طلب مساعده في فتح البطاقة

[المزوحي]

تعبث حد من الصغارية في الموبايل وانقفل ... ومانعرف رقم البطاقة

Pin Code
Puk Code

طبعا الحل اظهر بطاقة بدل فاقد من اتصالات ...

لكن ارقام مخزنة لناس ماقدر أطالهم ... حد يعرف شو أقدر أسوي ؟؟

[شرجاوي]

راحت عليك يا صاحبي .... بس يمكن الارقام مخزنه فالتلفون

[تويتي]

مرحبا الغالـــــــي

المزوحي اضني مالك غير انك تظهر بطاقه ثانيه يعني بدل فاقد

انا استوت لي هالحركه اكثر عن مره
وضربتني غصه من الخاطر

كل الارقام راحن

ويوم تخبرت عن الارقام على اساس اني لو اروم

اطلعهن ثاني مره قالولي مستحيل وفقدت الامل
وظهرت بدل فاقد
بس ماعرف اذا في حل للمشكله هاي

ان شاء الله اذا حد يعرف مابيقصر وياك

والسموحه الشيخ على القصور

خويك
تويتي

[الحاضر الغايب]

السلام عليكم ...

في قطر اذا جي قفل التلفون .. يتصلون في بتلكو او كيوتل المهم (شركة الاتصالات عندهم ) ويعطونهم الرقم السري على طوول ...؟؟؟؟

جرب تسيرلهم انت ولا تدق لهم ... كلمهم اكيييد عندهم الرقم السري

وان شاء الله ما يردونك

والسموحه ...

[الدلووووعة]

اخويه اذا قفلت البطلقة ومارمت انت تفتحها
سير حق الاتصالات وظهرلك رقم بدل فاقد لنه مرة استوت في امي
جي ومارمنا نفتها ويم قلنا للاتصالات قالو مالكم إلا انكم تظهرون
بدل فاقد وطبعا ومايرومون يظهرون الارقام اللي فيها

بس ماعرف جان حد يعرف يفتحها من دون ماتسير الاتصالات بيسوي خير فيك

والسموحة

[الصامت]

اخوي المزوحي اذا البطاقه قفلت وطلب منك التلفون رقم Pin Code

لا تألف اي رقم اذا عندك البطاقه الاصليه الي فيها ال Pin Code دخل الرقم واذا لا

سير الاتصالات ورمسهم فأضن يقدروا يساعدونك يمكن يقدروا يظهروا لك رقم ال Pin Code

واذا ماشي فايده الله يكون في عونك ماشي غير بدل فاقد




والسموحه

[المزوحي]

بطاقة الأهل ياجماعة وحاولوا يدخلون الرقم السري ( تخمين ) يوم كتب لهم ادخل الرقم السري
والحين اختربت بالمره، ويكتب تم رفض البطاقة ..
شكرا لكم على المحاولة، ونسير اتصالات اليوم إن شاء الله

[الشحية]

خخخخخخخ ..
انا إستوت لي هالسالفــــــــة جريب ..
أخوي أونه بيقفل لي التلفون برمــــــز جان يقفل البطاقــة خخخخخ ..
وكان يوم الأربعاء ترييت لين السبت عسب يظهرونه

[المزوحي]

صحيح !