شيء انكسر ....

[الشوق]

حلم الطفوله ...
عزيزتي صارت لي مواقف .. واكثر عن مره ... وبموضوعج هذا .. فتحتي دفتر ذكرياتي ...
يمكن ثلاث مرات في حياتي ... وفي كل هالثلاث مرات .. سامحت ... ماادري اذا ندمانه او لا .. لاني سامحت او ان اعطي الفرصه للناس انهم يستغلون هالخصله اللي فيا .. انهم يخطأوون واسامح ...
لكن !!! عمر الصداقه اللي اللي انبت على اساس جميل وحلو .. عمره ما ردت شرات قبل ..
لان صار صعب ان يتصلح ...
لان يوم تعطين ثقتج لحد ..ويخون هالثقه .. مستحيل تثقين فيه مره ثانيه
او حتى لو انجرحتي من ناس مستحيل جرحج يبرى هالسهوله ..
لكن شو بتقولين غير الله يوفقهم وين ما كانوا ..
.
.
.
.

الحينه خاطري اعرف..
في اعضاء وايدين من ضمن هاللسته الموجوده اهني ... ومنهم مميزين .. معقوله محد يبي يشارك ..
يوم انحط موضوع ماانشوف ردود ويوم ماانحط يقولون ماشي مواضيع .

وتر الحزن, وحي القلم, الـيـاه, مخاوية الامل, لبن مثلج, كشكوشه, عفاريتووو, عافك الخاطر, عايش وهم, ورديّـه, شوق القلوب, الــفــتــى, دمعة العين, خسووفه, خنفروش, حبوبه دبي, حلم الطفوله, عنود الريف, العجيبة, الرايد, الدلووووعة, الغاليه, الاسطوري, الفارس2000, الجنية الحلوة, لمّــاح, العيناويه, محب الشيخين, الشوق, أتمنى, الجديدة, سبانش مان, بنت بوحميد, مناير, الوان, من بعد غربة .

شو السالفه .. ما يبون يشاركون ..

[حلم الطفوله]

أتمنى

مافي حاجه في الدنيا ما تتصلح

الله يحفظ لنا هالقلب الكبير عزيزتي .....

بس أكيد الكسر الكبير مستحيل يرجع مثل الاول...

شاكره لج تواجدج يالغلا

دمعة العين

نستطيع إعادة تركيب الآنية بعد انكسارها ولصق جميع أجزائها ببعض ،،

إلا أن الشقوق تبقى واضحة ،، تـُشوّه روعة تلك الآنية. . .

أعجبني هذا التشبيه والوصف الدقيق لأثر الكسر الكبير الذي يصيب القلب

شاكره لك إضافتك ومرورك الرائعين

وحماك الله من كسر القلوب

لك كل التحيه والاحترام

[عنود الريف]

شي انكسر .. دووم اشبه الكسر بالجرة ..

العلاقات الاجتماعية .. أشبه بالزجاج .. احيانا يصقل لنا الشخصيات ويصورها لنا بطريقة غير متوقعه ..

وعندما تخدش هذا الزجاج او تكسره فانك تتعرف على الوجه الحقيقي لتلك الشخصية ..

ولكن احيانا اخرى ترى ان الزجاج شفاف .. من البداية يعكس لك الصورة الحقيقية لتلك الشخصية ..فلا يتعرض ذلك الزجاج للخدش او الكسر ..

اختي حلم الطفولة اشكرج على الموضوع الطيب ..

والسموووحه

اختي الشوق ..

احيانا تدخلين موضوع متميز .. فتبين تكتبين شي مميز .. واحيانا ما يكون في بالج تكتبين شي ..

او ما يكون في بالج شي تكتبينه .. فتخلينه على ينب .. وتردين له وقت ثاني ..

هذا مجرد توضيح ليش بعضهم ما يردون في نفس الوقت ..