*رحله إلــــــــــــى شمال ايران*

[بنت الدلع]

السلام عليكم والرحمه

اشحالكم
اخبااركم
انشالله مرتاحين

حبيت اعرض لكم صور السفر
وانشالله تعيبكم
============================================
منظر دبي من الطياره


منظر بلادهم من الطياره

مناظر بجانب الشوارع


الفندق مالهم

يبنون مسيد يديد>> عيبني المكان

الطريج الى الشمال

هنه وقفنا عسب نتغدى مكاان روعه
بس ماعرف شو اسمه

على قمة الجبال
الغيوم تغطي الجبال

كيف يبنون الانفاق تحت الجبال



نزلنا عالطريج
مكاان واايد يخوف


ممممم جنه هالمكان يسمونه
كلاردشت












الأمواج تداعب الصخور



هذي يلسه عدال فندق جالوس
استراحة الشاه قديما


هالجراده حصلتها وانا اتمشى عالبحر

صورة من التلفريك


هنه سرنا نتغدا مكانهم واايد حلو
نفس القرى


عيبني جايهم وطريقة تقديمه


يمكن هنه صوب طريق الألفين

انهارهم واايد بارده
جني حاطه ادي في ثلاجه




going to dubai





وهذي هديه لكم




hope u enjoy with my trip

[الـيـاه]

:: بنت دالع ::

جتوري حياتي هههه
يوم قريت العنوان تذكرت ربيعتيه *عـيـ ...* كله تقول>>> الوتـن تستهبل ..

ذكرتييني بالجاااي << انا ابا ( اليرانيه والأتراك يسوون احلى جاي )


بس الصراحـه حلو المكان .. والمناظر رووعـــه .. حلو شكلها من التلفريك
تسلملنا عدستج وتسلميلنا على هالصور الحلوه !

هيه صح ثانكس حياتي ع الورد



Yalla 5oda 7afeZz

.
.
.

[حبوبه دبي]

الحمدلله ع الســلامه اولا

والصــور الصــراحه ماعليهن كلااااااااام

واربيعتــي ماقصرت تراها سايره بعد هالامــاكن وامــراوتني الصــور اللي عندهـا
والله ودي اسيــر هالمكــان ..

تسلميـــــن حبوبه ع الصــور الغــاويه والـورده

والسمــوحه

[محب الحسين]

اللهم صل على محمد وال محمد

الحمد لله ع السلامة

ورحلة موفقة وسعيدة ان شاء الله

نعم ايران بلد انعم الله عليها بالطبيعة الخلابة

كنت هناك قبل اسبوع تقريباً

ورأينا كيف الجبال الراسيات والسهول الجاريات ، واقعاً شيء خيالي!!

كنا نمشي في كلادشت الشمال ساعة شمس ساعة مطر ساعة غيم !!

ومما لفت انتباهي طرقهم في الجبال حيث علوها وانحنائها بشكل يخيف ذوات القلوب الرهيفة !!


وفي الاخير

نقول : جدد الله سفركم ..،

[بحر الموده]

وعليكم السلام ورحمة الله وبركاته

بنت الدلع .. بخير الحمدلله جيف حالج انتى

ماشاء الله على هاى النعمه صراحه اصفهان حلوه وايد

ذكريتينى وايد بهاى الاماكن الجميله جوها بارد منعش

اشوف مسوين انفاق لوووول فيه تطور اول يوم رايح ماشىء هاى الاعلوم

اذكر عندهم حديقه فوق فى الجيل بس مايخطر على بالى اسمها فيها ورود وخضره وبساط مفروش اخضر تقول فراش

يعنى من عقب الظهر لين المغرب تهلك من البرد فيها البروده تستوى مثل الدخان

احيد حطيت يحه فى النهر انطرت من كثر البروده لووووووووووول

على العموم ولا اروع الصور واشكرج جزيل الشكر والعرفان على هذا المجهود

وربى يخليج وماقصرتى

اخوكم/ بحر الموده

[بنت صقر]

رووعه الصرااحه ^_^

انا هالسنه بعد سرت ايراان بس ماسرنا الشمال سرنا شيراز ..
مدحوها لنا بس يقولون انه يبالنا 8 ساعات عسب نوصلها ..

فنااانه والله ^_^ ..
ان شاء الله نزورها فـ يوم من الايام .. وسلمتى عـ الصور ..

[اناستازيا]

الحمد الله ع السلامه يا بنت الدلع ..

الصور ما عليهن زود تسلمين ..

[مــهــابه]

أنــا أشوفــ الوالــد ليش مصــر يودينــا إيــران..
من مــتى وهو يحــاول يقنــع فينــا عسب انروحها..
بس نحن مب راضيـــــــن..

الحيــن عرفــت السر ، بصراحـــه صور جميله..
وماعليهــــــــا كلام.. عيبتني الأنهـــار وايــــد...

أخاف اروح ويستوي زلزال ( تراني نحسه)..

مشكـوره اختي ع الصور..

والحمـدلله ع السلامه..

اختج
هـموم الحب

[عنود الريف]

مرحبا بنت الدلع .. خشمج
اشحالج ؟ نحن بخير الحمدلله ..
الغالية انتي متاكده هاي ايران ؟؟؟
والله انها غاوية .. وعجيبة وانهانها حلوة ..
اسميها المناطق عيبتني والصور كانت احلى ..
انا اخويه يبا يودينا كيش بس كل مرة يغير رايه .. مرة يقول كيش ومرة يقول تركيا ومرة ماليزيا .. ما يستقر على راي واحد ..
الله كريم ..
تسلمين الغاليه على الصور ..

اختي هموم الحب ..
لن يصيبنا الا ما كتب الله لنا ..
وتفاءلوا بالخير تجدوه ..
محد نحس .. ما عليج من هالرمسة ..
انتي عيني من الله خير .. وتوكلي ..

والسموووحه

[بنت الدلع]

الياه
مرحبا ملايين الغاليه
((( خـــــــــوبي )))
خاطرج في الجاي؟؟
خلاص اتريي يوم بسافر مره ثانيه بييب لج
العفوو حبيبتي
هذي الورده يايبينها حق وحده وقالت لي شميها ريحتها واايد حلوة
وصورتها وقلت خلا اهدي اعظاء وعظوات الواحات
عشان مايقولون مايبتيلنا صوغه

====================================
حبوبة دبي
الله يسلمج الغاليه
سيري جوفيها مابتندمين
ترا الصور ماتكفي
والعفو

====================================
محب الحسين
اللهم صلي على محمد وأل محمد >>>> البخيل اللي مايصلي عالنبي
الله يسلمك اخوي
وتسلم على الرد الجميل
فعلا
من يرا الجبال والانهار تجري
يحس بعظمة الخالق
وانت كذلك الحمدالله عالسلامه
===================================

بحر الموده
هلا بك اخويه
بخير ربي يعافيك
هيه والله صدقك
جوهم واايد بارد
صج عجيب
لا رطوبه ولا حر ولا شي
العفو اخويه
صورك كانت احلى

=================================

بنت صقر
هيه الدرب واايد طويل
بس نحن وقفنا عند واايد مناطق
ماحسينا يعني
لان كنا واايدين
سوالف وظحك وأكل ورقااد

===============================
اناستازيا
الله يسلمج الغاليه

===============================
هموم الحب
زين يوم انج عرفتي السر
بس لاتخبرين حد
لوووووول

كل شي بيد الله
يستوي زلزال ولا فيظان ولا نموت ولانرجع بالسلامه
لازم مانخلي هالشي حاجز على حياتنا

================================
عنود الريف
هلا والله
يا مرحبا ملايين
بخير دامج بخير >>> خششمج
هي متأكده ان هذي ايران
عيونج الحلوة حبيبتي عشان جيه اتجوفين كل شي حلو
ماعليج من رمسة الشباب
كل مره بيقولون شي لين ماتخلص الاجازه>>>


الحمدالله ان عيبتكم الصور
الصراحه ردوودكم واايد عيبتني وفتحت نفسيتي>> جيه باكل انا

[العجيبة]

يا سلاااام على هالرحلة الجميلة خخخ

ان شاء الله استانستـي في إيـران ..

شكـرا على الصور الحلوة .. وعلى الوردة خخخ اونه اهداء حقنـا وهي اصلا مب مالج ..

[بنت الدلع]

العجيبه:
احم احم
لازم تفظحينا خلاص عاد استري عالسالفه >>>>>>>> لوووووولز

هيه والله استانست وااايد فيها وشو المغامرات الحلوة اللي استوت
بس بعدين بخبرج >> اونه سر لووول
والعفو حبووبه

[عافك الخاطر]

وعـليكم السـلام والرحمـة..
..
.
ياعيني على المناظر ..!
كله ولا الجرادة.. من زماان مب شايفة جراد
الحمدلله على السـلامـة خيتو..
وان شاء الله استانسـتي وغيرتي جـو..

[عفاريتووو]

عليكم السلام

اول شي حمدالله ع السلامة :)
يقولون وايد حلوة ايران خصوصا الشمال
بس ما توقعتها جي حلوة
ماشالله صدق مناظر حلوة و تصوير احلى
بانتظار يديد صورج
.
شكرا ع الوردة

[بنت الدلع]

عافك الخاطر
الله يسلمج حبووبه
هيه والله استانست واهم شي اني شردت من حر البلاد



عفاريتوو
الله يسلمج ويسلم غاليج
اخجلتي تواضعي