زين يوم اني مب رووحي اللي انتقد المناهج الدراسية ,,

ودووم استغرب واقارن .. ليش في الماضي وزمان اول كانت حلقات العلم التدريسية على بساطة حياتهم
اتخرج تقريبا كل الحلقة علمــــاء .. وكان طلب العلم عندهم شي مهم ويسافرون من بلاد لبلاد بس لاجل يتأكدون من مسألة علمية أو فقهية أو يلتقون بعالم أو فقيه .. فطلع من عندهم بخاري ومسلم وابن سينا والرازي و و و الخ ... من العلماء اللي التاريخ حافل بهم وبانجازاتهم وعلومهم ونظريات خدمت الانسانية .. بالاضافة للأدباء والشعراء وأهل البلاغة .. باختصار .. البيئة اللي ماكانت فيها تقنيات وتكنلوجيا هي البيئة اللي انتجت عقول وخدمت الاسلام والعالم..

لكن حالنا اليوم غريب .. تقنيات وتكنلوجيا ومناهج تعليمية عالية المستوى ووايد كلام نسمعه عنها لكن شوو الفايده ؟؟ كم عالم طلع من عندنا ولا من الوطن العربي ؟! .. حتى علماء العرب المعاصرين اللي نفتخربهم أحمد زويل وغيره .. هم من علماء المهجر!

من اول شهر عقب السنة الدراسية تعال ييب الطلبة وخلهم يمتحنون نفس الامتحانات وجوفهم بيقدرون يجاوبون ولا لا .. . زين ان نجحوا في الامتحان .. لان كل المعلومات اتطير وتتبخر بمجرد تأدية الامتحان .. طريقة التدريس غلط والمناهج غلط ,, وطريقة التعامل مع الطلبة غلط وطريقة التعامل مع المعلم غلط .. وهاي هي العوامل المهمة لإنجاح عملية التعليم .. لكن ان كانت هاي هي العوامل غلط ابشو بتفيدنا تلوين الكتب الدراسية وملئها بالرسومات والصور ولا بشو بتفيدنا كبر الصروح التعليمية ولا التقنيات المستخدمة.. اذا المضمون غلط.. مابيفيدنا الظاهر .. وهاللي استوى ..

احيد مره سالتنا مدرسة امريكية يوم شافت ضعف بعض البنات في اللغة الانجليزية .. سئلت ليش ماعلموكم الانجليزي في المدارس؟ ردوا عليها البنات انه اللغة الانجليزية عندنا من الروضه الين 3 ثانوي !! سواء في الحكومه أو المدارس الخاصة ,, والاجيال القديمة من رابع الين نهاية الثانويه ..
انصدمت المس ووايد استغربت.. قالت كيف تعلمتوا لغه 12 سنه انجليزي واللي منكم اتعلم 9 سنوات ..وانتوا ماتعرفون تشبكون جملة على بعضها ..! هالسنين اتكفي واتزيد انكم تتكلمون باتقان الناطق الأصلي للغة .. ناس يتعلمونها سنه او سنتين ويتقنونها ..

صدقهاالمس ووين الغلط باعتقادكم .. اكيد بطريقة التدريس و المنهج الدراسي .. يعني اهدار لاموال الدولة والنتيجة ضعيفة وماتوازي حجم الانفاقات اللي ينفقونها عالتعليم ..

هذا غير طبعا التعليم الديني في المناهج... التعليم الديني ضعيف ويتخرج الطلاب ومايعرفون شو فروض الوضوء وشو واجبات الصلاة وشو السنن .. وشو الفقه اللي ماتصح عبادات الانسان الا بتعلمه .. ووايد اشياء غير عن سيرة الرسول والصحابة والتابعين .. واهمال الدين في المناهج ظهرت اثاره في المجتمع الاسلامي احينه .. والخلافات بين المسلمين قامت اتزيد ابسبت الجهل .. وتعاملات المسلمين مع بعض سيئة لافتقارهم للأخلاق والتربية الإسلامية الصحيحة ..

لكن مااوافقك الراي في انه نتعلم الاحزاب السياسية وافكارهم ومنظماتهم وهاي الامور.. ماعليه اذا بيعطونا فكرة سريعة عنها مب انا نتعمق في دراستها .. .. واحس اانها اتكون علم تخصصي احسن عن اتكون من العلوم العامة اللي تدرس لكل الناس ...

عالعمووم موضوع حلو وخذت راحتي فيه زياده عن اللزووم ..

شكرا