ماهي المادة التي ليس لها لزوم ؟؟؟

[مجرد إحساس]

بسم الله الرحمن الرحيم



السلام عليكم ورحمة الله وبركاته ...

موضوعي باين من عنوانه

شو المادة اللي تشوف انها مالها اي لزمة بالسنوات الدراسية ...


انا صراحة أشوف

الكيمياء + الرياضيات ... بس الرياضيات ممكن انا نحتاجها في بدايت مشوارنا الدراسي بس انها تضل معانا لين آخر سنة .................. هذا اللي ما له معنا ....


أما الكيمياء .................. بإختصار ... ما لها لزوم ... بس ممكن ان نأخذ عنها نبذة عسب نعرف العلماء المسلمين المتخصصين بالكيمياء .................. بس مو كتاب كامل نصه ما ادري من وين كاتبينه ...


هذا رايي ... لا غير ... مع إحترامي لكل المواد الدراسية ...




أنتظر آرائكم ...









...cooming soon
العودة إلى المدارس...

[الدلووووعة]

ياخويه انا بالسبه لي الاحياء لني متعقده منها

لا شو الرياضيات مهم والكيميا بعد
بس يمكن الكيميا حق الادبي هب مهمة لنهم اصلا ليو كانو
يبون الكيميا جان من الاساس دشو علمي ولا وحليلهم السنه بيزيدلوهم
الاحياء ربي يعينهم مساكين

وتسلم اخويه عالموضوع

[همس الوجود]

هممم اناا اشوف الأحياا والكيميااا لو يشلونهم احسن اتخيل احين بسير الثنويه عامه وادبي وبيزيدوناا احيا وكيمياا o_O اففففف صد قهر لو يشلونهم احسن احناا ادبي وشو نبغي بالمواد العلميه ..؟!؟!؟!

[العجيبة]

لااااااااااااا للفيـــزيـــااااء و التـــاريـــــــــــــخ

[خنفروش]

(( كل المواد مالها اي داعي الافضل يعطونا طبول و يخلونا اندق معلايه فكل حصه و المدرس عليه يسجل الغياب وبس\ او انهم يعطونا كمبيوترات و يخلونا اندش النت عشاااان انشوف شو صاير في العالم من خلال مواقع الشات و المنتديات و بهذا بنتخرج من الثانويه على الجامعه طبالين او مدردشين و بنتأهل لمسك مناصب كبيره مثل مايستروا فرقة عبود خوصه والا ادمن شات بن دبي )) مجرد رد يشبه المقدمه و السموحه

[شوق القلوب]

خنفـــروش...

كفيــــــــــــــــــت و وفيــــــــــــــــــــــ ـــت

[ابتسامة الروح]

من رأيي إن أهمية كل مادة تعتمد على الشخص نفسه
لأن باختلاف الشخصيات تختلف الميول و الطموح

ومن رأيي التاريخ ما احبه و لا له داعي يدرسونه ويعورون راسنا به

[مجرد إحساس]

مشكوووورين


على


التفاعل ...

[نجمة دبي]

انا اشوف الكيمياء ماله داعي ندرسه .. ما نستفيد منه شي .. مثل ما قال اخوي امير القلب ( نأخذ عنها نبذة عسب نعرف العلماء المسلمين المتخصصين بالكيمياء )

ويا ريت لو يحذفونه لنا .. وايدين يرسبون بسبب هالماده .. وحرام عليهم يعيدون السنه عشان كتاب مب مفهوم ..

انا الصراحه ابي ادرس في مدرسه خنفروش الخاصه .. احس اني بطلع الاولى عالدوله ..

تسلم اخوي عالموضوع القيم ..



نجــــ دبي ـــمة

[مجرد إحساس]

تسلمين " نجمة دبي "

على الرد


وصدق حرام الواحد يعيد السنة بسبب كتاب مب مفهوم ...

ومشكوورة

[مزن هتان]

انا اشوف ان الكيميا ماده مالها لزمه

واللي يقول عن التاريخ ماده مالها لزمه بالعكس هي تعرفنا على تاريخنا

و ابي اقول حق خنفروش سجلني فـ مدرستك شكلها ترتبيشن

[مجرد إحساس]

مشكوووورة " مزن هتان "


على المشاركة


واشوف كل الأعضاء يبون يسجلون بمدرسة " خنفروش "

!!!

[أوتار القلب]

انا ماعتقد ان شي ماده مالها لزمه

بس اعتقد ان اضافة الفيزيا و الاحيا و الكيما للأدبي حراااام صراحه

ما يسوى عليهم جان دشوا ادبي

تسلم اخويه

[مجرد إحساس]

والله صدقج

ما أدري ليج كل هالإضافات ...



على العموم

مشكووووووووورة على المرور والمشاركة ...


وتسلمين ...

[بنت بوحميد]

انا بصراحه اشوف كل المواد مهمه

بس لو يشلون اشياء من مادة اللغه العربيه بيكونون ريحونا نحنا اللي فالعلمي

ويخلون اللي فالادبي يدرسونها

لان والله وايد تعقدنا من هالفوائد الادبيه

والسموحه