خوصه لا لا لا خصوصياتنا

[المصرقعة]

صباح الخير

عن مجموعة اسئلة وابى اشوف اجوبتكم عليها واللي ما راح يجاوب راح

شو معنى الخصوصية ؟
ومن له الحق في التدخل في خصوصيتك الخاصة في بيئتك الخاصة او في المنتدى ؟
وهل صدق الخصوصية شي خاص ؟
وهل تأثر بعض الخصوصيات اللي انعرفها عن اي حد على علاقتنا فيه ؟
وشو رايكم بالمثل اللي يقول رزة الفيس من طبايع التيس

واي شي تبون اتقولونه قولوه عن الخصوصية

واتمنى اشوف ردودكم

المصرقعة تصرقيع المصاقيع

[الجنيه]

الصراحه صرقعتيني صرقعه ويا أسئلتج المصرقعه ... الله يسلمج برد على أسئلتج وأتمنى يكون ردي مش مصرقع ومفهوم

شو معنى الخصوصية
الخصوصيه الله يسلمج تعني لي الشي الخاص بي واللي مش من حق أياً كان التدخل فيها ... سواء لمصلحتي أو لغيرذلك ... الخصوصيه تعني ممتلكات خاصه يمنع الاقتراب... منها

ومن له الحق في التدخل في خصوصيتك الخاصة في بيئتك الخاصة او في المنتدى
برأيي وأعتقادي محد له الحق في التدخل في خصوصيات الغير واللي هي في الغالب أشيا ما يحب الشخص مشاركتها مع غيره وذلك لأسباب خاصه تتعلق به وحده لاغير ..

وهل صدق الخصوصية شي خاص ؟
أكيد واذا ما كانت شي خاص ما كنا سميناها خصوصيه ...


وهل تأثر بعض الخصوصيات اللي انعرفها عن اي حد على علاقتنا فيه ؟
نعم ربما ... ما أقدر أتعمق في الرد بس ممكن أتأثر بعلاقتنا في الشخص ..
وشو رايكم بالمثل اللي يقول رزة الفيس من طبايع التيس
قول سديد ويستحقه الي يتدخل في شي ما يخصه ....


وسلاماتي الجناويه

[عنود الريف]

مرحبا المصرقعة ..

الخصوصية اشياء تخص انسان مب اشيا عامة ممكن اي حد ايي ويسال عنها ..
القريب مني وااااااااااااااااااايد يقدر يتدخل في خصوصياتي .. مثل اسراري .. ممكن اني اتشارك بها ويا القريبة مني واايد ....
واوافق اختي الجنية في ان الخصوصية شي خاص جدا والا مستحيل ما تشاركين به غيرج ..
طبعا الخصوصية تؤثر بالعلاقات .. واايد اشيا ممكن تغير علاقتي بشخص ثاني .. يا تكون ايجابية او سلبية .. اما المثل اللي ذكرتيه .. واايد موجود عندنا اعوذ بالله .. واايد ناس ما تستحي تتدخل ف ياشيا ما تخصهم ..
انا في رايي ان الخصوصيات تؤثر على شخصية الفرد تفسه ..
والسمووحه

[العجيبة]

السلام عليكم ورحمة الله وبركـاته

شو معنى الخصوصية ؟

الانفراد بالشي

ومن له الحق في التدخل في خصوصيتك الخاصة في بيئتك الخاصة او في المنتدى ؟

اللي أمنحهم حرية التدخـل في خصوصياتي ..

وهل صدق الخصوصية شي خاص ؟

ما أدري .. بس لا ما أظــن

وهل تأثر بعض الخصوصيات اللي انعرفها عن اي حد على علاقتنا فيه ؟

نعــم .. بس مب دووم ( في حالات خاصة بس )

وشو رايكم بالمثل اللي يقول رزة الفيس من طبايع التيس

ما يعيبنــي .. ولا أحب أقوله .. أحس فيه وقاحــة شـوي !

في أمثال أرقـى وأحلــى نقـدر نقـولهـا بدل هذا ..

واي شي تبون اتقولونه قولوه عن الخصوصية

بقـول شـي من استنتاجـي ..

تقـريبــا تقـريبــا الكـل يمتـلـك خصـوصيـات

لدرجة ان حتى البتـرول في نوع منه " خصوصي "

شكـرا لج أختـي على المــوضــوع أو بالأحرى على الاسئلة

لو تكلمتـي عن الخصوصية برأيج الخاص بيكون شي جميـل ..

بانتظـار يديدج دوم

العجيبة

[خنفروش]

اسجل اعجابي بفكرة الموضوع و بردود الاعضاء و تسلم كل الايادي