احساس مزعج سببه أنا

[بنت ابدوي]

ســــــــــلام عليج بنت ابدوي .. شحالج احينه .. ان شاالله بس خاز عنج الاحساس المزعج ..
تدرين شوو ...

شعورج هذا طيب يدل على انج تحملين احاسيس شفافه .. ولج نفس تتلوم في الناس يوم اتقصرين
افحقهم .. وها شي زين .. زين يوم انج توجهين الاتهام والمحاسبة لنفسج بدال ما انج تحاسبين الناس ..
لانه ابرايي هالاحاسيس بتدفعج للمعاملة الامثل مع الناس دايما ..

احينه قلتي انه الشخص اللي حسيتي ابعمرج غلطتي افحقه سامحج بس انه مايحب انج تطرين الموضوع جدامه .. بس انتي بينج وبين نفسج متلومه فيه .. اختيه اللوم والندم في تقصيرنا فحق شخص ماله حل في حاله وحده بس .. اللي هي موت هالشخص وعدم رؤيته مره ثانيه في هالحياة ...

لكن في حالتج .. ماله داعي تعقدين عمرج وايد وتحسسين عمرج بتانيب الضمير ..
هالشخص اشرحيله موقفج واعترفي بتقصيرج وبينيله غلاته عندج .. وان شاف الصدق بعيونج
مستحيل انه يجافيج او مايسامحج .. وعقبها سكري السالفه وامره لاتطرينها.. وافتحي صفحه ايديده :) .. وانسي الماضي وعليج باليوم وباجر..

والله يحفظـــج ويوفقج تحياتي ..

الغاليه

تدرين

أحلى رد شفته من بين كل الردود وحسيت عقب ما قريت ردج براحه ما تتخيلينهاا ..

هممم

تدرين ودي اشرح له الموقف

بس

السالفه صارت قبل ما يسافر بيومـ وانا دريت انه درى عقب ما سافر .. يعني ما كان موجود في البلاد ..

بس انا حاطه في باليه اني ايلس واشرح له الموقف كله .. وانا اعرف ومتاكده 100% انه بيفهمنيه ..

واشكرج على التواجد لي عطرليه الموضوع

ويا مرحبا الساع