ألتيما والا مورانو

[الجنيه]

السلام عليكم ورحمة الله وبركاته

يا أخواني وأخواتي الجنيه محتاره فديت ألتيمتي ما أعرف محتاره أبدلها بمورانو والا أتم وياها مع أنها ما أتهون عليه فديت سيارتي بس بعد الثانيه فخاطريه شو أسوي أنصحوني شو رايكم أغير موتري والا لا ؟؟؟!!!!
قلبي يقولي لا أتغيرين بس خاطري فمورانو شو أسوي ؟؟؟

أفيدوني

[الحساس]

حكمة اليوم

موراني اكيد في الدرب السديد

[العجيبة]

لا تخلين شي فـخـاطـرج .. خذي المورانو وخلي الالتيمـا وياج ..

اممم التيمـا ولا مورانو مب مهم .. المهم تييبـج وتـوديـج ..

الله يوفقج .. والسمووحه ما مني فايده خخ

[مملوح الوصايف]

إذا في خاطرج المورانو خذيها
يعني حلو الواحد يجدد شوي ما يتم على نفس السيارة
ها رأيي والسموحة منج يالجنية

[ألم ترى]

بسم الله الرحمن الرحيم ..

وعليكم السلام والرحمة ..

دام خاطرج بالمورانو خذيه وعطيني الالتيما ..

صلي ركعتين من غير الفريضة واستخيري ربج والله يسهل عليك امورج ..

ينقل لواحة السيارات كونها الأنسب ..

موفقة بأذن الله ..

[شرجاوي]

بدش عرض ... لا المورانو ولا ال التيما ... خذيلج افالون :d

[ورديّـه]

لكزس إز ذا بيست P:

ما يباله سؤال . خذي اللي في خاطرج وكلهن زوينات.

[شوق القلوب]

السلام عليكم..

صح موول ماعندي خبره في السيايير.. بس يمدحون الافالون... ميزاتها وااايد زينه و بسعر معقول.. :)

[بحر الموده]

وعليكم السلام ورحمة الله وبركاته

.. الجنيه ..

الالتيما والمورانوو والارمادا اسطورة خطة نيسان 2005

والصراحه سيارات ولا اروع انا اشوف الالتيما حلوه وسريعه ومريحه

وسيم سيم المورانووو لاكن المورانوو فور ويل حق رحلات البر ويا العوائل تنفع

ورياضيه ومشايه فى الرمل والسعر على مااظن يبدا من 115 وساير فوق لين 130 فول ابشن

والواحد زين يوم يغير لاكن انا رايى انه ماتغيرينها وتخلينها وتاخذين مورانووو لوووول

لاتنسين اول ماتاخذينها طرشيلنا حلاوه وبارد يكيكي

احب وكالة نيسان وايد واحب مواترها كلها لووووول

تحياتى عاشق النيسان / بحر الموده

[بهجة الروح]

احــم احـــم،،

الســـلام عليـــكم ورحمـــة الله وبركاتــــه ،،

أدري من زمــــــــــاااااان وبعــــــــد من زمــــــــــاااااان ما رديـــت على أي مــوضــوع بس شدني موضوعج

عزيــزتي الجنيـــه ،،

اذا كانت سيارتــج يديده ومــافيها شي فما له داعـــي هالتغيـــر

أمـــا اذا مصممه عالتغيـــر فأقولج لا تاخذين المورانو مش حلوه وايـــد

خـــذي انفينتي fx 45 شـــراتـــي ،، روووعه وشكلها ياخذ العقــــل

وسواقتها مريحـــه

ومواصفاتها حلووه

[المزوحي]

وايد أشياء في خاطرنا، لكن مب كل شي نقدر نمتلكه .. يمكن لظروووف ...
طيب .. كلهم نفس الماكينه ... هاذي صالون وهاذيج فورييل ... مورانو هيبه .. لأنه هالمطلوب هالأيام :)
هممم عندج تبدلين تدفعين الفرق .. مقتنعه ... توكلي ...

[الجنيه]

الحساس

شو هالحكمه العجيبه الصراحه فنانه

العجيبة
كلامج صح حبوبه بس ما أدري أحس المورانو دشت خاطري مع أني أحب سيارتي فديتها بس ما أدري بعدني محتاره ان شاء الله أقدر أقرر وببشركم على شو أستقريت


مملوح الوصايف

صح حلو الواحد يغير أشوي في حياته يعني موتر يديد كشخه

محب الشيخين
ما تغلى عليك الالتيما تعجبك 3.5 اللون أسود رهيبه تعجبك
باذن الله ناويه استخير وان شاء الله يتحقق اللي فبالي

[الجنيه]

شرجاوي
سامعه عنها بس ما دشت مزاجي الجناوي

ورديّـه
عندنا لكزس في البيت ما أحب التكرار
طانتكيو

شوق القلوب
دام هالكثر تمدحونها يبالنا شوفه


بحر الموده
عاشق النيسان أعترف كم يدفعونلك مقابل الدعايه
كلامك صحيح 100% هي عن سريعه تراها سريعه ومريحه جداً بس أنا من الأساس يوم خذتها كان خاطري بـ فورويل وعلى أيامها المورانوا أعلنوا عنها بس بعدهم ما كانن منها في الامارات فأنا عاشقة التهور والتسرع قلت مافيه صبر باخذ الألتيما لظروف الشغل اللي فروه في جلعة أبليس ...
عموما بستخير وفالك طيب بنطرش لك بارد وحلاوه

[الاسطوري]

وعليكم السلام ..

.

الجنيه

.

ربيعي عنده ألتيما وكان يقولي نفس رمستج قبل فترة أنه يبى يغير

سيارته بالمورانو مع أن سيارته ماكملت 6 شهور وأنا

قلت له لا تغير ولا شي موترك أوكيه

ولا تغرك المظاهر

وإذا الموتر فخاطرك أخذه عقب مب الحين ولاتحط عليك

ديون وأنت توك فالبداية وأنا أشوف أن الألتيما

تناسب البنات وايد والمورانو أقل

منها وإذا كنتي مصره

الله يوفقج

.

بس تبين الصراحه أنا ويه اللي قالوا ان اللكزس توب وعن الـ FX 45 صح

حلوه وسبورت وقوية نوعا ما بس يابسه وايد ومب مريحة مثل

اللكزس وسمعت أن الـ 35 موجوده فدبي والـ 45

مب متوفرة إلا فبوظبي واللي في

المعارض أغلبيتهم

للتصدير

وعن الأفالون اليديدة حلوه وفيها مواصفات بس مابتشوفينها لأن الطلب

عليها زايد وحتى الدفعة اللي بتوصل من الحين كلها محجوزة وإذا

كنتي تبين تعيشين حياتج وتستمتعين بالقيادة السلسة

والمريحة والمتناغمة عليج بـ LS 430 اليديدة

وإذا سعرها غالي بالنسبه للميزانية

عليج بالوارد يمشي الحال

وفي مقابل !

.

وبعد تجربتي ويه الـ LS 400 عرفت مفهوم

اللكزس وماغير اللكزس إلا

بلكزس

.

أسوي دعــايـــة

للفطيم

.

الاســـطـــوري

أخوكم

[ألم ترى]

بسم الله الرحمن الرحيم ..

الجنية : يوم بتشترين الموتر اللي فـ بالج علمينا واعزمينا فـ واحة الأكولات ..

ربي يسهل امورك فـ الدارين ..