؛؛ جمــود وبــرود .. الجــزء الثانــي ؛؛

[أحلى منصوري]

الســــــلاام عليــــكم ورحمـــــة الله وبركـــــاتــه

شــو سالفــة البرود والخمول اللي موجود حاليــاً في الواحـــــات ..
الأعضــاء يتجاوزون حــاجــز الــ 100 بــس محــد يتفاعـــل منهــم
حتــى أكثــرهــم يتواجدون فقــط في " الصفحــة الرئيسيــة في الواحــــات "

فـ ايـــش هــاض يا جمــاعـــة

إذا عـُـرف السبـــب .. بطــل العجــب ؛؛ منــو منـــكــم يعــرف الســبــب

والسموحـه

..

[الدلووووعة]

ياخويه صراحة الواحات مستويه باردة بدرجة فظيعة

يعني انا وحدة اسير الواحات كلها واشوف المواضيع اليديدة

ماشي مواضيع يديدة يوميا

يعني تقربا موضوع او ان وصلو 4 مواضيع يديدة في الواحات كلها

بس ليش ها الخمول والله مايندرى

بس عن نفسي من يوم عطلنا من المدارس ومخي عطل وياها

لا بس ان شاءالله يرد النشاط شرات قبل واحسن

والسموحة

[اشواق العين]

!@السلام عليكم ورحمة الله وبركاته@!


؟!؟!كيف الحال ان شاء الله بخير ؟!؟!؟


*((ممكن السبب هي العطلة الصيفية لان أغلب الأعضاء يكونوا مرتبشين بالعطلة 24ساعة برع البيت{{في المول أو مسافرين ,ماحد يدري ممكن عند الواحد ضروف خارجه عن ارادته ان شاء الله يرجوعون للواحات بخير وسلامة }}))*


@مشكور وايد{{أحلى منصوري }}@


؟؟الله لا يحرمنا من مواضيعك الحلوة نتريا اليديد؟؟؟


!@@والسموحة@@!


؟؟.؟تحياتي اشواق العين ؟؟.؟

[عنود الريف]

والله يا اخويه تبا الصدق .. عني انا الصراحة ما اشوف مواضيع تحمسني اني حتى اقراها ..
وانا نادر ما احصل شي اكتب عنه ..
وانا اداوم صيفي هالفترة وكراف الصبح فارد هلكانه البيت وما تكون عندي امكانية اني افكر في شي ..
فالله يعين ..
واسمحلنا على البرود

[الجنيه]

السلام عليكم ورحمة الله وبركاته

أشحالك يالمنصوري ،،، أنت ترمس عن البرود والجمود !!!! لا تنسى أنك أول واحد قلت مشاركاته وما عاد له أثر الله يرحم أيام كان لك فكل واحه موضوع ،، ما أدري شو اللي صار عليك هالشي وايد أثر على جو الواحات وكثير منا يفتقد للمنصوري الأولي ....
باعتقادي اذا بديت بنفسك بتعود المياه لمجاريها ويمكن حرارة الصيف مأثره على الجماعه وتلقى الأغلبيه مسافرين ... الله يردهم بالسلامه ...

المنصوري لاتعتقد اني أشن هجوم عليك وأقلب السالفه عليك بس صدق هاللي أحس به وأدري أني مقصره بس ماباليد حيله..

تحياتي الجناويه ...

ملاحظه : ترى في ناس ماشاء الله عليهم شادين حيلهم ويخففون عنا بمواضيعهم الغاويه فــــــــــــــــــــــــ ــــــــــــــ KEeP iT Up

[صدى جوفي]

أنا معاكم يا جماعة..
أحس أن المنتدى ناقصه شي .. بس شو ما اعرف؟!

[أمطار]

. . .وعليكم السلام ورحمة الله وبركاته. . .

أخوي
. . .أحلى منصوري. . .

البرود سببه البــــــــرود ،، هل كيف يعني يا دمعووه؟!


بخبرك عن أسبابي الشخصية::
أنا حاسه بالبرود وسببه برود الواحات. . .
عنديه مواضيع في بالي وخاطريه أطرحهم. . .

بس يوم أشوف هالبرود وأنه محد يشارك ،، أحس أنه مواضيعي ما بتلاقي تجاوب
فـ ليش أكتبها من الأساس وأتعب عمريه؟!


خاطريه أرد على كمن موضوع ،، بس مرات أحس أن كـُتّاب المواضيع نفسها
ما يشجعون أنه الواحد يكتب لهم رد. . .

يعني كتبت كمن رد على كمن موضوع ،،
بس حسيت أنه وجود ردي والعدم واحد ((في الفترة الحالية)). . .


لو كانت فيه مواضيع متجددة و ردود سريعة وتفاعل من الطرفين ((الكاتب والمـُعقب)). . .
كنا بنشوف نشاط أكبر والواحات بتشهد نوع من التحدي. . .

لكن ما أعرف هالبرود كيف صاب الكل؟!


((ملحوظة/ ما أرد على مواضيع لأني اتعايز ،، ودام أنها موجوده مكانها يمكن تنزل حبتين أو ترتفع حبتين بس ها ما يسبب مشكلة ،، يعني يوم باتفيج باكتب ردّ على رواء ،، بس عقب اتأخر حبتين -اسبوعين- وأحس أنه ردّي ماله داعي ،، واهوّن ))

وســـلامتك ،،

تقبـّل مني أرق التحايا . . .

كل الـــودّ. . .
دمعة العين

[قلوب دبي]

:)

عزيزي احلى منصوري

عليكم السلام و رحمه الله

الجمود اساسه نحن و اقصد بكلمه نحن كلنا نحن الاعضاء ..
لانه الواحات بشكل عام مرت بمرحله و الكل يعرف اسبابها ..
ما اريد ادخل في هالموضوع و لكن اللي نريده الحينه هو انه انشد حيلنا
و انشوف الواحات و انحاول نشارك فيها بقدر الامكان سواء بالردود على مواضيع غيرنا او
بالمشاركه في طرح المواضيع المختلفه و ان شا ءالله انا متوقع بأن الواحات راح ترجع لسابق
عهدها لو شدينا الهمه و تكاتفنا كلنا مع بعض ، و صدقوني اخواني كل واحد منا له ميزته في زاويه
معينه في الموضوع سواء بالابتسامه او بالشكر والثناء او بالتعقيب اساس العمل في اي منتدى
كان هو العمال الجماعي ..

بالمختصر المفيد نحن و نحن كلنا لازم نشد حيلنا ..
نطمح و لا نيأس

تسلم يالمنصوري و اشكر جميع الاعضاء نيابه عن اداره واحات بن دبي
على جهودهم وتواصلهم و السعي الى رقي الواحات بمساهماتهم اليوميه ..

موفقي بأذن الله

قلوب دبي

[حبوبه دبي]

انا ويا دمعــوه

وانته بعد يالمنصــوري بـــ ـ ـ ــارد مستـوي

والسمــوحه

[خنفروش]

و عليكم السلام ورحمة الله وبركاته

حيالله أحلى المناصير نورت الفزفزه يا دلي (( طبعا الحين تعرف شو يعني دلّي )) انزين سجل عندك :-

1 - أعضاء يجلبون لنا الاسكيمو ساعتين على المسنجر (( قرقرقرقر )) ولا دقيقة يحطون فيها رد (( ما تبغونا انثلج مالبرد ))

2 - قراء بس يقرون وينبسطون و يستمتعون بالموضوع و يغلقون الصفحه كأنهم ما قروا الموضوع (( منهم المخفي و منهم الي ظاهر اون لاين )) ثلاجات متحركه تنشر البرود في ارجاء الواحات

3 - الإنتقائيين في ردودهم (( هذا عضو راعي سوالف محبوب الجماعير بنرد عليه )) يرسلون الصقيع الى المواضيع الأخرى

4 - أقسام مجمده بسبب خمس ست أعضاء قرروا أن يستوطنوها بمواضيع (( بايته بارده منقوله )) ينقلون الـبـَـرَد بشراهة إلى تلك الأقسام مرة لأنهم أعضاء جدد و مرة لأنهم ما لقوا من يمنعهم و مرة لأن عذرهم أن الواحات بارده و هالطريقة هي الي تنشط الواحات والله شي

5 - أعضاء يتميزون بالخطوات البارده (( يدخلون يردون على مواضيعهم أو ينزلون موضوع و يظهرون )) سلامي علي هيك فريزرات متحركه (( هيه صح بتقولون انهم وحليلهم مشغولين و عندهم ارتباطات \ يعني الباجين بطاليه خخخخخخ ))

6- و لا ننكر سفر البعض أو تسافرهم (( عشان يدخلون بنكات ثانيه " تغيير جو " ))

البقية في الطريق
و السموحه

[أحلى منصوري]

يــا ســــلااام ,../ لو كل موضوع شرات هذا يتحـرك ما شفنــا البــرود من الأســاس . .

..

:: اختيــه الدلووووعة ::

انتــي لحــالج انتقــدتــي نفــســج .. غاديــه كسولة من بعــد الإمتحــانــات
بـعــون الله بـيـروح الخمول ( بيسافــر وما بيــرجع ) ..
شكــراً سيــدتــي على المشــاركــة

..

:: اختيـه أشــواق العيـــن ::
أول رد لــج في مواضيــع المنصــوري ويشــرفنــي تواجــدج
وفي كل فصــل نســع عــذر وعــن نفســي حفــظــت الأعــذار :
في الصيــف .. مســافــر
باقــي أيــام السنــة .. دراســة
بعـون الله نشـوف النشــاط يعـــود للواحــات


تخـيــاتي ( بالخــاء )

خويــكـم
المنصــوري

[أحلى منصوري]

احــم احــم

..

:: اختيــه عــنــود الريــف ::

مــا شــاء الله عليــج إنتــي طول السنـة شغـّـالة في الواحــات فلازم اتي لــج فتــرة راحــة وتجـديــد .. وإن شاء الله ما راح اتطول فــتــرة الصيــف وبتـرجع لنـا عنــود النشيـطــة ..
تحيــاتــي لــج وتقديــري ..

..

:: اختيــه الجنيــه ::

الجناويــه حطــت على المنصــوري .. وهل كيــف كان ما ضــربتـنــي بجوتــي ( الله يعزكــم )
صـحـيــح إنــي غبــتــ فتــرة بــس لازم أغيــب عشــان اتجدد وأغيــّـر الجــو لأن كثـر الضغــط يولد الإنفــجـار ويمــكــن انفـجر واضـركــم وأغــدي ( إرهــابــي )
والمنصــوري ينشــط مع الأيــام بــس إذا شــاف اللي حواليـه واللي دوم يـحــس بوقفتهــم معــاه بــارديــن .. هــل كيــف بيــبــرد غضــبــن عنــه
وعتــابـــج وصــل وفي محلــه بس عنديــه كـذا ظرف حاليــاً وبعون الله برجع وبتملون منيـه
موفقــة على طاعــة اللــه

والسموحه

خويــكم
المنصــوري

[أحلى منصوري]

:: صــدى جوفـــي ::

وتــرى هالبــرود يأثــر على الأعضــاء اليـداد والمتفاعليــن شــراتــج .. أتمنــى ما نفقــدج معانــا في الواحــات وتبقيــن متفاعلـــة .. تحيــاتي لــج وتقديــري

..

:: دمعــة العيــن ::

لحظــة لحظــة لحظــة .. هل كيـف ( محفوظــة حقوقهــا ) لـ أحلى منصــوري .. وهل كيـف تستخدمينهــا من دون ما يعــرف .. هل كيــف
حلــو التفــاعــل اللي صــار في موضـوع " كليــوبتــرا " بــس ليــش ما شفنهــا ( من قبــل دمعــوووه ) في بــاقـي المواضيـــع .. الكــل فــرح بالنشــاط اللي كان موجود في الموضــوع وكـنـت أتوقــع أشوف اللي مشــاركيــن في ذاك الموضوع يشبــون " ضو " ويتفاعلون " بــس ويـنــكم
وأســبــابــج منطقـيــة بس لازم نوجد حل للجموووود ولا بنغدي شراتهـم
تقديــري لشـخصــج الكريـــم ..

والسموحه

خويــكم
المنصــوري

[أمطار]

أحلـــى منصـــوري

هل كيف استخدمتها وحقوقها محفوظة؟!
هل كيف يعني بيعقونيه في السجن!!


طلعوني بكفالة وما باستخدمها مرة ثانية. .


أحلــــى منصــــوري

وأنا بعد فرحت من التفاعل اللي صار في موضوع ((كليـــوتبـــرا)). . .
وحسيت أنه ممكن الواحات يرد لها النشاط . . .
خصوصاً من اللي كانوا مشاركين في الموضوع . . .

ليكن((شرات ما يقولونها الهنود)) ،، انحبطت شوي لأني ما شفت هالتفاعل انتقل لمواضيع ثانية. . .
ما بلوم حد ،، وبالعكس انا ألوم عمريه قبل الكل. . .

ما بغيت أقول أنه عنديه مشاغل ثانية. . .
وفضـّلت أني اتعذر بالكسل. . .

لأن مهما كانت الأعذار ،، في النهاية أحس كأنيه أتملص من مسئوليتي تجاه واحاتي الحبيبة. . .
وأنا ما بغيت أبين هالشي. . .

تكثر الأعذار ونبقى مقصرين في حق واحاتنا. . .


السمـــوحة منكم

كل الـــودّ. . .
دمعة العين

[عافك الخاطر]

وعـليـكم السـلام ورحمـة الله وبركـاته
...
.
حيـا الله أحـلى منصـوري
والله عـلمـي عـلمـك ..
بـس ترى الإنسان اتيله حالات مخه يقفل فيها
وهالـبـرود جايس الواحات من زمـان ، بس خل تستوي ضرابة اتحصلهم مازرين الموضوع بالردود ، واللي ما توقعت تشوفه بتشوفه عالعموم هذا شي طبيعي حتى برع النت يصير جي ..
بتكـلم عـن نفـسي كـ عضـوة ..
أحيانـاً أكتفي بقـراءة المـوضـوع دون الرد عليـه هذا لو حسيت انه ردي ما راح يخدم الموضوع او انه فكرتي اللي ابغي اطرحها ، طرحها غيري.. ف ليش اعيد وازيد .. صح بتقول على االاقل نكتفي بالشكر ، بس احياناً الكاتب يمل من زود ما ايشوف ردود الشكر والثناء ،فـ الاكتفاء بالقراءة حزتها أحسن :) .
وانا مب من النوع اللي يطرح وايد مواضيع يعني ف السنة حسنة .. لاني احب اتكون فيه فترة بين المواضيع ..
غير عن اعذار السفر والدراسة، ترى المـزاج يلعب دور احياناً. ومب كل الاعضاء نفس الشي.. في منهم حاطين الواحـات في المرتبة الثانية من ناحية الاولويات ف النت و منهم ماخذ المسألة مسألة ملء لوقت الفراغ لا غير.. وبعض الاعضاء يحبـون يقرون اكثر من انه يشاركون .. الخ
وشي اعضاء زعلانين بعد ومسوين اضراب عن الواحات لأسباب غير معروفة

وان شـاء الله تـرجع الواحات شرات ما كانت واحسـن ..
وشكراً خيّو..
موفق..