سؤال دار في بالي؟؟!!

[الجنية الحلوة]

..بسم الله الرحمن الرحيم..

.. السلام عليكم ورحمة الله وبركاته..

في سؤال دار في بالي وحبيت اسألكم عنه..


منو منا ما استاوله موقف خلاه يصيح؟؟

منو منا ما استواله موقف خلاه يركض شارد منه؟؟

منو منا ما حس ان الدنيا مسوده في ويهه والدموع بروحها تنزل من عينه ؟؟

اكيد اذا مب كلنا معظمنا استواله جذه..
بس سؤالي هو وين تسير يوم تصيح؟؟وشو تسوي؟؟

انا عن نفسي.. يو اتضايق واحس عمري ابغي اصيح..اسير اترس الحوض ماي وايلس فيه واصيح ..
واذا كنت محتاحه ارمس ويا حد؟؟ ارمس ربيعتي متربيه وياها ومثل اختي وارتاحلها وايد..
بس احب اني اتسبح واصيح اكثر..لاني احس اني واسيت عمري..

وابغي اعرف انتوا بعد يوم تتضايقون والا تصيحون شو تسوون؟؟ ووين تسيرون؟؟


ابغي اجوبه صريحه.. مهما كانت غريبه ..

اتمنى من الكل المشاركه..

والسمووووحه


الجنيـــــــــ الحلوة ــــــــة

[الثعلب الرمادي]

بس سؤالي هو وين تسير يوم تصيح؟؟وشو تسوي؟؟

بصراحة ما احب احد يشوفني و انا قاعد اصيح لانه منظر بشع لشخص عنده كبرياء و عزة نفس اذا كان و لا بد ادخل غرفتي و احاول ابكي بدون صوت يوم تنتهي هذي الحالة القذرة اسير الحمام اغسل ويهي و كل شي يكون انتهى و طبعا هالاشياء يوم كنت صغير و لاسباب مختلفة لكن الحين احيانا فلم سينمائي او مشهد حزين يخلي عيني تدمع لكن هذا الشي اي شخص يقدر يتغلب عليه بدون ما احد يلاحظه لكن البكاء مشكلة إذا كنتي بتبكي انتبه لازم محد يشوفك او يسمعك لأنك ريال

[عنود الريف]

مرحبا الغالية الجنية الحلوة
جواب سؤاالج ..
احيانا هالمواقف تكون مؤلمة .. بحيث انها تكسر كبريااائج ... وتخلييييج ضعيييفة
فانا يوم اصيييح اسير الحجرة .. واخلي دموووعي تنزل لين ما تجف وارتاح نفسيا
بس حجرتي هي اقرب شي .. بس اذا ابغي حد يواسيني .. فاشكي للبحر .. او اكتب في دفتري معاناتي
بس ما اشكي لانسان .. لان الشكوى لغير الله تعالى مذلة .. بس انا اشكي للبحر .. بس ما اشكي لانسان باجر اذا صار شي اتخذ هالشكاوي سند له ضدي ..

اخوي الثعلب الرمادي ..
انا معاك .. ما احب اشووووف ريال بكامل هيبته ورجولته .. يصيح ... لان ما ابغي صورته تهتز في نظري .. لان الريال يقدر يتماااالك نفسه ويتحكم بعواطفه اكثر عن الحرمة ..

تسلمين اختي
والسموووحه

[شمعة أمل]

عن نفسي يوم فيني صيحه وبصيح اسير حجرتي اقفل الباب لو الجو حار يعني في الصيف انخش في الكبت واصيح عشان محد يسمعني لانه حجرتي عدال حجرة ابويه واذا الجو حلو اطلع على البلكونه واصيح .. ومعظم الوقت تليفوني وياي واصيح وارمس ربيعتي :)

بس لو حد في البيت يزعلني ويصيحني اسوي مناحه في البيت
اطلع مبوزه واركب الدري بصوت عالي جي امشي تقولون في الجيش عشان يسوي صوت لانه بيتنا كله صدى بعديين اصارخ ماحبككككككم وابند باب حجرتي بالقو بعدين انقع من الضحك في حجرتي خخخخخخخخ وادش النت
واتريا لين ما ابويه يرد البيت ويوم يرد البيت اصيح عنده وبعدين يشترولي هديه ويراضوني D: ذكــــاء صح؟؟

[حبوبه دبي]

وعليــج السلام ورحمة الله وبركــاته

هممم مافــي شخــص ما مـر بمــوقف خلاه يصيح ولا تدمع عينه !!

والصــراحه حبيت جــوابج وانا احيــانا اسـوي شـراتج

شمعــه امــل : الصــراحه انتي فــن

جــواب الســؤال :

مكــاني الـوحيد يوم احــس بظيجه ولا فيني همــوم وابا اشلهــا من قلبــي ( البحــر )
واحــس بــراحه نفسيه الصــراحه

وتسلميــن ع ســؤالج الفنتــك ..

والسمـوحه

[الـيـاه]

:: الجنيه الحلوه ::


عني انا ادش حجرتيه واقفل الباب >>> وسيده تحت اللحاف ..

مب عسب محد يسمعني .. لاني آوريدي يوم اصيح ما اطلـّع صوت .. تشوفون عيوني مركزه
ع شي وكلها دمووع *بدون صوت * ..


فديتني ! حتى دوم يقولولي ( انتي آخر شي بتنفجرين )
بس الحمدالله من زمان ما اتضايجت من شي << الحمدالله الحمدالله هههه


ثانكس حياتي ع السؤال


.
.
.

[ورديّـه]

بصراحه ما صيح :s الله وكبر علي

بس يوم احرج قوو اباغم واهدد واتوعد عقب اغطس فالماي وارقد اذا انجرحت لول

بس

[جنون امرأة]

نادر ما اصيح ... اكثر شي اعصب .. واذ صحت احب اصيح و انا في حضن اخويه .. عقب ارتاح ..

[مــهــابه]

الصيــــــــاح عندي أنا وايــد منه ، بســ المــكان اللي أنــا ألجأ لــه
وقـــت الحــزن والضيج ، أكيــد هي غرفــتي..
أدخـل الحجره واسكــر الباب وأيلســ اصيح لي مــا أشبــع
عقــب أغسـل ويهي ، وأخلي ملامحـي ترجع شرات مـاكانت..
ولاكـأنه شي صـــــــار...

والمــكــان اللي أحبــه :
البحــــــــــر ، يعــني هالبحــر فضيـــع
يــريح اللي مايرتــاح..بس مب دوم أقـدر اسيره

الجنيه الحلوه..
ثانكـس على هالسؤالــ

هــموم

[كشكوشه]

انا الصراحه ..... اسير اخش عمري تحت اللفراش واصييييييييييييييييي ..
او اني ايلس اكتب في دفتري الخاص
والسموحه

[الجنيه]

شو هالموضوع الجناوي

الصراحه مواقف وايده أتصيرلي اتخليني اصيح وأنا على طولة لساني تراني صياحه نمبر ون ما أحب حد يشوفني أصيح ولا أحب حد يدري ليش أصيح بس أحيانا غصب عني اصيح واكبرمثال الاسبوع اللي طاف سرت السنما أشوف فلم هندي قطع القلب ما قدرت امسك نفسي تميييييييييت اصييييييح واختي تنفتن عليه اونه فضحتينا ..
أوقات كثيره مايهمني من يشوفني اويسمعني المهم اصيح واطلع الي بخاطري ..


الثعلب الرمادي ... ما أحب أشوف ريال يصح منو ما كان أحس دمعة الريال غاليه وما تنزل الا على شي كبير ... انا اذا شفت واحد يصيح عادي اصيح وياه ..
الله لا ييب اليوم الي يبكييك ...

تحياتي الجناويه

[الجنية الحلوة]

.. الثعلب الرمادي..

..انا وياك الصراحه دمعت الريال غاليه.. صعب انك تشوف ريال يصيح..
خاصه نحن البنات نشوف الريايييل مثل الدروع القويه ..
والصراحه ما اتمنى اشوف اي شخص يصيح خاصه لو كان ريال..
والله لا يبكيك.. ومشكور عالمرور انت الريال الوحيد اللي شارك ..


الجنيـــ الحلوة ــــة

[الجنية الحلوة]

.. عنود الريف..

مشكورة اختي عالمرور.. بس الصراحه انا ما احب اكتب الاشياء اللي تضايقني.. لانها ممكن تطيح في ايد حد ما يكون موضع ثقه.. بس حلو موقفج ويا البحر.. والله لا اييبلج هم..


الجنيــــــ الحلوة ــــــة

[الجنية الحلوة]

.. شمعة امل..

ههههههههههههههههه حلوه حركتج.. بس جربتها ويوم سرت عند ابويه ما عطاني ويه ..

مشكووورة اختي عالمرور..


الجنيـــــــ الحلوة ـــــــة

[الجنية الحلوة]

.. حبوبة دبي..

انا كان البحر اقرب شي لي بس الحينه تحولنا والبحر استوى وايد بعيد عن بيتنا.. لكن الحوض موجود دايما فالبيت.. ومشكورة الغاليه عالمرور..


الجنيــــــــ الحلوة ـــــــة