السلام عليكم
حر حر حر حر
اووووووووف ما نقهر الجو
احبتي الكرام بنروح معاكم هاي المره الى مدينه اوروبيه يديده
و هاي هي مدينه ميونخ الالمانيه
من المدن الهاديه والحلوه و الغاويه
بدايه سفرتنا كانت من مطار دبي الدولي
دخلنا مدخل المطار الخاص
بالسيارات لين قاعه كبار الشخصيات
اتريانا شويه و عقب على الطياره
كنا شله شو سوالف و ظحك ^_^
طبعا اول ما وصلنا مطار ميونخ الدولي كانت السيارات تتريانا عند الطياره
نزلنا و على طول على الفندق ..
والفندق اللي سكنا فيه كان اربيلا شيراتون وها الفندق يقع على نهايه محطه U4 للميترو
وهاي غرفتيه وكانت المقر لاجتماع الشباب فيها مسوين برزه هههههههه
الله يسلمكم كنا اهناك دايما طلعت و انروح للمارين انروح لاماكن مختلفه
وان شاء الله بحاول احوطكم الاماكن اللي رحنالها وان شاء الله تستانسون معانا
هيه و اجرنا سيارتين الاودي و المرسدس
و كنا نسغل الميتروا اكثر شيء و حفظناه عدل
بنروح الحينه معاكم المارين بلوتز
و هاي هي الساحه مال المارين بلوتز
و المكان ما يخلى من السياح و العرب
و نمشي شويه جدام بنلقى كله كوفيهات و محلات للشوبينج
واكثر شي هناك الكنائس
هيه واهني في المارين كنا انشوف هذيله
ونعطيهم كم من سنت او يورووو و يستوي حركات
و هذا هو المارين مكان غاوي للحواطه
و اهني فتره المسا
الله يسلمكم و ها نهايه المارين و اهني محطه كارلز بلوتز
و عدالها ماكدونالدز كنا ناخذ من عنده ..
و ها المكان ورا المارين من خلف البنايات
واهني كان يصب علينا مطر عجيب
واما اهني لاااا
ها الباب مال العمالقه
هههههههههه
تقريبا جريب من المحطه اللي محطه الاودين بلوتز
طبعا هني الدري المتحرك اللي يودينا تحت الارض حق المترو
و هذا المترو اللي كنا نستخدمه
و عشان نوصل محطتنا لازم نركب هالميترو
و هذا الترام بس الصراحه ما ركبناه
المارين فيه سوالف وايد حلوه و فعاليات مختلفه و الجو هو اكثر شي محلي المكان
هاي لوحه الفنان اللي يرسم في المارين كل يوم انشوفه يسوي شي
وهاي سيارت الشرطه مالتهم
وهالتكاسي مالهم يا سلام عجيبه مره انشوف
بودمعه مره اودي و مره اكس فايف لووووووول
من ضمن الفعاليات اللي يسونها في المارين تلقون الساحر و مرات الفرق الموسيقيه المختلفه
و لا الفقاري عندهم عشان يحصلون فلوس مايلسون جي عالفاضي يتمون يسون شي عشان نعطيهم
و اغلب الاحيان يدقون موسيقى وجي ..
وهذا الساحر مخلي راس البنيه على الحديده ورافعنها في الهوى ومافي شيء تحتها
:ghostface
هاي الاودي من داخل اللي كنا ماخذينها اهناك
و هني محطه القطارات الرئيسيه يسمونها هوبنهوف استيشن
و بخبركم سالفه صارت لي انا و اربيعي طلعنا ونزلنا مكان بالغلط و قالي قوم بنيرب نروح بالقطار
و تمينا نتريا و نتريا ولا نسوي شرات ايام قبل انحط الاذن على الاض و نسمع جان القطار ياي والا
لا ههههههههه
لين ما يانا القطار ركبناه بدون تذاكر عاشووو
زين ما لعوزنا لو زخونا هههههههه
بس الحمد الله اخر المطاف يابنا على المحطه العوده ونزلنا و غيرنا المكان ..
و هيه طبعا كنا انروح السينما هناك
قاعه السينما الوحيده اللي بالانجليش والباجيات كلها الماني
سبحان الله صادف يوم ميلادي اهناك اليوم الثاني من وصولنا
و جان يطرشون النا كيكه العرب اللي عدالنا في الفندق
و اجان اسويها حفله عيد ميلادي
كان التاريخ 4/8
انزين امنوه يريدو نونوه
يحليله لقيت امه عند الميترو ما اتروم تنزل طفلها على الدري المتحرك و ساعدتها ويوم
صورته اتخبلت ما تدري انه شي اختراع اسمه تلفون بو كيمرا
و هاي الصوره الله يطولي بعماركم ورا فندقنا شي كوفيهات
وهيه كنا انطرش الطباخ ايسر عند اسواق الواحه و يطلب لنا لحم و دياي ذبح اسلامي
و ايبه الفندق و يتم يطبخ النا و كنت دايمن اتذكرالواحات من اسم المحل ^_^
طبعا في الفندق عندنا بطوله البلاي ستيشن ;)
وناسه و ضحك
و مرات ننزل الحوض نسبح
و قبل الحوض مرات نروح نتمرن في الجيم
يعني ما شي وقت فاضي و مرات الفليل نيلس نلعب ورقه في الغرفه
و هاي الخلاطه سوت مشاكل
يوميا كنا نسوي كوكتيل انيب فواكه و نخلطها
لين ما لاعت جبدها و انكثره و خيست الارضيه مال الفندق
خخخخخخخخخخخ
هيه طبعا لا تنسون البولينج كنا انروحه عقب المغرب
والواحات ما كنت انساها يوميا كنت ادخل ومرات ادخل كل يومين او ثلاث على حسب
الظروف من ايزي نت كافيه
و بحوطكم الحينه في ميونخ فالليل
انزين طبعا لا تنسون الانجليش غاردن
هالمراكب اللي نركبهن في البحيره
الكوفي اللي في الحديقه
و احلى شي يوم كنا كلنا على السياكل و نحوط في الانجليش جاردن
وقت المسا
و ها مصورنه من السياره و هو قالص ولده وراه على الشارع العام
و اهني الله يسلمكم رحنا الاولمبيك
و ها الجسر اللي نعبره عشان نوصل ..
و اهني نمشي لين المكان
و ها يسوي الحان و يخربط ^_*
من فوق اللعبه اللي تدور
الحوض مال الاولومبيك
و مرات كنا انروح حق سيارات الفورمولا
و نحجز دور حقنا رواحنا برايفت ^.^
و هاذيلا نحن بنبدأ السباق
و هاي هي سفرتنا
و بعدين ردينا على مطار ميونخ دخلنا الين الطياره و يلسونه في الاستراحه
و على طول على الطياره دون ما ندخل داخل المطار ..:crosseyed
توته توته و ردينا اللحر اللي كنا نتشكى منه قبل لا انسافر
كملنا حوالي شهر و نص اهناك بس الصراحه روعه
سفره ما نتعوض
اتمنى اني قدرت احوطكم و انكم استانستوا معايه
واسمحولي الصور مب و لابد لانها من كيمره التلفون
قلوب دبي
ملاحظه : الرجاء عدم عرض التواقيع لكثره الصوره في الموضوع
رد مع اقتباس
مشاركة: ميونخ الحلوه (المانيا)
وو 
مواقع النشر (المفضلة)