°o.o.. مربعات الكراميل ..o.o°

**طير الغرام** · 25-07-05 ||, 11:18 PM

غيـــابي طال عن هـ الواحة
لكن صداها دايم فـ البال

أتمنى تعيبكم هالإضافة البسيطه

°o.o.. مربعات الكراميل ..o.o°

المقادير :

- ظرف كريم كراميل
- 2 علبة قشطة
- علبة بسكوت الشاي أولكر
- 3/4 كأس سكر
1/2 كأس حليب سائل

الطريقة :

- يذوب السكر على النار حتى يصبح بني اللون

- ثم تضاف له القشطة بالتدريج حتى يتجانس

- ثم يضاف ظرف الكريم كراميل

ويخلط جيداً

- تغمس كل حبة من البسكويت بالحليب

ثم ترص طبقة من البسكويت في صينية

ثم تصب نصف كمية الكراميل
وترص فوقها طبقة أخرى من البسكويت ثم يصب فوقها بقية الكراميل

ويترك في الثلاجة حتى يبرد ثم يقطع مربعات

وبالعافيه

ملاحظة >> لازم بسرعه نحط الخلطه ونوزعها ع طول الصينيه >> لأنها تتجمد بسرعه ^_^

**الدلووووعة** · 26-07-05 ||, 07:50 AM

تسلمين اختيه

وان شاء الله اليوم بجربها دام انه الوالدة من كم يوم تباني اسويلها كيكة اليوم بسويلها هاي الاكلة

وبخبرج بالنتيجة

والسموحة

**أوتار القلب** · 26-07-05 ||, 12:41 PM

يمي يمي
شكلها وااااااايد لذيييييييذ

و جاااااان ايوووع

ان شاء الله بسويها اليوم و الا يوم من الايام

و بحط الصوره ^ـ^"
ثانكس حبوبه

**طير الغرام** · 26-07-05 ||, 01:14 PM

الدلووووعة

ربي يسلمج
بس اتحملي تراها بسرعه تتجمد الخلطه
يعني يوم بتصفين الطبقة الأولى ردي ذوبي الخلطه ع النار اشوي لنها بتكون جمدت اشوي
وعقب يوم بتحطينها ع البسكوت لا اتحطينها ابكبرها في مكان واحد حاولي اتوزعين عدل
تبين الصراحه أنا عانيت يوم سويتها >> بسرعه تتجمد >> بس النتيجه كات أوكي
وااايد عيبتهم

أشكرج والله ع تواصلج وحيـــــــــــــاج

أوتار القلب

وإن شاءالله اتعيبج

حيـــــــــــــاج

**الجديدة** · 26-07-05 ||, 03:07 PM

السلام عليكم و رحمة الله و بركاته
الله يعطيك العافية يا طير الغرام على الأكلة.
تصدقين أني سوي نفس الأكلة بس الحشوة مختلفة .
ولدي يحب هذه الحلوى بالذات

الحين راح أسوي الأكلة بشكل مختلف و راح أتذوقها مع ولدي و الأهل و أعطيج رأيي.
الصراحة تعجبني هذه الواحة لان كل واحد يكتب الأكلة اللي يحبها و نستفيد منها.

و تسلمين على هذه المشاركة.
ما ننحرم من وجودك في هذه الواحة.

مع تحياتي أختك
الجديدة