صدقت اخويه...

كل الكل من ينشدك عن حالك يدخل بسالفه الاسهم .. ها شحال الاسهم اليوم .. او شو استريت اليوم.. او ها شفت السهم الفلاني كيف ارتفه وهاك نزل!!!

اتملل من اليلسه الي فيها بس عن الاسهم!!! لانك ماتحس استفدت شي.. وخاصه ان هب كل شخص يعرف للاسهم فاييك شخص يقول السهم الفلاني ارتفع والثاني نزل ولا اشترى ولا باع!! ولا اتفدت انت شي منه!!

بس الاسهم بالضبط اصبحت شغل الشاغل للعالم بالامارات.. للي يعرف والي مايعرف عن الاسهم..

بس احلى شي هو... اليوم يوم سرت السوق (البورصه يعني) عاد على اخر شي سهم اعمار ارتفع !!! ولا فجاه نشوف تصفيق!!! ومن الصوب الثاني حريم ايببن (ايجببن) مت ضحك عليهن!!! في خاطري وين تبون .. حتى هني...

لا ولا تشوف واحد مستااااااااانس والثاني يلعن اليوم الي حدر فيه السوق... واذا عندك شخص من زمــــان ماشفته تعال البورصه اكيد بتشوفه .. اشكال وانواع من الناس موجودين... حتى السيلانيه موجوده .. ومعدلينها وملبسينها شيله وعباه!! اختلط الحابل بالنابل والله بهالبورصه!!

يقولك بعد الحريم مسوين لهم قسم خاص .. يقولك اييبون معاهن دله القهوة والشاي واشكال وانواع واشكل من الاكلات الشعبيه والخبوزات والجباب وهالسوالف... الصراحه الريحه الي هابه من قسمهم يم يم تبلع ريقك والله تنسى الاسهم وتشم هالريحه الطيبه ريحه الاكلات... قلبوا السوق مطعم!!!!!!

الصراحه .. ماعرف شو اقولك وشو اوصفلك عن البروصه تعال وشوف بنفسك... بتضحك والله

وسلمت على الموضوع