ممممممم

[ديج الفريج]

السلام عليكم ..

قصو اليح مربعات صغيرة
قصو البصل شرائح
قطعو الجبن مكعبات
قصصو البقدونس

الطريقه

اخلطوا كل المقادير في التاوه
وعليكم بالعافيه

[حبوبه دبي]

يــــــــــــــــح !!!

تتمصخـــر شوو ؟؟

[ورديّـه]

مادري

[حبوبه دبي]

ورديــه خلاااص انتي جـربي الخلطــه وخبـريني خلااف

اذا عــاده ماصــار لج شي

يـــ ـ ـ ـ ـــح عــاده

...

[العجيبة]

ههههه يــــح وبصــل !! وبصـل وجبــن !!
لو سويتهـا بيشـوتوني هلي من البيـت خخخ ألعب بالنعمه .. ها اللي قاصـر ..

ما نسيـت الكـركم بعـد ؟؟ خخخ لزوم النكهه خ خ خ

[ديج الفريج]

طالعو اللي فوق

يتحروني اتمصخر ...

أنا شفت برنامج في bbc food وحده سوت هالأكله وعطت ربيعاتها
ابصراحه هي اتلذذت بالأكل
بس اربيعاتها
ما في داعي
لكن جاملوها وقالو لها MMMMMMMMM

سوا الأكله واعزمن ربيعاتكن
بس اذا صارلهن شي
ترى أنا ما يخصني
اتصلن ابمحب الشيخين لأنه مسعف

[أكسجين]

وعليكم السلام والرحمه

امممم ..

المكونات بصراحه ابد ما تشجع ..

بس ما ادري ليش خاطري اجرب ..

.. ديج الفريج ..

الله يعطيك العافيه ..

والاجانب ياكلون كل شي ..

المالح معاه حلووو عادي عندهم ..

دمت بخير

فراشة

[ديج الفريج]

فراشه


جربي .. انتي مب خسرانه
الا هي أكله
صدقيني ما بتموتين

بس سؤاااال
علم ابلادج غريب
انتي من وين
وبعدين ليش حاطة صورة نحله
ما عندج صورة فراشه ؟؟؟؟
بنطرش لج أحلى الصور
لأن عندي بنت خاله فراشه
بدور عليها في الحديقه وبييب لج اياها

وبعدين
ليش يمكن اتسيرين عن الواحات ومااتردين
الصراحه وجودج جميل ومثري


عالعموم كلنا قلنا بنسير وما بنرد
بس في النهايه
انرد " ادمان "

صار لنا 6 أو 7 سنوات ويا الواحات
أيام الفوضى وخفة الدم

جني سويت " جرجر " واجد

منج السموحه
بس خبريني انتي من وين

[أكسجين]

اممم .. خلاص قررت اجربها ..

وبخبركم عنها عقب ما اجربها ..

وانا من الامارات يا خوي .. وهذا علم راس الخيمه ..

وبـ النسبه للافتير .. عيبني البرش فـ الفوتوشوب فـ عشان جي استخدمته ..

وعندي فايلات واايده كلها صور فراشات .. واذا تبى تزيد عليها عادي ..

وبـ النسبه لتوقيعي .. اممم عشان الدراسه ..

بس اكيد بطل عليكم بين فتره وفتره ..

لان الواحات شي اساسي في حياتي ..

تسلم يا خوي ..

ومسموح بـ الحل ..

:)

[عافك الخاطر]

وعـليكم السلام..
لازم اجـرب.. ما يندرى يمكن يطـلع حــلو
بس والله فكرة اتصدق،يعني يوم اييونك ضيوف -يبطون الجبد - بعطيهم من هالقنابل .. اسمييهم بيكروهنيي
ديجنـا ما شاء الله عليـك اشكثر صارلك ما رمست قرقرت وايد
كثر كثر من هالمـواضيـع بارك الله فيك
ومشكـور..
..
.

[ورديّـه]

ههههههههه عافك الخاطر اسميج بتعيفينهم الخاطر . زحّكتيييييني حاحا

بس سكتوا هاي نعمة . انا روحي ابا دقة ارمس . استغفر الله من *هالبرنامج* هب شي

[وحي القلم]

ديج الفريج

الطبق عجيب..

انته اتطعمته ؟!!


..

[ألم ترى]

بسم الله الرحمن الرحيم ..

وعليكم السلام والرحمة ديجنا ..

سو السالفه يـ الحبيب ؟ ..

بصل ويح وبقدونس والسالفه فيها خلاط فـ التاويه ..

اللي يجرب الأكله يخبرنا عنها يمكن نجربها يوم من الايام ..

اي حد يصيره شيء ما عليكم اللي تروحون للعيوز واتقولون لها عليج بـ دبة الحلول ..

ربي يحفظكم من كل شر ..

[ديج الفريج]

عافك الخاطر


السلام عليكم
انت صح يوم ما اتداني حد عطه هالاكله

وأما عن القرقر
يحليلي
في الخاطر وايد
بن دبي قال لي : ابتسم أنت في الواحات
وأنا عاد استخفيت من الوناسه

[ديج الفريج]

ورديه ...

خلي روحج رياضيه وكليها
وصدقيني بتدعين علـ... أقصد بتدعين لي ياباربي