تعالوا نناقش كل اسبوع قضيه<<< بليييز الكل يشارك..

[الجنية الحلوة]

..بسم الله الرحمن الرحيم..
.. السلام عليكم ورحمة الله وبركاته..

شحالكم.. عساكم طيبين.. انا اليوم عندي موضوع للنقاش..
شو رايكم كل اسبوع حد يطرح قضيه ونناقشها.. واستقبل الاقتراحات.. وبليز الكل يشارك ترا الموضوع مهم..
يعني مثلا هالاسبوع نناقش..
((البنات المسترجلات))
هاذي الظاهرة وايد منتشره خاصه فالمدارس والجامعات..يعني الوحده يوم تمشي ما تفرقون بينها وبين الريال..
عفانا الله..وتقص شعرها بوي..وتمشي وتغازل البنات.. ولبسها لبس اولاد..
..يعني ببساطه ما تفرق بينها وبين الريال..

ويالله ابغي اشوف تفاعل..


والسموحه

الجنيــــــــــ الحلوة ــــــــة

[مــهــابه]

أشكرج أختي الجنيه الحلوه .. عــلى هالحماس..
بس بسألج ( جنية وحلوه ) مايستوي؟؟

المهم..

مــوضوعج جميــل.. ورمســنا وايد عنه .. سوا في بيوتنا مع أهلنا .. أو حتى مع خواتنا
او حتى مع ربيعاتنــا .. لأن قمنــا نشوف هالشي وايد منتــشر .. وخاصة في الجامعات والكليات..
ويعــني حتى ونحن في الكلاسات صرنــا نحس كأن معــانا أولاد..

يــا أختي .. البنـــات في هالزمن مادري شو صاير فيهن..
يعـــني تلقيـــن وحده لابســــه لج جوتي مـال الأولاد
ولابسه كاب ولا بعد فوق الشيله
وبتحصليــنها لابسه بناطلين شرات اللي يلبسوها الأولاد ( الحين الاولاد اطوروا مايلبسون جيه)
المهم
ومشيتها عـــاد ، خوزي عنها ..
تمشي كأنها ترفع أثقــــال.. وأسلوبها..
وأشيا وايد..

بس في ذمتج يـعني ، نحن كبنـــت نشوف هالشي في الجامعات والكليات.. شو بنسوي..
والله لورمسنــا .. بتعطينا وحده كف ..بيرقدن شهر في السرير..

يعــني
( العين بصيره واليد قصير)

بس الشي الوحيد .. اللي نقدر نقوله.. الله يهديهن ويصلح بالهن

ومــادام هالبنـــات يبن جيه .. نحن شو بنسوي؟؟

الله يــكون في عونا ..

اشكرج اختيــه مره ثانية..

وانا وحــده ارحب في فكرتج عسب تزيدون حمـــاس الواحات..

رمســت وايد ..

مع السلامه..

هــموم الحب

[الجنية الحلوة]

منو قالج ما يستوي اصلا انا قريت ان الجن احلى عن الانس..
المهم.. انا وياج في اللي قلتيه اختي هموم الحب.. الصراحه ينخاف من هالبنات.. انا سمعت مره ان وحده بوي شافت وحده وااايد حلوه ماشاالله عليها.. وكانت تحاول تتقرب منها بس البنت مب راضيه.. آخر شي البوي خلت ربيعاتها يمسكون البنت واغتصبتها.. تخيلوا كيف استوى الوضع.. الحين البنت تخاف على عمرها من بنت نفسها..
بس شو نقول الله يهدي بناتنا..
ومشكورة اختي هموم الحب عالمرور..

الجنيـــــــــ الحلوة ـــــــة

[الجنيه]

هلا والله بسميتي الحلوه

هموم الحب شو قصدج يعني أنا مب حلوه ما أحبج زعلانه منج

الله يسلمج هالمسترجلات تعبنا ونحن نرمس عنهن أنا من رأيي العيب مب فيهن العيب من أهاليهن اللي مسرحينهم ومودرين الحبل على الغارب يعني بذمتج هاي يوم تقص شعرها البوي كت وين أهلها ما وراها رياييل يردونها عن اللي أتسويه ما أقدر أصدق أنه وحده أتقص شعرها وهالقصه الخايسه ومحد من أهلها يلاحظ ،،
الدور الكبير في هالظاهر يعود لأنشغال الأهل عن عيالهم ...
ما أقول غير الله يهديهن ويصلح بالهن
يقولج بدينا نتروع منهن أعوذ بالله عني من أشوف هالاشكال أحس ينوني كلهم تيمعوا وودي أكفخها على راسها مثب ما كان الاستاذ يضرب أديسون يمكن يرجعن لدينهن ويعقلن حسبي الله على ابليسهن ...

تحياتي الجناويه

[الثعلب الرمادي]

السلام عليكم ...

أعتقد إن ظهور البنت المسترجلة راجع للبيئة اللي عايشه فيها و احيانا يكون ميول شخصية محد يقدر يتحكم فيها و هي نفسها راضية عن هذا الشي ... الأخت ذكرت ان وحدة من المسترجلات اغتصبت بنت ثانية و هذي بالمناسبة حالة نادرة جدا فمب لازم نتخيل حدوث عملية اغتصاب اذا شفنا مسترجلة في المستقبل .. و شكرا :)

[الجنية الحلوة]

الجنيه..الثعلب الرمادي..مشكورين عالمشاركه..

الحينبما إنا على آخر الاسبوع نبغي حد يقترح موضوع للنقاش حق الاسبوع الياي..
وانشاالله القا تجاوب اكثر هالاسبوع..


بانتظار اقتراحاتكم..

الجنيـــــــــ الحلوة ــــــة

[الجنيه]

شو رايج نتكلم عن المظاهر والديون ...

اذا تسمحين لي ببدى ...

في الفتره الحاليه المظاهر صارت شي لا بد منه عند الكثير ممن يقدرون على تكبد التكاليف وممن لا يمكنهم تكبدها فيلجأون الى الاستدانه من البنوك التي تستقبلهم بكل رحابه صدر فترون العروض الصيفيه تهل من كل جانب والمغريات تتزايد ...
لست أنكر أن السفر يساعد على تغيير النفسيات والجو وأيضا يهيء الفرد للبدء بسنته الدراسيه أو العوده لعمله بروح معنويه عاليه ..لكن لكل قدرته الماديه على تحمل هذا التكاليف ومن يستطيع فهي بادره جميله لكن لنتحدث عن من لا يتسطيع أو بالأحرى ليس لديه الامكانات الماديه لذلك فيعوض هذا النقص باللاستدانه ظارباً عرض الحائط بقيه الديون المتراكمه عليه بل قد لا يكفيه الاستدانه فيرغب ببطاقة إئتمان ...
لم ترهق نفسك وتزج بها في دوامة الديون أ من أجل بضع أيام تقضيها في بلاد الغربه؟؟؟؟ أم من أجل أن تتباهى أمام زملائك ورفاقك ممن لم يتمتعوا بقضاء اجازه ممتعه كالتي قضيتها !!!!

رفقا بنفسك ونفسك
ألا تشعر بالحسره عند استلام راتبك الذي يقتطع بشكل شبه كلي قبل أن يصل الى يديك ؟؟؟
ألا تظن أنك أحق به من البنوك ؟؟!!! ألست أنت من يتعب ويشقى ويعمل ليحصل على أجره نهاية الشهر ؟؟؟
اذن لم ترمي نفسك في التهلكه لم ؟؟؟؟؟

[مــهــابه]

الجنيــة:
يـقولون حشرن مع الناس عيــد...

يعــني هالناس ماعندهم سالفه ومافيهـم عقل
ولا الصاحي مايسوي جيه

[العجيبة]

ههه هذيل رعاة المظاهر ينطبق عليهم : من برا هالله هالله ومن داخل يعلم الله !


شكرا الجنيـاااااااات ..

[الجنية الحلوة]

هيه والله صدقج اختي العجيبه.. من برع هالله هالله ومن داخل يعلم الله.. عيل الحينه الواحد يوم عنده ديون لين ذنيه شله يزيد ديونه؟ حق المظاهر.. عيل يوم بتزيد عليه الديون وما بيروم يسددها وبيفرونه فالسجن.. هاذيج الساعه بتنفعه المظاهر.. يا اخي سدد اللي عليك اول.. والله..

ومشكورة اختي العجيبه على طرح هالموضوع..

الجنيـــــــــ الحلوة ــــــــة

[اخت اختي]

أتمنى النقاش الياي يكون عن "التمليك"... شو رايكم في تمليك الأراضي؟