أسواق المال و المجتمع ( بسكم حشرتونا )

[قلوب دبي]

اتمنى

اسواق المال و صرعات الموضه الحديثه في احضان التطورات السريعه و المذهله التي نحاول
ان نتلاحقها ولكن الركب سريع جدا و الحياه بذاتها سريعه فأين نحن من هذا السوق ، صحيح ان
الجميع يسعى للكسب منها ، بدايتها تكون رائعه وجميله وبمجرد الدخول فيها نرى المشاكل تبدأ
تخرج بين افراد الاسره الواحده ، بين اقرب اثنين ، تنهار صداقات دامت سنين بسبب خلاف على
مال مشترك في هذا السوق ، نعم لا ننتقد السوق بشكل عام فله ايجابياته كما ان له في المقابل من
سلبيات و كما تفضلتي الله يكون في العون ..
تسلمين على حضورج و تعقيبج الكريم ..


الحساس

حواراتهم و سو الفهم من السلام عليكم الين مع السلامه مجرد حلقه دائريه من السوق وا لى
السوق المالي ، من الاسهم و الي الوسيط المالي و العكس ، نسبه الفائده و الخساره ، المؤشرات
اليوميه ، تمسك التلفون و تريد اطالع شيء يسألك اربيعك اللي حذالك شو اطالع الاسعار الفوريه
للبورصه ، الصراحه الناس تخبلت برايه انها موضه واتمنى انها تعدي بسرعه و على خير يا رب
لانه قمنا نمقت اعمارنا لانه السوالف كلها دايره في هالحدود ، التيبيب مب شيء يديد على البورصه
و الحريم الركن اللي مسويلهم الصراحه يضحك ، والناس اللي يوقفون في السوق شيء عجيب منهم
من يوقف الا جي بس و منهم من يجابل الشاشات و شاد حيله ..
الله يسلمك من الشر شيخي و تسلم على تعقيبك الكريم


الجديده

الاميون و البسطاء قد يكونون الضحايا في دوامه البورصه ، لما تحتويه من اغراءات و ما تجاريها
من ملذات الكسب ، قضا و مواقف واقعيه و كما سردت الواقعه و غيرها الكثير و الكثير ، سرقات و
قضايا من وراء الكواليس و منها ما يظهر امام العامه و هنا لابد من اخذ الحيطه و الحذر في التعامل ،
ظهور الشركات الجديده الى السوق اي بمعني عرضها للاكتتاب فهذا قد يساهم و بشكل كبير في
الحصول على كسب من جراء شراء اسهم الاكتتاب و الامر مختلف عند شرائها من السوق المالي ..
العفو ختيه و تسلمين على تعقيبج و مداخلتج الطيبه


قلوب دبي

[الـيـاه]

:: خيال الروح ::

لا عزيزتـي بالعكس حلو النقاش والاختلاف بالراي وارد !

وسهل الواحد يتقبله منج من *ادبج* فـ الـرد ..

يا اختي انا ابدا ً ما قصدت اني امنع الناس تغير من وضعها الاجتماعي

ولو تقرين ردي عدل بتفهمين شو قصدت ..

واصلن بينت هالشي يوم قلت

(النوع الاول : اللي وضعه الاجتماعي ضعيف > مب عارف وين يدق براسه

هو بيأكل عياله من الراتب والا بيدفع الاقصاد اللي عليه والا بيسدد فواتيره !)

يعني بالعكس انا بينت هالشي ومعاهم الحق

لان سالفة الاسهم اسهل حل لهم ..

ويوم قلت فـ اخر الـرد

(الله خلق الناس طبقات .. ارضوا باللي الله كاتبنه لكم)

قصدت الناس اللي غالبهم *الطمع* اللي دايما ً يفكرون بنفسهم وبالبيزات

وهالشي بعد ذكره اخويه ( قلوب دبي ) فـ اخر الموضوع

وقلت انهم

( بس بعد في من الناس حتى لو مب محتاجين .. يبون البيزات تزيد والسلام )

كنت اقصد هالناس .. وياريت يكون رايي وصلج هالمره باللي كنت اقصده ..

:: عيون الوله ::

اعتقد ردي لـ الاخت ( خيال الروح ) كفا ..

والحمدالله انا مب مفتقره من *الماده* لكني افتقر لنوع معين من الطريقة *فالكلام*

وهذا اللي عندي ^_^ .. وما اقدر اقولج شي ثاني

وارد بنفس الطريقة المحترمـه والذربـه اللي تفضلتي فيها :)

وسمحولي

.

.