أسواق المال و المجتمع ( بسكم حشرتونا )

[قلوب دبي]

شوق القلوب

اجتاعت و تعدت نطاق الحدود ومب بس خان روحه اللي يرمس و يريد التوسع ، بل
اغلبيه الناس اللي هم خارج الدوله ، كان واحد من الربع في صلاله من يومين راد ،
و جاه رل من دوله خليجيه و تم يسولف معاه و يسأله اخبار الشركه الفلانيه ، و السهم
الفلاني ارتفع و الفلاني نزل ، و الاكتتاب للشركه الفلانيه اخر يوم هذا و التجزئه بتكون
لهاي الشركه و الصراحه شي طيب ، عنده العلوم والاخبار يمكن اكثر من هل الدار ،
و هنا صار التلاعب عن طريق قيام الاجنبي بالشراء عن طريق المواطن مقابل نسب
محدوده للاسف ، و اذا عملها المواطن و شل الفلوس و شرد ، خلاص خلهم يتمون ايصيحون،
الكسب السريع و متاهاته ، الدخول في عالم الصعود و الهبوط من هذه الاسهم ، كذلك من غير
الدراسه او الدرايه التامه على الاقل و هو اضعف الايمان انه ما يجازف في امور توقع فيه بالنهايه .
شاكر لج تعقيبج و تواجدج الجميل



خنفروش

في عالم تداول الاوراق الماليه و على كثره العمليات التي تقوم بها الشركات الكبيره من
توريق مواردها الغير سائله الى اوراق ماليه سائله قابله لتدفق ذات عائد و يتم تداولها و
رغم العمليات التي اتصير في الكواليس و ايضا الظاهر من تلك العمليات ، قد يلعب كبار
المستثمرين دور بارز في رفع تلك الاسهم و او العمل على تراجع المؤشرات في السوق
و هي عمليات نراها بالاعين في الايام و كن بحاجه الى درايه اكبر و معرفه لانهم الطريق
هذا غير آمن ، و صدقت عزيزي فمن ربع من وراء الاسهم الف مبروك عليه و لكن ان طمع
تراه بيطبع و حالات كثيره و عن تجربه اشاهدها جدام عيوني طاحوا في سوق الاوراق الماليه
و كذا شخص لجأ لي يطلب المعونه و لكن الله يهديهم و يستر عليهم ، و لكن عزيزي هل تتوقع
انه سنلقى في الايام المقبله رد او مانع صارما لمثل هذه العمليات التي يتم التلاعب في اسواق
المال ام ترى ان العمليه صعب الواحد او الجهات انها تتبعها او تسيطر عليها .
و اخيرا اشكر تواجدك و تعقيبك الطيب


قلوب دبي

[عنود الريف]

عــــدت من جديد ..

اخويه قلوب دبي .. أسلوبك وايد حلو في الطرح .. اسلوب ما يملل القارئ أثناء قرايته ... حتى انه يتريا زياده ..

اما عن موضوع الاسهم .. الاسهم صارت مثل الطوي .. الكل يشرب منه.. ما يعرفون اذا الماي اللي في الطوي نظيف والا لا .. مجرد انهم يبون يروون عطشهم ..
قبل اسعار الاسهم يحطونها في التلفزيون بس على شكل شريط .. الحين ما شاء الله اتطوروا وسوولهم برنامج كامل ..
الانسان لو يكسب بسرعة ما بيحس بطعم البيزات الا اذا كانت ناتجة عن تعب وشقا ..
وبعدين شو محصلين من ورا الاسهم .. يوم يرتفع السهم استانسوا .. واذا نزل ارتفع ضغطهم .. ومنهم اللي تسبب له جلطات .. والاسهم عبارة عن حظ .. اليوم تكسبك ذهب وباجر تخليك على بساط الفقر ...

في اسهم لا مانع من تداولها بعد ما شفت برنامج عرضوه في دبي يسالون الشيخ العلماء عنه ....
بس اللي ما عنده المفروض ما يغامر باللي عنده ..
والمثل يقول القناعة كنز لا يفنى ..
والله المستعان .
السمووحة اخويه على الاطالة