أولادنا من الولاده الى السنتين

**دقني بنقع** · 29-08-05 ||, 01:41 PM

هلا واغلا بديج الفريج .. ما شاء الله عليك .. مهتم بامور الاطفال وتقرى كتب ...

يالله عقبال زوجي .. اتمنى يقرى كتاب واحد بس عن التصرف مع الاطفال .. يقولي قراية هاي السوالف حق الحريم

يا فرحت حرمتك فيك ...

المهم يا ديج الفريج انا عندي لك سؤال .. انا بنتي عمرها5 شهور ويومين .. وتقوول بابابا و دادادا وانت تقول البيبيهات ينطقون هاي الاحرف من السادس .. كيف جي ؟؟؟

وبنتي مب اجتماعية يعني تصيح من ندخل مراكز ولا بيت ناس .. وانا حابة اخليها تودر هاي العادة .. شو اسوي .. ؟؟

مع اني ما اهتم لتصرفاتها واوديها مراكز وعزايم واختلط فيها مع الناس .. بس مافي فايدة .. من ندخل تفتح حلجها وما تسكت ولا ترقد اليما نطلع .. دورلي حل الله يرضى عليك .. وشو تفسر تصرفاتها

للعلم ان نحن ساكنين في شقة رواحنا ..

**ديج الفريج** · 30-08-05 ||, 01:36 AM

دقني بنقع
[glint]

احب اشير لنقطتين في ردي هذا
وأتمنى انج اتركزين وياي

[/glint]أولا بالنسبه لزوجج : الناس أنواع وطبايع
جايز انتي اتحبين تلقي المعلومات بالقراءه ومب شرط زوجج يكون مثلج ، بتقولين عشان خاطر البنيه وبقول لج لأ الريال بطبعه عقلاني والحرمه عاطفيه عشان جي انتي اهتمامج موجه نحو الطفله

عندي لج حل ثاني .. اذا كان زوجج يحب سماع الأشرطه بعطيج عناوين ممتازه والتسجيلات الاسلاميه مليانه أشرطه تربويه وبعد مجلة الفرحه عندهم توصيل للمنازل وبصراحه أشرطتهم ما عليها كلام

ثانيا بالنسبه لبنتج : أنا كتبت فوق " يراعى الفروق الفرديه بين الأطفال " والفروق الفرديه هي ان كل طفل يختلف عن الثاني ، في أطفال يجدمون وفي أطفال يأخرون مثل المشي مثلا

أنا مب استشاري أطفال لكن بعطيج معلوماتي اللي أعرفها
أنا أهنيج على صياح بنتج

انتي اتشوفين انها مب اجتماعيه وأنا أقول لج ماشاء الله ولاقوة الابالله البنت في غاية الذكاء
هذا دليل على انها اتميز الناس اللي تعرفهم من الناس اللي ما تعرفهم
وهذا دليل على ان بنتج طبيعيه 100%
ان الله عطانا عمر واستمرينا في الواحات تعالي بعد 5 شهور وقولي لي بنتي الكل يحبها لأنها حبوووبه

[blink]
تابعيني فالياي لأنه مهم
[/blink]