البارحه


خلاص الغاليه

أبشرج نفسيـتيـه عالي العال ومحد بيموتني من القهر

.

يعلنيه هب بلاكــــــــــ ــــــــمـ