أسواق المال و المجتمع ( بسكم حشرتونا )

[العجيبة]

السـلام عليــكم ..

والله دام هالأسهـم فيهـا أرزاقنـا أكيــد بنركض وراهـا ولا بنسـولف إلا عنهـا !
العيشـة تغيـرت من ناحية المـادة .. فمـا تقـدر تقـارن بيـن أول وألحيـن
يكفـي ان الأسعـار يوم عن يوم ترتفــع > وهذا اللي ملعـوز الكـل <
قبـل الـ 8000 درهم راتب موظف يكفــيه هو وعائلته الكبيـــره
الحيــن يا دوب تسـد حق سبع ولا ثمـان أشخـاص ..
المعـااش ما تعـرف وين تصـرفه ! أقساط السيارة ولا اتصالات ولا الجمعية اللي مشترك فيهـا ولا البشاكيـر في البيـت ولا روشن البيـت ولا الأشياء اللي تختـرب في البيت !

ويوم تصـرف على هالضروريات أول شي عــاد بالغـصـب بتحصـل حق بترول السيارة وغيـر هذا بتضطـر تفـتح حسـاب في الدكـان بس عشـان الخبـز حق الريـوق !!!

يعني الانسـان ما لقى جدامه الا هالاسهـم .. ربحهـا سـريع وشغـله حلـوه في نفس الوقت ،،

المشكـلة المشـكلــة .. إن التجــار هـم اللي مـب عايبنهــم ان الكـل قام يدش أسواق المـال ..
هـم عـادي عنـدهم .. مرتـاحيـــن ما يدرون عن الفقـارى ! ولا ما بينقـدون عليهـم وبيعارضون دخلوهم للسـوق ..

أنا عنــي عايبتنــي الشغـله

وبـس .. وايد تحرطمـت

شكـرا أخـوي قلـوب دبي ع المـوضوع ..

[شوق القلوب]

الســـلام عليـــكم..

هلا قلـــوب دبي... :)

. . .

والله كـــلامك في محله.. موضه الاسهم اجتاحت الكل.. يوم انه خان يفكر في الاسهم.. عيل شو حال المواطن..!

..
كل انســـان وده انه يزيد من الخير اللي عنده... وشغله الاسهم سريعه... بس يبالها الشطاره..

وللاسف.. الناس اللي يعرفون واللي ما يعرفون يحطون... على بالهم السالفه سهله... من جيه في الكثير يخسر من عقب ما أدين و رهن بيته.. وضيع مستقبله..

..

الانســـان لازم قبل لا يشارك في البورصه يكون حاسبنها صح.. أو يحاول يستعين بشخص له خبرته في تحركات الاسهم..

..

والله يعطـــــــــــــي الجميع.. و يكفيهم هم الخســـاره..
..

:)

[سفير الخيال]

السلام عليــــكم...

هيه والله صــــادق يا بـــو غنيـــم


ويـــن ما اتســــير اتحصـــل ســــوالف الأســـم راكضه وراااك حتى الريال وهو راااقد قــام يهذي " ارتفع.... ارتفع... .. يالله ارتفع... بعد فـــوق.. يا سلام... شويه بعد..." وآخر شي طــــــااااااااخ على الأرض اتحصله طااايح.. ينش من الرقاد يربع يطالع الأسهم ... انف حتى هوب امغسل ويهه.. والله تستوي في السوق

حتى على الغدا والعشا والريووووق اسهم..

تدري من زمااان اتحرا الأسهم هيه نفسها اسهم اللي يرمونها بالحرب.. هيه والله العظيم
كنت أقول ليش الكل يشتري اسهم ... حرب؟ .. لالالالالا

تسلم عزيزي على الموضوع الغاااوي...