Thread

[ديج الفريج]

السلام عليكم ورحمة الله وبركاته

ابصراحة ...
كسرت خاطري هالواحه
محد يكتب فيها
قلت أشارك
يوم ضغطت على الايقونه الصغيره
أشوف مكتوب فيها " NEW THREAD "
قلت أكتب عن الثريد

كيف يسوون الثريد


قلوا البصل ويا الطماط وبعدين ضيفوا عليهم صلصة الطماطم
قلوا الدياي " مب الديج " وضيفو للخلطه، طبعا مع اضافة الملح والفلفل والكركم والبزار والجرفه والتفاح ... لأ غلطت

وبعدين ضيفوا الماي وماجي لو حبيتوا
والبطاط والكوسه والجزر

وبعدين حطوا في المله العوده وقطعوا الخبز الوقافي أو خبز رقاق مال دكان " صورخي " ولا خباز كجلي
وعليكم بالعافيه

[شوق القلوب]

الســـــلام عليـــكم..

وانت بعد كســـرت بخاطري..

بس لملمته عشان أرد عليــــك...

...

يا سلام عليــــــــــــــك يا ديجنا.. رجعنا لايام الطبخ..

..

وذكرتنا برمـــضان..عسى الله يبلغنا اياه..

ومن الحين أقولك.. كل عام و انت بخيـــــــــــــــــــــر .. :)
..

[ديج الفريج]

وعليكم السلام ورحمة الله وبركاته

انتي

المهم
يوم انكسر خاطرج ابشو لزقتيه ؟؟
ترى المكتبات يايبين لزق قوي حق المدارس

وعن رمضان
الله يبلغنا واياج على الخير والايمان
اللهم آميييييين

[شوق القلوب]

شكلهم الصغاريه امتعبينك من الحواطه في المكتبات... مستوي خبره

..

[ديج الفريج]

الحلوه بنتي آخر العنقود البارحه يالسه تحت اريولي
وانا اكتب لج الرساله سوت Restart
بكل بساطه لو انهم متعبين
بس هم حلوين

[طير الغرام]

تسلم أخويه ع الطريقه الفنتكه ^_^

[ديج الفريج]

الله يسلمج

زغت قلت بتسكرين موضوعي

[الشوق]

اخوي لو حطيت صوره لثريدك ...
عسب نعرف كيف طلعت الطبخه ..

وهني وعافيه عليكم
يااخوي

[أمواج]

تسلم يا ديجنا
بس يوعتني