أتمنى انها تنال اعجابكم

[ديج الفريج]

الدلوووعه

تسلمين عالاطراء الجميل

[ديج الفريج]

مملوح الوصايف

وجودج أروع وأجمل

الصوره الأولي من الصور المحببه لقلبي
لأني أحب التوليب
وخاصة اللون البنفسجي

[عنود الريف]

يا هلا ومرحبا بديجنا ..
والله صورك حلوة ... بس مشكلتها انها بالموبايل ..
ان شاء الله يوم بتاخذ لك كيمرة .. صور الورود .. وبتطلع وااايد اروع ...
بس شكلها حلو .. اما عن التصويت ..
احس ان الاثنين له دوور ..
يعني الالوان والصور نفسها تلعب دوور كبير في حلات الصور ...
تسلم يا اخويه
والسمووحه

[أوتار القلب]

عيبتني الصوره الاولى

بس لو سويتلهم blur بيظهرون اوضح :)

تسلم اخويه عالصور الحلوه و بانتظار يديدك
ربي يوفقك

[ديج الفريج]

عنود الريف

عيونج الحلوه
بس جد أنا أبا رايكم بصراحه لأنه بيساعدني في النظر لأخطائي
شو عيب التصوير بالموبايل
أنا أعرف انه مب ابنقاوة الكاميرا العاديه
لكن شو عيوب الصوره اهني ؟؟؟

[ديج الفريج]

أوتار قلب

ابصراحه مالي علاقة بالكمبيوتر وايد
وضحي لي شو BLUR واناأسويه

تسلمين عالنصيحه

[عنود الريف]

انا بعطيك كم من نقطه شفتها في الصور ..
الصورة الاولى كان يبالك شوي تركز على الورود بس من دون الزوائد اللي عالاطراف
الصورة الثانية كانت محتاجة تركيز اكثر على الورود نفسها
اما الصورة الثالثة لو خذتها بزاوية ثانية كانت بتكون احلى بوااايد .. يعني لو كانت الزاوية مايلة شوي .. كانت الورود بتطلع اغوى
هذي ارائي واسمحلي اذا تطفلت زياده ..

[طير الغرام]

ماشاءالله تصوير رووعه
عيبتني الثالثه وااايد
حاولت أوضحها أكثر بس هذا اللي قدرت عليه



بانتظار يديدك إن شاءالله ^_^

[ديج الفريج]

عنود الريف

أبدا هذا مب تطفل
أنا طلبت الراي عشان أكون للأحسن
وبدون آراءكم ما بكون للأفضل

أما عن الصوره الأولي أنا صورتها مع الزوايه لأنه معظم صوري " فوكس " على الورده نفسها
فحبيت في هاي الصوره اني آخذ أبعاد أطول لأنها باقه كامله

في الصوره الثانيه أنا عندي زوايا ثانيه والصور موجود عندي
بس الحق وياج لأنها بالموبايل ما قدرت اتحكم بالزاويه وايد عشان الوضوح

الصوره الثالثه هي من تنسيق رضيعتي " لبن مثلج " فحبيت اني استغل هاالابداع عندها بالتصوير

تسلمين اختي على صراحتج
وأتمنى وجودج ديما معاي في المواضيع

[ديج الفريج]

طير الغرام

أولا وقبل كل شي أنا أشكرج جزييييل الشكر على هالاستقبال الأكثر من الراااائع
الله يعطيك العافيه أخوي
وينولك الله افخاطرك آميييييين

ابصراحه
ما ادري شو أقولك
صورتك انت أحلى عن صورتي
الألوان فيها حياه
جنها الصوره بتنطق

تسلم اخوي

[ديج الفريج]

أوتار قلب

أنا أشكرج على النصيحه
لأنج خليتيني أبحث في الكمبيوتر
وأتعلم عن كيفيه التحكم بالصوره