محطات شبابيه

[المقاتل]

بسم الله الرحمــن الرحيــــــــم

السلام عليكم ورحمة الله وبركاتـــــــــــه

واحتي العزيزه والجميلــه .. يسعــدني أن أكتب لكي موضوع يتكــلم أو ينتقــد شخصيه من الشخصيات الغافلـه ..
ولأسف في زمننا المعاصر .. عوائـل أستخفــت في حديث اليـوم ألا وهي المسؤوليـه .. تجاهلت القصص الواقعيـــه وتهاونت إلى أن يحدث لها كما يحصـل لعائلات اليـوم من ضياع الأحباب و تحطيم القلوب .
إلى تصبــح العائلـه قصـــه في ألســن الناس يتنافسون في سماعها وتدخل في متاهات القيـل والقال .. وتضيع في وايرات الهواتف الله يبعد عنا وعنكم الشر .

وكل القصـــه الهاي مضمونها الحب المزيف بين الشباب والبنات .. أو مصخره فاضيــه في السناتر كل وحــده ماشاء الله تبا تستوي أحلــى عن الثانيه وتستعمل أسلحتها الفتاكه من عباة مخصره ومكياج من باريس غاليري إلى ستي سنتر ( خط مباشر ) .. أو الموضه اليديده تعري تحت العباه لـ تنوره قصيره .. أو مخمــه فوق الراس طالعه بالغلـــط ( نص الشعر طالـع ) لا لا أحسن إتسيرين العرس أبركلج .. أو الموضه اليديده للشباب صايرين ملباريـــه إلي لابسلي بونص كم .. ولا بنطلون وقميص وسلسله وكاب على ورا .. ولا فـ الأحبـــه يفتكرون إنهم حلوين ومتكشخين أحلى كشخــه ويسيرون يرقمولهم بنت وإترد عليه البنت ( إنته شفت ويهك فالمنظره .. يالهـ ** ) .

أمــا الآن مع البحـث :- ( عزيزي الزائر أضغط على الكلمه الملونه )

Search عن كلـــمة مغازل

من العجيب جــدا إن هذه الظاهره لها 100 صفحة في موقع البحث هذا بالنسبة للصفحه الإلكترونيه .. أما لو وضعنا قائمـــة Search في السناتر و المقاهي وعنـد المواقف وعند مواقع العمـل لســـوف تتعطــل هذه الكلمـــه وتعلن عن وقف عملها منذ وضع هذه الكلمــه فقــط .

ولأسف وفــ الحقيقه عندما بحثت عن هذه الكلمـــة وجدت ( مليون مره ) بجانبها كلـمة الإمارات .. وتطبيقا لهذه النكتــه ( مافي إماراتي ما يغازل )

سنعــود بعـــد قليــــــــل

[الجنيه]

السلام عليكم ورحمة الله وبركاته

أخوي المقاتل ،،، صدقت بكل كلمه قلتها كله كوم والصدمه اللي ياتني بعد ما ضغطت على كلمه search كوم الله المستعان الصراحه صرنا في زمن يتنافسون فيه الجنسين على ارتكاب المعاصي والمجاهره بها يعني ما يكتفون بالمعصيه إنما يتفاخرون ويتباهوون بين أقرانهم باللي يسوونه ...
صدقني أيام الكليه كل ما أخطف من عند شله أشوفهم ملتفين حول البطله أم بكشه على الراس "أٌقصد شيله لافتناها مثل الشواب أيام قبل يوم يلفون الغتر على الراس بشكل غير مرتب بس يليق بهم " الله يسلمك وتكون هاي ليلى اللي عندها مليون قيس وأتم أتخورط على البنات فلان وعدني بالشي الفلاني وفلان قالي بتزوجج وعلان ياب لي الشي العلاني ... صدقني أتشوفها مستانسه ورافعه راسها فخراً كأنها ترمس عن عمل خير.....

وبسبة هالأشكال صدقني البنات كلهن خاست سمعتهن عيل أنا الاسبوع اللي طاف ما عندي سياره أخوي بيمر علي أتصلت فيه أشوفه وين وأنا أكلمه مريت على شلة شباب ... جان يرمس واحد منهم أونه أطالعوا هاي مواعده عند الدوام !!!!!!
تمنيت تنشق الأرض وتبلعني ولا أسمع هالرمسه ... بس ما باليد حيله عيال اليوم يتراولهم اذا قلدوا الغرب في لبسهم وطبايعهم بينقال عنهم متحضرين ...

الله يرحمنا برحمته ....

[خنفروش]

المقاتل فديت ايدك الي تكتب هالمواضيع المهمه (( و الحمدلله على السلامه )) الصراحه ما عندي شي اضيفه على كلامك او كلام الجنيه \ بس جان بغيت الصدق انا لما اشوف هالمناظر قلبي يعورني و احس بالحرقه و الألم على هالشباب او هالبنات يعني هالفئة الي اتدور في السناتر و عيونها مثل الي مضيعه شي اتدور فالويوه و في الاشكال و مثل الي ينتظرون شي او المحتاج الي يتمنى في قرارة نفسه ان الي يمر عداله يقرا حاجته و يقرا يوعه و افتقاره \ الله يهديهم و يعافينا من هالمرض \ و السموحه الغالي

[المقاتل]

إختي الجنيـــه .. كلامــج 100%

=== بس ===

في سطر من كلامــج خلانـي أستغرب ولأسف وبكـل أســف ( تمنيت تنشق الأرض وتبلعني ولا أسمع هالرمسه) إختي الكريـمه الجنيـه من المفروض إلي قايل هاي الرمســه هوه إلي يتمنـى إن الأرض تنشق وتبلعـه من الزيغـــه .. ما فهمتي >> أقصـد إنه ينـدم على إلي قالــه ..!!
وشي ثــاني الناس بتتكلم من وراج وجــدامج بس الأرجـح إن البنت المحترمه بتم محترمه وإلي قال لربعه طع هاي مواعـده بيعرف هذا أخــوج ولا تظنين بأن الكلام إلي قالـه إنتهى بالعكس باجر إخته أو أمه بتسمـع نفس الكلام إلي قاله

إعذريني لو أطلــت لكنـي شفت من الواجب أقـول جـذه .. وعن سالفـة إلي يقلـد الغرب أنا أقـول بأنه إنسـان متخـلف

=== بس ===

أكيـد لي عـوده

[أحلى منصوري]

المقاتــل ..
موضوعك الصراحـة في الصميــم

وأنا اسوي search لقيــت قصــة عيبنــتــي وبقولها لــكم :

واحــد من الشبــاب يطرش مســجــات لرقم ما يعرفه ويقرقر وايـــد عن طريق المسجات ( غرام / حب / هيــام ) .. وفجــأة يوم يكتشف هذا الشاب بإن راعي الرقــم ريــال ما قام يطرش عليــه أي شي .. الهرم كان يتحراها وحده

تسلم يالمقاتــل

والسموحه

المنصــوري

[بنت الدلع]

تسلم اناملك اخوي على هذا الكلام
رمستك مب رمسه عابره
كلامك هذا من واقعنا
الشباب والبنات تغيرو
صار تفكيرهم المغازل وبس
وكل واحد يبا ايمعله اكبر عدد من البنات او الشباب
ويفتخرون بها الشي
وهالشي هو نهاية المطاف
لان الساعه قربت
والمناكر زادت

[المقاتل]

أحلى منصوري

واحــد من الشبــاب يطرش مســجــات لرقم ما يعرفه ويقرقر وايـــد عن طريق المسجات ( غرام / حب / هيــام ) .. وفجــأة يوم يكتشف هذا الشاب بإن راعي الرقــم ريــال ما قام يطرش عليــه أي شي .. الهرم كان يتحراها وحده

إسمحلي لكـــني مب من مستواك أتخشش في السوالف وأطعن

وإذا تقول عني هرم

إسمع هالمثـــل :

( كل من يرا الناس بعيـــن طبعــــه ) وأنا ما بسبك مثل إتسب

أعقل أعقل

بسك من تصرفات اليهال

الله يهدي أمة محمــــد

[حبوبه دبي]

ســلام عليـكم ..
مــوضوع بالفعــل رائع ..

بـس للأسف كــلامك في محلــه
صــار الواحد يتفــاخر انه يرقم ولا يغــازل !!
الله يهديهم بــس ..

شــو بنسـوي الدنيـا اختربت

تســلم اخــويه ع الطــرح من متى ماشفنــا مـواضيعك ..
لا تقطـ ـ ـ ـع عنا

اشوي اشوي ع المنصــوري ســوالف تــراهاا

والسمــوحه

[الهيثــم]

. ؛ وعليــــكم الســلام ورحمــة الله وبركـــاته ؛ .

؛ ؛

بوعــلــي
موضـــوعك خطيــر يـا أخــوي
ويتكلــم عن واقعنــا المريـــر

واقعنـــا إللي البعــض صــار يستحــي يرمــس عنـه
والبعــض صــار يفتخـــر فيـــه

واقعـــنا إللي قـــام ينتــهك حــرمــات بنــات بــلادنـــا
واقعـــنا إللي استـــهان بالمــرأة ومكــانتها فـ الإســلام

واقعــنا إللي قمنــا نشــوف فيه الصــديق يهتــك عرض صـديقـه
الواقــع إللي قمــنا نشووف فيه معظم البنات والشباب ما همهم إلا الجنـس
والعيـــاذ بالله

الأخـــت الكريـــمة / إللي ما همــها إلا تتــزين وتتعطــر وتتكــشخ وتتلبــس وتتفــنن فـ المشيـة
إللي ما اعتقــد راح إتسـوي هـ السوالف يوم عــرسهــا ، شو إللي يخليــج إتســوين جي
شو إللي يخليــج إتعــرضيــن نفســج بأنج إتــدمريـن مستقبلـــج بـ نفســـج !
تــرا الشبــاب قــاموا يتبــاهون بـ علاقاتهــم ويه البنــات
والله يحفظــــكم من كل ســــوء

الأخ الكريــــم / إللي تسمـــت ، وتتــدين وتتكشــخ ، وتتبخــر ، وتبلــس موترك
وتــاخذ أحلى التلفــونــات ، ولابس أغلى المــاركـــات وما همــك إلا تلفــت نظــر هاي
أو إتيــب راس هــاي ، ليش يــا خوي ! .. إنت ما عنــدك أهــل ، ما عنــدك خــوات إتخـاف عليهن
تــرا والله الدنيــا دواارة ، ومثل ما إتسـوي فـ بنات الناس بيســوون فـ أهلـــك ، حاسب يا خوي حاسب
تــرا إنت بــاجر بتــكبر وبتتــزوج وبيكـون عنــدك بنـــات .. ما يعلــم بحالهــن إلا ربــــك


خـــافوا الله يـــا إخـــوان
والله يهـــديكــــم يميــــع إن شــــاء الله

ومشكـــور يـ المقـــاتل عـ موضــوعك ^_^

؛ ؛

[الدلووووعة]

تسلم اخويه المقاتل
عالموضوع اللي صدق يرمس عن واقعنا اللي نحن عايشين فيه الحينه
وانا وحدة قمت ماحب اظهر وايد والسبة هاي السوالف منكثر مانسمع عنها
والله اني استحي يوم اسير المول واطالع البنت اللي مامخليه شي مامحطتنه في ويها واللي لابتهه وعباتها
اللي يقول سايرة عرس هب سايرة مول بتتشرى وبتظهر

بس اليهدي بناتنا وشبابنا امين
والسموحة

[الجنيه]

عوده جناويه لموضوعك الخطير ،،،

كلامك صحيح 100% بالميه بس ليش تمنيت هالشي تعتقد ؟؟!!! لأني شفت أنه عيالنا أستوى تفكيرهم خايس ويشوفون الكل بنظره وحده والا أنا ما همني يعرف اذا كان أخوي أو غيره من يكون هو عشان أهتم له أو لكلامه أنا ما صدمني شي كثر الضن الخايس أدري أنه معذور ووايد بنات يسون هالشي جدامنا بس مب معناته يعمون الشي يعني نحن نقدر أنعمم الشي وأنقول أنه كل الشباب مغازلجيه بينما الواقع يقول غير هالكلام يمكن فئه كبيره منهم هي بس البقيه المتبقيه اللي لا زالت محترمه نفسها وحاشمين عمارهم ما لهم ذنب صح ...

[لمّــاح]

الســلام عليكم ، ،

انا الموضوع قريته من أول ما كتبته ، لكن في شي محيرني و كل يوم اسأل عمري شو السبب لكن ماحبيت اكتب الرد و اسأل . .

مادري ليش قلت خلني أسأل ، عشان يبرد الفضول و لنيــتي في اني اصلح بينكم !!

اخويه ، انا مب وياك و مب ويا احلى منصوري ، لكن ياخويه احلى منصوري قال بــأنه سوى search و قرا القصة لي كتبها لنا ، و يوم كتب كلمة (( هـرم )) كــان يقصد الولد الي يطرش مسجات للولد الثاني ( الي كان يتحراه بنية ) ، يعني هو ما سبّــاك !!

و أقرا في ردك:

وإذا تقول عني هرم
عزيزي ، هو قال هالكلمة للريال الي كتب القصة عنه ، ما كتب اسمك . .

ثانيا ، مثل ما انته سويت search و طلعتلك هالسوالف كلها ، هو بعد طلعتله هالسالفه و كتبها ، ليش تسيئ الضن في الريال ؟؟
عزيزي ، إن بعض الضن إثم :)

نصيحة و انا اخوك ، راجع عمرك عن تكون ضلمت الريال ترا الدنيا لحضة :)

[المصرقعة]

كنت اعتبر الاخ المقاتل من افضل اللي يكتبون في الواحة المفتوحة بس الحينه انا مع الاخ لماح في كلامه

المصرقعة

[المقاتل]

عزيزي الفـــاضــل / لمـّــاح .. مثل ما تفضلــت وســألت أجاوب على سؤالــك .. أفا عليـــك القصــه إلي تكلـــم عنها الأخ / المنصوري .. يتكلـــم فيهـــا عني أنا يوم كنت أطرشله مسجــات وما كنت أعرفه هوه منو قبل لا أعرفـــه .. وأنا مارديت أطرشله مسجات لسبب وهوه فسرها على إني كنت أتحراه بنت ( عموما هي قضيه أنا نسيتها ) .. وأذكر كلن خذ حقـــه عن الموضوع وطردت إيضــا .. وأنا ما بظن ظن السوء لكـــن هوه فصـــل وحــدد والفاهم يفهم إخي المحترم .

أخي المحترم / لمـــاح .. شاكر لك هذا الإهتمـــام معني كنت ياي أشوف موضوع من مواضيع القديمه .. وشفت ردك .. إعذرني على التأخير .

إختي المحترمه / المصرقعة .. شاكر لج ردج .

عذرا .. للجميــع

[جنون امرأة]

... قضية فعلا تحتاج نقاش ..

يعني الصراحه الدنيا صايرة فوضى في السناتر .. أنا ما راح أظلم الشباب و انحاز للبنات .. كل واحد يعرف كيف يحترم نفسه و يبعد نفسه عن هالمواقف .. اوووووكيه .. لما الشاب يعرف ان هالبنت اللي جدامه فرررري يصطفل وياها .. لـــــــــــــــكــــــــ ــن !....... للأسف الشديد ان في بنات محترمات و ما يخصهم في حد ليش الشباب يجربون صوبهم .. و الله اليوم شفت موقف جدامي .. واحد يتحرش في بنات مع ان اخوهم وياهم والله .. لااااا و الأخ مخلنهم ع راحتهم ماشاءالله عليهم مب مزعلين و لا لون .. راحين عرس مب سوق ..

المقاتل & أحلى منصوري ..

الله يهداكم بس .. اذا في شي من بينكم ما له داعي تناقشونه هني ..

السموحه ......