مسابقة واحات بن دبي الصيفيه للتصاميم ( 2 )

[طير الغرام]

مسابقة واحات بن دبي الصيفيه للتصاميم ( 2 )



أعزائي رواد واحة التصاميم والجرافيكس
بعد أن تمّ الإعلان عن الفائزه >> دمعة العين ف المسابقة الأولى
تسر إدارة واحات بن دبي بالإعلان عن استمرارفعاليات الصيف
في واحة التصاميم والجرافيكس وذلك بطرح مسابقة التصميم الثانيه
و بإذن الله جائزه الفائز ستكون عباره عن بطاقتين هاتف >> رصيد







شروط الاشتراك :
1- العباره ستكون من اختيار العضو نفسه

2- باستخدام هذه الصوره


ولكم الحريه في دمج صور أخرى( كحد اقصى صورتان)
واختيار الألوان والخط بشرط الإلتزام بالموضوع المحدد
3 - ارسال صورتين ، احداهما باسم العضو وعنوان الواحات oasis.bindubai.com
والثانيه بدون اسم العضو أو عنوان الواحات ؛ لأن الإدارة هي التي ستضع العنوان عليها
4 - أن يكون حجم التصميم 350*500 Pixels
5 - صيغة التصميم تكون jpg أو Gif
6 - ارسال التصاميم على الرسائل الخاصه لـ قلوب دبي أو طير الغرام
في مده أقصاها 25/7/2005
وسوف تفرز لكم جميع التصاميم في موضوع واحد وسيكون هناك تصويت
سيستمر لمد 3 أيام .

وكما ذكرنا سابقاً لن تقبل أية تصاميم بعد الموعد المحدد
ولا يحق للعضو المشاركه بتصميمين





بالتوفيق للجميع
وللي ما حالفهم الحظ ف المسابقة الأولى شدو حيلكم
في هـ المسابقه


طير الغرام و قلوب دبي

[أمطار]

. . .السلام عليكم ورحمة الله وبركاته. . .

القائمين على المسابقة الأفاضل
. . .طير الغرام & قلوب دبي. . .

مشكورين على هالمجهود اللي تبذلونه. . .
وبإذن الله بنشارك في المسابقة ،،


الله يعطيكم ألف عااافية. . .
وبالتوفيق لكل المشاركين في المسابقة. . .

تقبـّلوا مني أرق التحايا. . .

كل الـــودّ. . .
دمعة العين

[أكسجين]

.. مسا النور ..

.. قلوب دبي & طير الغرام..

مشكورين ع الجهود اللي تبذلونها :) ..

كنت حابه اشارك معاكم في المسابقه ..

بس الصوره المرفقه ..

ما احسها معبره واايد بـ النسبه للعباره اللي بنشتغل عليها ..

فـ اذا يتفقون معاي الاعضاء بتغيير الصوره .. لـ صوره معبره اكثر ..

يعني انا من وجهة نظري انها تتغير بـ يكون افضل ..

لان صعب الواحد يشتغل على شي مب عايبنه ..

بـ هـ الطريقه ما يبدع في التصميم ..

والله يعطيكم العافيه

مودتي

فراشة

[قلوب دبي]

:)

دمعه العين
فراشه ود

يعطيكن العافيه
و يعجبني نشاطكن و موفقات ان شا ءالله

بخصوص شرط العباره سيتم تعديله الحين ..

قلوب دبي

[عذبة الروح]

ان شا الله بنشارك وياكم
مشكورين طير الغرام وقلوب دبي
وربي يعطيكم العافيه

خاطري اعرف شو كانت العباره قبل

يسلمووونيشن طيرنا
يسلمووونيشن قلوبنا

اختكم
عـذ الـروح بـة

[طير الغرام]

دمعة العين

وعليكم السلام والرحمه
تسلمين والله
وبالتوفيق في هالمسابقة إن شاءالله



فراشة ودّ

تم التعديل
شو رايج الحينه



عذبة الروح

نتريا مشاركتج بإذن الله
وبخصوص العباره كانت
" إذا لم تجد طريقاً أمامك فلتشق طريقك بنفسك "

وربي يسلمج ختيه

[أكسجين]

.. طير الغرام ..

رايي الحينه ..

اني يمكن ما اشارك في المسابقه ..

وبالتوفيق للمشاركين

:)

[أمطار]

غاليتي
. . .طير الغرام. . .

تسلمين الغالية على مجهودج ،،
والله يعطيج ألف عااافية حبيبتي. . .

غاليتي
. . .فراشة ودّ. . .

حبيبتي ،،
والله المسابقة دون مشاركتج فيها ما تسوى ،،
والكلام للكل بعد ،،

أتمنى أنه محد ينسحب من المسابقة ،،


غاليتي فراشة ،،

أنا أدري أنج مب مقتنعة في الصورة وما تبين تصممين على أساسها،،
بس حبيبتي ،، طير الغرام فتحت المجال عشان أنتي تقررين شو بتكون الجملة. . .

وهالشي بيفتح لج المجال أنج اتييبين جملة وتبدعين على أساسها،،
((بخبرج بسر حبيبتي))

هم قالوا أنه لازم تستخدمين هالصورة ويا صورتين زيادة. . .
عادي خلي هالصورة كـ خلفية وتلاعبي فيها لين تحسين أنه ملامحها اختفت. . .
واستخدمي صورتين يعبرون عن الجملة اللي بتستخدمينها. . .


حبايبي
. . .طير الغرام & قلوب دبي. . .

في كل قوانين توجد ثغرات ووو آسفة أني بيـّنت هالثغرة في قانون هالمسابقة. . .
يعني احنا جي ولا جي بنستخدم هالصورة بس انتو ما اشترطتوا انها تكون واضحة. . .


كله ولا أن فراشة تنسحب من المسابقة،،

.
.

شو قلتي الحين؟!

[عنود الريف]

اسمحولي يعني .. بس انا اوافق اختي فراشة ود .. فانا يوم شفت الصورة .. ما عرفت شو اسوي بالصورة ..
فما اعرف ؟؟
وفكرة اختي دمعة العين ... انا شفت انها بعد ما تصلح ..
والله ما ادري ..
والسمووحه

[طير الغرام]

حتى لو غيرنا الصوره في اعضاء يمكن بدوا يصممون
اختيارنا للصوره كان ع السريع

والله ما أعرف شو أقوللكم

[قلوب دبي]

:)

حاليا ان شاء الله بنستمر في الشروط السابق ذكرها بالمسابقه
وان شاء الله المره اليايه بناخذ برايكم ..
و فالكم طيب
ياللي تامرونا عليه نحن حاظرين

قلوب دبي

[قلوب دبي]

الرجاء ارسال التصاميم الى الاداريه
طير الغرام

[طير الغرام]

أخر موعد لاستلام التصاميم غداَ
الساعة 2.00 ظهراَ ^_^

[أمطار]

. . .السلام عليكم. . .

حبيبتي
. . .طير الغرام. . .

أنا طرشت التصميم لـ قلوب دبي ،،
أرد اطرشه لج ولا خلاص!؟


كل الـــودّ. . .
دمعة العين

[طير الغرام]

دمعة العين

لا ختيه مايحتاي
التصاميم كلها عندي ^_^