جارمش ( المانيا )

**قلوب دبي** · 14-07-05 ||, 01:26 AM

السلام عليكم

اخواني الاعضاء الكرام
محبي واحه التصوير و هواه الكيمرا
اليوم بحوطكم في مكان ثاني في المانيا و هاي المنطقه من المناطق الرائعه في المانيا
حبيتها من خاطريه لجمالها و بروتها و الوانها و كل شي فيها حلو و كل شي فيها روعه ..

منطقه جارمش الالمانيه

هاي المنطقه تبتعد حوالي 60 الى 90 كم من مدينه ميونخ و ما اذكر المسافه بالضبط ..

الله يسلمكم بدايه الرحله كانت الساعه 9.30 صباحا بعد ما نزلنا و اتريقنا ذاك الريوق العجيب
و ظهرنا بسيارتين من الفندق و كانت عندنا Audi وBinz Van

بخليكم مع الصور و انتوا شوفوا الاماكن ع الطبيعه ..

و ما شا ءالله على الشوارع الطبيعه الحلوه

كلها غابات شوفوا اهني الشارعه اللي يمر في الغابه و يودينا الى جارمش

هاي اللي جدامنا Audi اللي فيها النفيجيشن سيستم
و عن طريقها نوصل للمنطقه اللي نقصدها ..

الوان و خضره وبراد ..

كل شي عجيب ^.^

ها شو رايكم اتخاوني المره اليايه

بس عليكم تكاليف الرحله وانا اكون المرشد مالكم ..

يطولي بعماركم
و عقب ما ظهرنا من الغابه مسكنا الهاي وي ..

و طول الدرب ظحك و وسوالف و اللي يقرض واللي ينكت و اللي يعلق
و ما خلينا حد في حاله يعني طول الدرب و نحن مستمتعين بالهذربان
و لا كل ما نوقف مكان لازم نشحن النا شيبس و عصاير و بارد و ريد بول
ووووو كل شي ءههههههه مستلزمات الرحله ..

و طالعوا هالصوره قبل لا نوصل المنطقه من بعيد شفنا ها المنظر ..

عاد عقب ما وصلناو ووقفنا السيايير و قطعنا التذاكر للتلفريك عشان ايودينا فوق اليبل
الصراحه اتذكرت ايام الشتا يوم اروح المدرسه كنت افرك ايديه من البرد و جان ايلس
الا افركها من زود البرد ..

و هالمنطر اول ما ركبنا التلفريك كان في الواجهه ..
ما صدقت اتخيلتها صوره اول بادي
منظر ما شا ءالله عليه ,,
روعه

وشوي شوي قام التلفريك يرتفع

واهني اتشوفون البحيره

كل ما يرتفع قمنا نتروع من التلفريك
غدينا الا متعلقين بين السما و الارض

وين كنا ووين الحينه بعد ارتفعنا فوق ..

و تصغر البحيره و اطرافها قامت تختفي ..

والراس قام يفتر

ههههههههههههههههه

الا اختفت بالمره البحيره

اجواء رهيبه يا جماعه الخير ..

احنا في احضان السحب ..

اتشوف هالعمود يعتبر التلفريك متعلق علي عده اعمده من هاي و يالين
ما يوصلنا فوق و كل ما يوصل عن عمود يزيد سرعته شويه لانه ياخذ طاقه
و تسمعون البقيم اهني

الحريم يصيحن و نحن نظحك من الزياغ ههههه

طالعوا اهني الثلج يا سلااااااااااااااااام

مكان ثاني نحن ليكون وصلنا المريخ
خخخخخخخخخ

و عاد الحينه وصلنا فوق..

و المكان فيه كوفيات و استراحات و محلات ايبيعون اشيا للذكريات و من هالقبيل
و قاعه للاستراحه و مطاعم ...

اتشوفون هالمكان اللي فيه الصليب فوق ..
اعلى قمه في هالمكان ..

و كاتبين عليها احنا ما نتحمل مسؤليه من يسير اهناك ..
يعني اللي يريد ع راحته بلاد الحريه
خخخخخخخخخخخ

و نحن عاد مستقوين انشوف حريم و شواب و عياييز يركونونحن لا
دحينا الصدر و قلنا الا انروح

سرنا و ركبا الصراحه المكان زياغ عادي الواحد لو ما يتقبظ عدل ايطيح
بس اتصورنا فوق ولكن ما اقدر احط الصور لانه فيها صورنا ..
انا و ربعي فمن جي ما حطيتها الكم ..

و عقب ما خلصنا من فوق و نزلنا
اليوم ظربنا و جان نسير و نطلب النا اكل
و خذنا النا فرايز لانه البرد كان قارس
حلوه هاي قارس

و نحن ناكل يانا ضيف و رحبنا فيه
و لا كان يريد فرايز و جان نعطيه ..

الللهيسلمكم شوفوه كيف يالس و لا ايخاف
هب عندنا في البلاد من ايشوفونا عن بعد كيلو شردوا
خخخخخخخ

و لا ما صدق شويه وا لا يزقر ربعه و اتيمعوا علينا ..

ههههههههههههه

و عقب ما سوينا شوبيج ع الخفيف نزلنا من فوق..

و في طريج العوده

الصراحه و البطن يقرقط كان

كأنه راكبين الجسر مسرعين ونازلين منه

و صلنا للبحيره اللي ودعناهاو نحنا راكبين ^_^

و ما شي يطولي بعماركم

واحنا رادين ترى عندهم شي من الشوارع اللي هي مفتوحه السرعه بدون
ليمت و ما صدقنا نحن كنا في الفان و ربعنا في الاودي ..
اونه بنتزامط و يستوي السباق
هههههههههههههه

الحمد الله وصلنا بالسلامه للفندق ..

وتوته توته خلصت الحدوته

هههههههههههه

لالالا هاي مب حدوته هاي حقيقه

و هاي هي جارمش شرات ما شفتوها
و ان شاء الله راح احوطكم مكان ثاني عن جريب

اتمنى انكم استانستوا في الرحله ..

هيه ص لا تنسون ترى هاي الرحله اكثر التعليقات كانت على ارماني

منوه ارماني بخبركم
خخخخخخخخخخخخخخخخخخ

اشوفكم على خير

السموحه

قلوب دبي

**ذنـيـنـي** · 14-07-05 ||, 01:37 AM

حلوة رحلتكم

ان شاء الله اذا سرت جارمش بصور و بحط الصور في موضوعك>>> بس كيفي , ما ابغي افتح موضوع يديد

btw منو ارماني ؟؟؟؟؟

**شوق البدو** · 14-07-05 ||, 01:38 AM

يااااااااااااااي ناايس
جان استاانس

اوكي انا بشيلك مرشد لنا
بس بشرط اول شي شلنا عحساابك

وثاني رحله
بنشلك معاانا عحسابنا

والله حلووو الجو خاطري اكون
هناك الحين

**الدلووووعة** · 14-07-05 ||, 06:19 AM

عجييييييييييييييييييبة الصراحة

اقولك اخويه انا المرة الياية بي وياكم (والله لايقصبوني )

بس صراحة وانا اقرا الموضوع وخاصة يوم قلت عن التلفريك وفلبي يدق قو

وميته من الخوف عيل كيف لو ركبته بموت قبل ما يتحرك

لا ظهرتو قواية وتحبون المغامرات

عاد اونه وانا تحرا بس بروحي اللي يستوي فيني جي يوم
نركب الجسر ونحن نازلين منه احس قلبي يطيح في بطني

يوم اخبر امي تيلس تظحك عليه

ماجني خذت راحتي

والسموحة

**خيال الحب** · 14-07-05 ||, 02:27 PM

ياسلام

الصراحه صوووووووور حلوه,,

تسلم ايدك الغالي,,

بس بغيت اعرف اذا البلاد رخيصه ولا غاليه..

ومتى صورت هالصور ,,

**قلوب دبي** · 14-07-05 ||, 02:40 PM

:)

خيال الحب

اختيارك وذوقك الاحلى
الله يسلم غاليك ومغليك شيخي
والصور مصورنها العام شهر 8 من تلفوني

هاي البلاد حالها حال اوربا و اليورو يعادل 4.5 درهم
و مرات يصل الى 5 على حسب الاوضاع
يعني اغلى عن الامارات
واتمنى اتزورها لانها ما تفوت عجيبه
مشكور يا خويه على التعقيب والمرور الطيب

اسمحولي جدمت الاخ خيال الحب في التعقيب
عشان اجاوبه وان شاء الله برد على تعقيباتكم

قلوب دبي

**العجيبة** · 14-07-05 ||, 03:17 PM

يا سلااااااااام .. صدق فــن

ارمـانـي هو وتعليقـاته خلانا نعيش الجــو .. صدق استمتعت وانا اقرا الموضوع

تسلم اخوي قلوب دبي ..

**نويّر** · 14-07-05 ||, 05:21 PM

وعليــــــكم الســـــــــــلام

دليــــــلنا الســـــــياحي

دلــــيل دوت كم ..أو .. قلــــــوب دبـــــــي ..

اسمحلــــي عالتسميــــــــة...

مـــاشــالله صـــــــور رووعــــــــــــة...

حــــــــلات الطبيــــــــــعة واللــــــه مــاشي أحلـــــــى عنـــــــها..

ومـاشــالله قلـــــــوب دومــــــه يتحفنـــــــا بالشــي الزيــــــــن...

منــــــــاظــر رهيـــــــــــبة بــس بصــــــــراحة الارتـــــــفاع هــا كلـــــه يـــروع..

كــل صـــورة تتكلــــــم عــن نفســــــها واتقـــــــول الــــــزود عنــــــــدي..

تسلــــــــم يمنـــــــــاك ع المــواضيـــــــــع والصـــــــور الخيــاليـــة هــاذي..

يعطيــــــــك العافيــــــــــــة...

نتـــــــــريا منـــــــك الابـــــــداعات اليــــــــاية دليـــــــــلنا.....
.
.
.

نويّـــر

**عنود الريف** · 15-07-05 ||, 05:33 PM

يا هلا والله برحالة الواحات ..
والله المنطقة واايد حلوة ... والبرد صدق قارس عندهم .. لو انا هناك .. جان شفتني متيمده .. وفجي يرتجف ..
صورك حلوة اخويه .. بس ما ادري احس انها مب واضحة واايد ..
ليكون الكيمرة بعد كانت بردانه فعشان جذي ما صورت عدل ..
تسلم يا اخويه على الرحلة الغاوية ..
وزواركم فنانين والله ..
بس عاد هالله هالله على عماركم .. لا تسرعون ..
والسمووحه