أسواق المال و المجتمع ( بسكم حشرتونا )

[خيال الروح]

السلام عليكم

موضوع في محله .. ووقته

لأنه الكل صاير يتكلم عن الأسهم هالفتر

وما شاء الله الأعضاء ما خلو شي ما قالو

فما حبيت أعيد نفس الرمسه

بس بغيت اعلق على جمله قالتها أختي الياه

الله خلق الناس طبقات .. ارضوا باللي الله كاتبنه لكم

اوكي ما اختلفنا على انه الله خلق الناس طبقات

بس هذا ما يمنع انه الواحد يحاول يحسن من وضعه المادي

ويأخذ نصيبه في الدنيا

يا ما ناس كانوا فقرا وبسعيهم وجهدهم صاروا من الأغنياء وتحسنت حالتهم

:...:

:

بنفرض انج من طبقه الفقرا

وعرضو عليج فكرته الاسهم .. وسمعتي انه كثير من الناس استفادوا منها

هل بترفضين وبتمين على طبقتج وبقولين هذي طبقتي وأنا راضيه

وما أريد أحسن من مستواي المادي

:

:...:

صح انه الواحد يرضي بالي الله كاتبله اياها ... بس هذا مب معناته انه الواحد يتم محله

وما يسعى للأفضل ..

......

وأتمنى انه ما تأخذين الرد بحساسية

والسموحه

بروح ارقد

..

[عيون الوله]

يزاك خير اخويه قلوب دبي على الموضوع الجميل

كلنا اصبحنا نرمس عن هالموضوع وعن هالاسهم والسندات

حياتنا كلها صارت بيع واشتر



تعقيباً لرد الياه
لو تكرمتي اختيه بغيت أسالج؟؟
هل سوق دبي المالي فاتحينه لفئه معينه ولا لكل الفئات؟؟
اذا انتي من الطبقه الفقيره شو نسويبج...عادي استثمري بقد اللي عندج...
شوفي الهنود والزلمات ما شاء الله عليهم حتى لو بألفين يشترون
سوي شراتهم وما بتخسرين....

..

اونه الله خلق الناس طبقات باد ايشو