..رمســـــــــة العــوامــر والمنــاهيـــل..

[دمعة شوق]

الســــــــــــــلام عليــكم ورحمة الله وبــركاته

وشحالكم علومكم ربــكم بخيــــــــــــــر

عاده اليوم يبتلكم رمسة غير غير

رمسه أنا أعيبـــها حيل حيل

...

ومغـروم للي ما يعيـبهــا

...

يبت كمن مصطلح لـ العــوامر والمنــاهيل

وأتمنى أنكم تستفيـدون

..

نيهاا .. ني = أنا

انهمي ..ازقري = نادي

ارواح = بنسير

مغرومه .. مينونه = خبله

رحيمه = حلوه

فارقي.. جلبي ويهج = مع السلامـــــــــه

لويش .. ليش.. غـلي = لماذا

أها.. هيه = نعم

متفيجه.. متبرضه = فاضيه

( الكــل يـقولـها )

خزله = مزحه

خرون = لا تخبرين واسكتي

طر = حلوه واااااااااااااااااايد

الباعر = البوش

وخري .. لزي = قومي

تعيب = تحب

ذيه =هاذي

ذيكي = هذيج

كذي = يعني هالصوب او تاشيره

هميني.. مديـلي = بوسيني

ماكهلك = ماحبك

ياطر يبي = بطر ثيابي

غليه = علامة تعجب أو ليــش

ويش = شو

بغيتي .. بيــتــــــــــي= تبين

ختيه = اختي

وتشتهر رمستهم بالشين آخر الكلام ..الله يخليهم

عني فداهم و سد عوقهم

يالله وسمحـــــــوليه على القصــور

بس حبيت أحطلكم كمن معلومه

ووسمحوووووووليــــــه

...

السمووووووووووحوووووووووو ه

حقــوق الطبــع محفـــوظه لدى دمعة شوق

[دمعة شوق]

حبـــيت أقولكم نيــها هــب عامريه ولا منهاليه
بس أعيب برمستهم
...

واللي عنده أي استفسااااااااااار يتفضــل
واللي أقدر عليه ترانيه بقولكم
....

السموحوووووووووه

[عنود الريف]

يا حي الله دمعة شوووق ..
انا لو حد يرمسني بهاللغة نص رمسته ما بفهمها ..
ما عليه ومنكم نستفيد ..
انا عندي اهل في العين بس مب عوامر ولا مناهيل ..
بس يقولون نيها .. وني .. يعني هذيل اعرفهم ..
اما الباجيات الصراحة صعبات ولا اعرفهن ..
على العموم ..
تسلمين الغاليه على الموضوع الطيب
والسموووحه

[قلوب دبي]

ههههههههههههه
الصراحه رمستهم عجيبه مره اتعرفت على عامري في المانيا
و الحبيب يرمس هالرمسه الفرعونيه خخخخ قصدي عامريه
و يقول علويش و انا مب ميمع ثره الريال ايقولي شحقه
من يرمس عادي قبضت و من قام يشفر خخخخ خبصت وياه
بس الصراحه حلوه
تسلمين دمعه شوق

قلوب دبي

[ملك]

اشكر فنج

تعيبنيه رمستهم

:
اختج

ملك

[الشوق]

تسلمين يالغاليه
على المعلومات الثريه
كانت عندي صديقه منهاليه ... اتذكر كانت اتقول حق اللحاف اسم غريب .. ماعرفته
وولو اتذكرته بقولج اياه .. بس اسمه غريب ..
اذا عرفتي خبرينا ..

وتسلمين يالغاليه
تحياتي لج/ الشوق

[بنت ابدوي]

آآه يعلنيــه هــب بلاهــمـ يا ربيّـه

.

دمعـة الشوق

.

ثرج مره ييتي على العوق ..

ربايعيــه اغلبيــتـهـن عوامر .. حتى صرت ارمس شراتهـن عندهــــــــــن

رمستهــن تجــنــن .. !

فديتهن والله اشتقتلهــــــــــن

.

وان شاء الله بزيد على اللي لي حاطتنــه

.

ويا مرحبا الساع

[فدا خورفكان]

انا لو حد رمسنـــــــــي بهالمفرداااااااات ماراح أفهـــــم شــــــــي..
بس رمستهـــــــم فـــــن>> حلــــــــــــوه<<

[مــهــابه]

اول مـــره أعرف أن العــوامر والمنــــاهيل .. يرمســـون جيه..
انـــا اتحرى أنهم شراتــــنا...

في كلــــــــــــمات كلنـــا نرمس مثلهـــا.. وفي كلمــــات أول مره أسمعهـــــــا بصراحه..

[سفير الخيال]

هيه ما شاء الله عليهم...

أنا رفيجي عامري وامطفرني .. كل يوم ويظهر لي كلمه

وهم طيبين ربي يحفظهم... :)

تسلمين على الموضوع إختي الكريمه..

[الـيـاه]

:: دمعة شوق ::

والله توني ادري :crosseyed.. حسيت عمري اتعلم لغة يديده !
انزين بقولج شي ..

نيها اعيبج لانج رحيمه وطر وقلوب دبي مغروم بالقو <<< ههههه بطلوا الشفره ..


ثانكس حياتي ع الموضوع العجيب
والله عجيب \ عيبتني السالفه ..

انزين علويش شسمه هاذاكي > ما ارمسكم بس ابا اجرب خاطري اقولها هههه
بشرد انا قبل ما اتصفـّع

.
.
.

[الجنية الحلوة]

الصراحه ر مستهم عجييييييييييبه... انا ما اعرف حد من المناهيل ولا العوامر.. ولو اعرف ما ادري كيف بنتفاهم..خخخخخخخخ..
مشكوووووووووورة اختي شوق على هالمعلومات علشان لو تعرف على عامريه والا منهاليه اعرف اتفاهم وياها...

الجنيـــــــــــــــ الحلوة ــــــــــة

[دمعة شوق]

يـــ حيـــــــــــــــــبج وسهــلا والله

عنــودي .. وحياتج انا جي اول ماتعرفت على ربيعاتيه العامريات
جي اتم فاجه ثميه لين ماخذيتليه دورات عامري

بس بصراحه رمستهم طــــــــــرررررر
يالله ومشكوره علني فداج على الرد الطيب
وماتقصرين طويلة العمر
...

ربي يحفظج

[عنود الريف]

هيه يا أختي عادي ..
أنا أقوولج اللي يشوفني .. ما يشوووف غير علامات الاستفهام على راسي ...

[عيودة90]

حلوووووة ابصراحة لهجتهم