.
السلام عليكم ورحمة الله وبركاته
.
يومـ يكون عندك شخص يعرف كل شي عنـك .. امره كل شي .. هب مغبي عنه ولا شي .. بس فجأة يزعل منك لنك غبيت عنه شي .. انته تتوقعه عادي بس بالنسبه له اكيد لا ..
حسيت في هالوقت انه الدنيا اسودت في ويهيه .. حسيت انيه ما اقدر اتنصخ وقت ما سمعت الرمسه .. لنه الغلط مني انا ..
ليش هالشخص انا اعرف عنه كل شي .. وهوه بعد يعرف كل شي .. ليش غبيت هالشي عنه ليش .. ليش ما صارحته بهالشي .. لو كان شي عادي .. بس يعرفه منك ولا يعرفه بروحه ..
سمعت رمسه من الخاطر هب حلوه بس استاهلها .. ليش انا خبيت هالشي عنه .. ليـش ؟
ما اعرف .. احس بالضيق .. واحس انيه ابغي ابتعد عن هالشخص فتره .. لنيه متلومه .. ما اعرف شو اقول .. ما اعرف شو ارد على كل سؤال ايي منه .. بس في نفس الوقت ما اقدر ..
ليش انا سويت جيه ؟
ليش احس انيه مقصره في حق هالانسان لي جداميه .. يعطينيه يعطينيه ولا يقول بس .. وانا اسوي جيه ..
هالشخص عمره ما طلب مني شي ..
بس كنت احسبه وقت ضيقيه ويايه .. وقت فرحيه ويايه .. وقت ما انا احتاجه حصلته يمبي .. يخلينيه اتفاءل .. صدق هالشخص .. وايد لي غيره في حياتيه .. صدق غيرنيه انا .. !
كنت احس بحزن دايمـ والسبب لسالفه ما اقدر اذكرهــا .. لكـن غيرنيه خلاني غير .. خلانيه اعرف طعمـ كل شي في حياتيـه .. خلانيه احب حياتيه .. خلانيه اعيش يوميه بيومه وانسى لي صار امس .. ليش انا اجازيه بهالطريقه .. بس والله ما كان قصدي .. كنت اتوقعه شي عادي .. بس في نظر من يحبك عود هالشي .. وايد كبير ..
يا ربيه .. والله انيه متلومه .. واعتذرت .. حتى لو انقبل الاعتذار احس بلــــــــوم ..
.
آآآآه يا ربيه صبرنيه ..
.
يا بعد هالدنيا ليه صاحبك تقسى عليه اللي اهدالك حياته وانته مستكثر تجيه ارخص الدنيا لغلاتك واشترى فرحة حياتك لو طلبت عيونه جاتك وانته تتغلا عليه ..
لك حبيب يموت فيك حس به الله يهديك ومنشغل باله عليك وانته ما فكرت فيه .. كنك الماي لضماه وفرحته ولمسة شفاه وانته حلمه في الحياه وانته كل اللي يـبيه ..
.
همسه // ربي يردكمـ بالسلامه للبلاد ..
.
13/8/2005
11.21 مـ
" بنت ابدوي "
رد مع اقتباس
المشاركة الأصلية كتبت بواسطة الحساس
اكيد بيغفرله .. بس
تحياتي ..
مواقع النشر (المفضلة)