لــيش نخدع اعمارنا ليش

[سبانش مان]

هيه ليش نخدع نفسنا ليش؟؟؟

هذا الواقع.. خلاص اختربت الدنيا وماعاد فيها امان

اليوم اسمع ان بنات متحجبات مايظهرن من البيت الا محتشمات.. فاحت الخبايا الي يسونها بانها يظهرون مع اغراب شباب ويرقدون معاهم ويسون الاشيا الي الانسان مايتخيلها.. والغريب ان الكل يشهد لهن بالاخلاق ليش ياربي ليش جي غدت الدنيا

صرت والله اشك بكل بنت لابسه ومحتشمه او متفصخه.. صارن كلهن سوا.. ماعاد بالدنيا امان.. اذا بتزوج هل بشك بزوجتي او لا.. شاب الشعر من كثر الاخبار هلك العقل من كثر التفكير.. ليش يا بنات جي تبيعون شرفكم بارخص الاثمان .. ماتخافون ربكم؟ مافكرتوا باخرتكم.؟ ليش .. ابا سبب واحد يقنعني بس واحد..
كل انسان له مشاكل كل انسان له مشاكل مع اهله بس هب معناه ان بسبب المشاكل نصيع ونخترب..

والله الاخبار الي يتني اليوم تصعق.. عفت الدنيا.. ماابغي اظهر من البيت ولا اشوف السارع احس خلاص تعقدت من الدنيا ماحس فيها حد شريف الا معدودين على الاصابع

اااااه خلاص انا تايه.. احس نفسي وحيد وحيد بدنيا احسها غدت لعبه بيد البشر

حرام والله حرام

الله يهديكن ويهدينا

[ورديّـه]

أنت جم عمرك ؟

ماله سبب السؤال بس ابا اقولك يوم توصل لـ سن معين من حياتك بتعرف منو الشين والزين وحتى اللي لابس قناع بتعرفه وتقول ها لابس قناع !

والطيبون للطيبات ها تأكدوا منها والخبيثون للخبيثات . ها نصيب كل واحد وصدق الله العظيم

شكرا ع الموضوع

[الجديدة]

السلام عليكم و رحمة الله و بركاته
الأخ سبانش مان
مش كل البنات متشابهه ، و مش كل متحجبة لها هذه النظرة
و الله يهدي جميع المسلمين و المسلمات
شكرا على الموضوع

[عزيزه النفس]

a9aab3 2eeedk moob swaa

w mooob kl albnaat chee
w ma y7taay tgool 3an alkl chee
allah yhdeek

[ورديّـه]

ليش يا بنات جي تبيعون شرفكم بارخص الاثمان .. ماتخافون ربكم؟ مافكرتوا باخرتكم.؟ ليش .. ابا سبب واحد يقنعني بس واحد..

وعلى فكرة انت أهنتنا بـ هالرمسة

!

الساكت عن الغيض أبرك

[حبوبه دبي]

لا تعليـــــــق

مشكــور اخــويه ع الكــلام

[أحلى منصوري]

الله يهــدي الجميــع ..

[خيال الروح]

.:. السلام عليكم .:.

أخوي صبوع ايدك عمرهن ما كانن سوا ..
ولا تعمم انه كل البنات مب أوكي
.. في الزين وفي الشين ..
مب بس البنات الى اختربو حتى الشباب ..
وبصراحه ( بعض الشباب) هم الى فاتحين المجال حق هالاشكال تطلع
:...:
:
والله يهدي الجميع
:)

[عافك الخاطر]

السـلام عليـكم ..

خيّو..

ترى الدنيا فيهـا الشـين وفيهـا الزيـن ..

وانت المفروض ما تقيس تجربة وحدة شفتها على باقي المجتمـع اللي عايـش فيه ..

لازم تقتنع بفكرة انه كل انسان في هالحياة عنده ايجابيات وسلبيات . لما تقابل انسـان - اياً كان جنسه - لازم تحط في بالك انه عنده سلبيات وعنده ايجابيات ، ولا تصب كل تفكيرك على سلبياته ؛ لأنك راح تتعب ، انا ما اقولك تغافلها ،لكن حاول اتغيـرها، مب تتذمر واتقول والله الحياة ما فيها خير و الناس اختربوا.. ترى في كل مجتمع لازم يكون فيه ناس يغلطون .. وهم محتاجين لحد يرشدهم ،أكثر من انه يحبطهم او يحملهم مسؤولية خراب هذا الجيل..

..

.

صح هذا الواقـع..

وصح شي بنـات شينـات ..

لكن انت برايك اذا تمينا حاطين ايدنا ع خدنا وتمينا انقول خلاص كل البنات جي ، انا ما بتزوج.! جان محد عرس.! ولا استمـرت الحياة ..

يا اخوي لا تشوف الحياة بهالنظرة التشاؤمية .. وكل واحد ياخذ نصيبه في هالدنيا ،مب شرط اذا فلان ما اتوفق ويا حرمته ،معناته انت بيستوي بك نفس الشي .. لا ..

اتعوذ من ابليس وشيل هالأفكـار من راسـك ..

وادعيلهم بالهداية ..

:)

والله يوفق ويهدي الجميـع..

والسموحة..

[خنفروش]

الشك مرض عمره ما بنى بيت \ الحكم على الكل بسبب افعال البعض (( ظلم ))

و السؤال الاصعب الي دايما ينطرح و بقوة \ كم عمر تجربتك في الحياة ؟ \ لان حتى الحكماء الي شبهوا المراة بالشيطان جتهم مواقف اثنوا على بعض النساء و وصفوها بالملاك

صحيح القصص كثيره \

بس قل لي عن قصه فيها بطولة منفرده يعني مافيها بطل و بطلة و حط تحت البطل خط بالاحمر \ فإذا كان في مفهومنا ان العار يلحق في البنت بس \ فالعار يلحق في الشاب بعد (( خففنا عليه و الا ما خففنا استانسنا لبطولاته والا زعلنا - نعم في عار يلحقه و زياده قصاص كما تدين تدان و و و )) بس المشكله ان مفاهيمنا اصابها المرض من زمان مو بسبب المجتمع وحده ولا الاعلام و حده ولا الافكار الشخصيه وحدها (( طبعا النسبه تختلف بين الاثنين ))


و عجبتني عبارتك الي هي مو بسبب المشاكل نصيع و خترب كلامك صحيح مليون بالميه \

بس هذا كلام العقل اما العاطفه و النفس و الشيطان فما ايقولون هالكلام \ النفس تتعلم من المشكال العائليه طرق متخلفه للتعويض عن نقص الحنان و الحب و النفس تعرف تثبت ان الي تسويه عشان الفلوس مب عشان المتعه لالالا انتي محتاجه اهلج محتاجين و الناس و الدنيا ما فيهم خير بيساعدونج مب عشان المساعده لالالا عشان اشياء ثانيه و الشيطان يعرف يقنع بأن باب التوبه مفتوح والا هي مكالمه في التيلفون (( منو بيعرف انج اترمسين .... محد )) و الشيطان يعرف يكبر فكرة الزواج عن حب و يخليها قصة من قصص الف ليله وليله و تكتشف شهرزاد ان شهريارها فص ملح و ذاب و تركها بين الالم و العذاب


كلام فخاطري و قال بظهر قلت له تفضل و السموحه حبوبي اسبانش مانو

[الغاليه]

اتفهم شعوورك واحسبه لانه يوم من الايام انتابتني نفس الهواجس اللي يتك .. لكن الفرق

انك اتوجه اتهاماتك للاناث .. في حين وجهتها انا للذكور ...

كلامك اللي قلته صحيح لكن ماوصل لدرجة التعميــم او عالاقل خلنا انقول ماوصل لدرجة انه الأغلبية ينطبق عليهم اللي قلته .. وان كان مافي تدارك لحل هالمشكلة او تقويمها يمكن انه اعدادهن اتزيد .. لانه مثل مايقول المثل السمجه الخايسة اتخرب باقي السمج ..

مب زين لك تحصر افكارك بوهم انه جميع بنات حواء هم فاسدات .. لانه شي مب صحيح.. ولانك بعد بتكون المتضرر الاول والاخير من هالأفكار .. والوهم مرض حاول اتخلص عمرك منه ابسرعه..

قد تكون عايشت بعض القصص او سمعت عنها .. واستغرقت هالأفكار في عقلك وطريقة
تفكيرك بحيث انك قمت ماتثق في الاناث و هالحكم ظالم في حق اللي بتتعامل معاهم ..

بقولك شي اخويه .. لاتقول انك ماتقدر اتفرق بين الزينه والشينه .. المعدن الطيب لازم انه يظهر
البنت تنعرف من اسلوبها وطريقتها ومواضيع كلامها واخلاقها.. .. الحشمة الخارجية مب دليل
على صلاح البنت .. قد تكون محتشمه خارجيا وهي ...... ,, لكن الأخلاق الطيبة مع
الاحتشام والحياء غالبا ماتكون دليل على صلاح الفتاة ..

الزين زين والشين شين ..

[قمره]

شوووووو هااي الرمسه ... شووووو هااي الرمسه ..


الحينه اخويه بتخبرك عندك خووات ... اوو عندك بنات ..

بس جاوبني ..


والله يسامحك بس ..

[بنت ابدوي]

الله يهدي الجميـع يا ربيّـه

بنات و شباب

.

لين متى نرمس في هالمواضيع ..

والله

انه اذا اعتدل كل واحد و كان عنده الوزاع الديني ويخاف ربه ما صار كل هذا

لأنه لي بيخاف من ربه بيخاف من عقابه بعد

.

" بنت ابدوي "

[الثعلب الرمادي]

أخوي كل شي ممكن يصير في هالحياة نحن في بداية عصر جديد و كل واحد يسوي اللي يعجبه اللي يريد ينحرف عن القيم أو يكون مستقيم كل شي متوفر و بعدين البنات اللي ذكرتهم في موضوعك عندهم هوس جنسي يعني مب ذنب البنت يمكن شي ورثته من امها او ابوها او هي بنفسها طورت عندها هذا الشي البنت تستحي اوكيه بس بعد عندها هوس جنسي و طبعا هذي حالات فردية و مب لازم نعممها على مجتمعنا المحافظ في مغازل صح بس الممارسات الجنسية محدودة و ما وصلت لمرحلة إنها تكون ظاهرة.

أخوي لازم تتقبل كل شي حتى لو سمعت أن ياهل كان يسوق سيارة سكايلاين جي تي آر في سبيك 2 آر 34 و أنه دخل الدوار على سرعة 290 و سوى الدرفت حتى طلع السيارة من الطرف الثاني للدوار و كانت سرعتها 280 لازم تصدق هذا الشي :)

[الوفية]

يعني انت أحينه تشك في كل اللي حوليك..جي مابتعيش والله..

بعدين ترى في الزين والشين,, ومب كل البنات نفس الشي,, عشان سمعت هالقصص حكمت عالكل.. ترى حكمك كان غلط×غلط