أسواق المال و المجتمع ( بسكم حشرتونا )

[خسووفه]

قلوب دبي

تخيل نيلس في اجتماع و تشوف واحد قابض الكميونيكتر و كل شوي يراوي الي حذاه و يقوله شوف ارتفع السهم الفلاني و نزل السهم الفلاني و ياليتهم موظفين عاديين مدراء

و الي باعوا بيوتهم و سياييرهم عسب الاسهم

الله المستعان

[الـيـاه]

:: خيال الروح ::

لا عزيزتـي بالعكس حلو النقاش والاختلاف بالراي وارد !

وسهل الواحد يتقبله منج من *ادبج* فـ الـرد ..

يا اختي انا ابدا ً ما قصدت اني امنع الناس تغير من وضعها الاجتماعي

ولو تقرين ردي عدل بتفهمين شو قصدت ..

واصلن بينت هالشي يوم قلت

(النوع الاول : اللي وضعه الاجتماعي ضعيف > مب عارف وين يدق براسه

هو بيأكل عياله من الراتب والا بيدفع الاقصاد اللي عليه والا بيسدد فواتيره !)

يعني بالعكس انا بينت هالشي ومعاهم الحق

لان سالفة الاسهم اسهل حل لهم ..

ويوم قلت فـ اخر الـرد

(الله خلق الناس طبقات .. ارضوا باللي الله كاتبنه لكم)

قصدت الناس اللي غالبهم *الطمع* اللي دايما ً يفكرون بنفسهم وبالبيزات

وهالشي بعد ذكره اخويه ( قلوب دبي ) فـ اخر الموضوع

وقلت انهم

( بس بعد في من الناس حتى لو مب محتاجين .. يبون البيزات تزيد والسلام )

كنت اقصد هالناس .. وياريت يكون رايي وصلج هالمره باللي كنت اقصده ..

:: عيون الوله ::

اعتقد ردي لـ الاخت ( خيال الروح ) كفا ..

والحمدالله انا مب مفتقره من *الماده* لكني افتقر لنوع معين من الطريقة *فالكلام*

وهذا اللي عندي ^_^ .. وما اقدر اقولج شي ثاني

وارد بنفس الطريقة المحترمـه والذربـه اللي تفضلتي فيها :)

وسمحولي

.

.

[خيال الروح]

.+. الـيــاه .+.

حسيت في تناقص في كلامج ..
وانتى في ردج اتجاهلتي بعض النقاط وما وضحتيهم كلهم
فحبيت انج توضحيلي هالجمله ؟؟ شو كنتي تقصدين ابها ؟؟
:::
:
:::
قبل كان السوق هادي وكله للمستثمرين لكبار .. ماتشوف هندي بنغالي سوداني ..
واحينه كل من هب ودب خذاله اسهم وقال انا مستثمر ..



شو الى تقصدين بكل من هب ودب ..

وانتى بنفسج قلتي انه سالفه الاسهم اسهل حله لهم

وعمره السوق ماقتصر على المستثمرين الكبار ..

??( هندي بنغالي سوداني )؟؟

؟؟؟؟

[ديج الفريج]

السلام عليكم ...

ولو اني ما أحب مجال الاسهم

الا انه كل يديد يلقى تأييد
وكلها فترة والناس بيردون يتجهون اتجاهات ثانيه

ولأن سوق الاسهم يعطيك الربح السريع
الكل يركض وراه
متناسين ..

" الخساره السريعه "

[الـيـاه]

:: خيال الروح ::

لا تناقض ولا شياتـه بس لاني اختزل الكلام ..

المهم
الله يسلمج *لكبار* يعني قبل سالفة الاسهم كانت مبين المستثمرين لكبار
واصحاب الشركات لكبيره والتجار .. وفئة من *اللي كانو يبيعون جناسي*

مع ان حتى قبل في فئة من الناس وضعهم المادي ضعيف
بس ماكانوا امشين حالهم ومايخصهم بهالسالفـة ..

لكن احين \ مثل ماتقولين موضـه
و كل من *هب ودب* < اعرف وايد ناس مب محتاجين لكنهم ساهموا
يعني مثل ماقلت صارت السالفه موضـه ومب شرات قبل !

(هندي بنغالي سوداني)
لاني انقهر يوم اجوف انها بلادنا وومع هذا هالناس اللي يستفيدون ..

وبس

.
.
.

[قلوب دبي]

عدنا من جديد ..

في سباق اليوم مع بدايه أشعه الصباح الدافئه و ازدحام الطريق نرى تغيرات جوهريه تحدث وقد يراودنا السؤال ماذا هناك .. ؟؟

انها الحياه المره الحلوه ذات المعنيين في آن واحد والسعي نحو الثراء السريع ، من خلال الشاشات الموضوعه على ارفف تلك الحيطان، و ارقام متحركه تاره هنا و اخرى هناك ، ملامح تتغير في الثانيه من الفرحه إلى الضيق ، وترجع من الصمت الى الضجيج، و الجهاز النقال لا يعرف طريق الصمت و الهدوء ، حتى اصبحنا نكره بزوغ أشعه في اليوم الثاني كي لا نرى هذه المواقف التي كدنا نتضايق منها يل أصبحنا نعيش عالم أعجر عن اطلاق أية تسميه عليه ..

من إصدارات جديده و و ظهور عمالقه في عالم سوق الاسهم ، اخذت النفس الخبيثه تلعب في اعماق من تسود نفسه الى الغش و السرقه على مسمع و مرى الجميع ، من هناك كانت البدايه و بهذا العالم ولكن اتجهوا الي اللعب فيما بينهم على حساب هؤلاء المستضعفون من صغار المستثمرين ..

في هذه الساحه الصغيره و ذات المعاني الكبيره لهؤلاء المضاربين نرى و نرى و كل يوم نسمع الجديد و الغريب ، في أسواق المال و الاعمال ، خاضت عمليات التوريق سلسله واسعه من استقطاب روؤس الاموال الخارجيه في ذات الوقت استثمار الاموال المحليه في هذ الاسواق ، فعلى الرغم من مساوئ تلك العمليات الا ان لها فوائد ..

على أيه حال الطريق واضح لمن بدأ من الصواب و عرف التفرقه بين هذا و ذاك و لا يسعني الا ان اوجه من يرى عالم البوصه في تغيراته ان يتمهل ولا يجازف للتسابق نحو الثراء السريع ، تمهوا اخوتي و أمشوا بحذر كي لا تقعوا في متاهات و تشتت بها الاسر :)

لي عوده قريبا

قلوب دبي

[قلوب دبي]

الشوق

سؤال يطرح نفسه ... ويقول
هل بربح اليوم والا باجر
و كم و وين و متى ..؟؟
من بين هذيلا كلهم وين مكاني انا
ابدأ اعد الايام عشان اوصل لمبتغاي ..
أسير ادور لي شغله ثانيه و اسويلي تجاره اكد منها و احصل على خير من وراها
والا اتم في عالم يا اطير مره وحده واستوي من اصحاب الاموال او ارجع و انحصر
في معيشتي العاديه ...
تساؤلات بين الثراء السريع و الكسب من وراء شقاء و عناء
الله يكون في العون ..

تسلمين على تعقيبج وتواجدج الطيب


قلوب دبي

[المزوحي]

قلوب دبي هالكلااااااااام صحيح .. حتى أنا يوم أسير الدوام .. اسمع واحد من الربع يكلم أخوه
أقولك مابتشتري دانة غاز ؟؟ ترى يقولون بيخصصون 3000 سهم
وعقب يبتدون يتكلمون عن الأسهم ........... في كل ركن اسهم اسهم اسهم ...

[قلوب دبي]

عنود الريف

الطوي اللي يخطف يشرب منه ما يدري شو ياللي فيه سواء كان نظيف والا لا ، و مهما
شربوا منه ما بيرتون لانه لذته عجيبه ولو كان الماي وصخ ، والاعلام وغيره يساعدون
و لكن ما رينا مرشدين يحذرون من العواقب اللي تحدثها التهورات من قبل البعض ، عوائل
كثيره تضيع وسبب هالاسهم و منها من يرتفع في يوم وليله والسبه هالاسهم ..
ما نقول الهم لا و لكن انقول الهم اتحذروا وانتبهوا لانه طريج وعر فيها وايد من العقبات ..
و ان كان ممهد في بعض اماكنه الانه بيحصلون عقبات كثيره ..
شكرا على تقيبج ومداخلتج الطيبه