وبقيت وحيدا ..

**الحساس** · 21-07-05 ||, 10:05 PM

الصراحه... وماغير الصراحه...
انت كتبت حالتي بالضبط.. كانك ترسم خطر سيري بالحياة...

طبعا انت رمست عن الوحده.. وانا بدت عندي الوحده من فتره ... ورمست ان اهلك مسافرين... وانا اهليه مسافرين.. ورمست ان الوالد بس معاك.. وانا باجر بكون مع الوالد بس والاهل مسافرين... باجر برد البلاد.. بشوف الوالد بس اما الاهل بعد مايردون من السفر.. ورسمت ان عليج واجب لازم تسويه وهو الي مايخليك تكون معاهم وانا عندي شي اسويه وماراح يخليني مع اهلي على طول!!

تقريبا نفس الاحداث...

مااظن الحياة خلقت عسب نوقف عند نقطه ونيلس ندور حوالينها.. لازم نكمل المسيره ونخلق لنفسنا اهداف ان ماكانت بعديه فلتكن قريبه نسعى لهالاهداف تعطينا هالاهداف دافع للحياة.. نستمتع بكل لحظه نحن فيها.. ان كنا نتغدى نستمتع بالاكل.. وان كنا مع الربع نستمتع معاهم وان كنا مع الاهل نحاول نكون مرتاحين معاهم .. لازم تستغل كل لحظه بحياتك في شي لصالحك.. لان الانسان الي يخسر اي لحظه من حياته ومايسوي فيها شي يفيده انسان عايف حياته!!

فكر بطريقه ايجابيه .. راح تشوف انك انت الكسبان في كل الحالات...

بالتوفق

**شوق القلوب** · 22-07-05 ||, 02:05 PM

الســــلام عليـــكم...

...

عيبني كلامك يالحســــاس... :)

..

بالفعل.. الانسان لازم يستمتع بكل لحظه اتمر عليه.. سواء بظروف حلوه أو سيئه..
والانســــان لوحده يقدر يحول الموقف اللي يعيشه اذا كان ظاهره متعب أو ممل الى لحظه ممتعه و مرحه...

في رايي.. انه لو اتمر على الانسان اوقات عصيبه... لازم يتعايش وياها بطريقه اجابيه.. لانها بتكون له تجربه يقدر يطلع منها بنتايج اتعينه في المواقف الثانيه... ويكفي انها مرت عليه و حس فيها بالرغم انه الكثيرين انحرموا منها...

الكلام ما بينتهي في مثل هالمواضيع... لكن حبيت انه أثني على الحساس بكلامه.. :)

..
والسمووووحه...

**مايهزك ريح** · 23-07-05 ||, 08:27 AM

اشكر كل اللي ردوا على موضوعي ..

الجديدة ..قلوب دبي ..عنود الريف..خنفروش ..وحي القلم ..شوق القلوب ..الحساس..
بصراحة عطيتوني دافع اني احاول ارتب اموري واخلصها ..قد ما اقدر عشان استمتع بالإجازة ..

بحاول اركز في هالأسبوعين عشان على الأقل أخلص 80 % من الشغل اللي عليه ..

لأنه الباقي اقدر اخلصه يوم برد ان شاء الله ..

وعلى الله احصل حجز نفس حجز الأهل عشان ارد وياهم ..